12:53 13.11.2018
«Չի կարելի ինչ-որ բան հորինել, այդ հորինվածքը ներկայացնել որպես 100 տոկոսանոց ճշմարտություն և սկսել Կիկոսի մահի ժանրով փորձել հետևանքների վերաբերյալ հետևություններ անել ու պարզաբանումներ պահանջել»,- այսօր խորհրդարանում լրագրողների հետ ունեցած ճեպազրույցի ժամանակ նշել է ԱԺ «Ծառուկյան» խմբակցության անդամ Նաիրա Զոհրաբյանը՝ անդրադառնալով մամուլում շրջանառվող լուրերին, որ Գագիկ Ծառուկյանն, այսպես կոչված, նախընտրական ԱՁ-ներ է բացում, որտեղ գրանցում են ընտրողներին՝ աշխատավարձի տեսքով ընտրակաշառք տալու համար:
Նա ընդգծել է, որ առավոտյան բավականին զվարճացել է, երբ մամուլում ընթերցել է այդ լուրը: Նա վստահեցրել է, որ անօրինական նպատակներով հիմնադրված ձեռնարկություններ, որոնք կարող են ինչ-որ կերպ կապ ունենալ ընտրությունների հետ, չեն հիմնադրվել ու նման երևույթ չկա: Նաիրա Զոհրաբյանը դա լրատվական ապատեղեկատվություն է անվանում՝ պնդելով, որ նման լուրերի տարածման նպատակը մեկն է՝ ստվեր գցել «Բարգավաճ Հայաստան» կուսակցության վրա:
«Դա աբսուրդ է, դա անհեթեթություն է, չկա և չի կարող լինել նման բան: Ես հասկանում եմ, որ նախընտրական փուլում նման կարգի կեղտոտ քարոզչական լրատվական հնարքները սրվելու են հատկապես «Բարգավաճ Հայաստան»-ի հանդեպ, որը շատ քաղաքական ուժերի համար լուրջ մրցակից է, բայց գիտեք, եթե չկա մի բան, ուրեմն անիմաստ է դրա շուրջ էսպես անհեթեթ աղմուկ բարձրացնելը»,- ընդգծել է պատգամավորը:
Զոհրաբյանը միանշանակ բացառել է, որ ԲՀԿ-ն որևէ կեղտոտ տեխնոլոգիա կկիրառի այս ընտրություններում: Նրա պնդմամբ՝ իրենց կուսակցությունն ընտրություններին կմասնակցի միայն լուրջ մշակված տնտեսական ծրագրով, ու ամեն ինչ անելու են, որպեսզի ընտրություններում որևէ կեղծիք չարձանագրվի:
16:51 02.08.2025
Իրանի նախագահը երկօրյա այցով մեկնել է ՊակիստանՊակիստանի վարչապետի պաշտոնական հրավերով Իրանի նախագահ Մասուդ Փեզեշքիանը երկօրյա այցով մեկնել է Պակիստան: Ինչպես հայտնում է IRNA գործակալությունը, Փեզեշքիանը հանդիպումներ կունենա Պակիստանի վարչապետի, նախագահի, ինչպես նաև Ազգային ժողովի և Սենատի ղեկավարների հետ։ Այցի ընթացքում երկու երկրի պաշտոնյաները կստորագրեն մի շարք կարևոր համագործակցության փաստաթղթեր: ...
16:46 02.08.2025
Մեծ Բրիտանիայի ԱԳՆ-ն կասկածներ է հայտնել առաջիկա տարում Ուկրաինայում հակամարտության կարգավորման վերաբերյալՈւկրաինայի հակամարտությունը մեկ տարվա ընթացքում լուծելու հավանականությունը քիչ է, սակայն կողմերը կշարունակեն բանակցել, The Guardian-ին տված հարցազրույցում ասել է Մեծ Բրիտանիայի արտաքին գործերի նախարար Դեյվիդ Լամմին։ Հարցին, թե ինչպես է Լոնդոնը տեսնում Ուկրաինայում իրավիճակի զարգացումը, Մեծ Բրիտանիայի արտաքին գործերի նախարարության ղեկավարը նշել է, որ հակամարտությունը, ամենայն հավանականությամբ, չի լուծվի առաջիկա մեկ տարվա ընթացքում։ ...
16:30 02.08.2025
Սյունիքի մարզի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ին, Սյունիքի մարզի Մեղրի և Ագարակ քաղաքներում, Տաշտուն, Վարդանիձոր, Լեհվազ, Կարճևան, Շվանիձոր, Վահրավար, Ալվանք, Նռնաձոր, Լիճք բնակավայրերում փորձարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
16:16 02.08.2025
Միակ հարվածը դարպասին ավարտվել է գոլով․ «Արսենալ»-«Տոտենհեմ» խաղի վիճակագրությունըԱնգլիական «Արսենալն» ու «Տոտենհեմը» Հոնկոնգում անցկացրել են ընկերական խաղ, որտեղ հաջողությունն ուղեկցել է Թոմաս Ֆրանկի գլխավորած թիմին՝ 1-0: Միակ գոլն առաջին կեսի ավարտին խփել է սենեգալցի Պեպե Սարը: «Արսենալը» կատարել է 16 հարված, «Տոտենհեմը»՝ 6, սակայն թիմերը դարպասին կատարել են ընդամենը մեկական հարված, «Տոտենհեմինը» եղել է արդյունավետ: Արտետայի թիմն հաջորդ ընկերական խաղում օգոստոսի 6-ին ուժերը […] ...
15:58 02.08.2025
Ժամը 15:50 դրությամբ Երևանում +41 աստիճան է. ՍուրենյանԺամը 15:50 դրությամբ Երևանում +41 աստիճան է: Այս մասին ֆեյսբուքյան իր էջում գրել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը: ...
15:46 02.08.2025
Վեդիում բախվել են մարդատար «Գազել»-ը և «ՎԱԶ 2121»-ը․ կա տուժածԱյսօր՝ օգոստոսի 2-ին, ավտովթար է տեղի ունեցել Արարատի մարզում։ Ժամը 11։10-ի սահմաններում Վեդի քաղաքի Արարատյան փողոցում բախվել են Երևանի բնակիչ 63-ամյա Գագիկ Բ․-ի վարած «Գազել» մակնիշի և Արարատի մարզի բնակիչ 59-ամյա Ռաֆիկ Հ․-ի վարած «ՎԱԶ 2121» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի հոգի տեղափոխվել է «Վեդի» բժշկական կենտրոն։ Վթարի փաստով Վեդիի […] ...
