14:29 21.11.2018
Շիրակի մարզում անշարժ գույքի առք ու վաճառքի, նվիրատվության և այլ գործարքների աճ է գրանցվել: Մասնագետները փաստում են, որ կադաստրային գործարքների նման ակտիվություն մարզում 2009 թվականից հետո չէր գրանցվել: Կադաստրի մարզային ստորաբաժանումում այս տարվա 3-րդ եռամսյակում միայն բնակարանների առք ու վաճառքի գործարքների թիվը 20 տոկոսով ավելին է երկրորդ եռամսյակի համեմատ։ Մասնագետները սովորաբար սա պայմանավորում են 2 հիմնական գործոնով՝ տնտեսական ակտիվություն և ֆինանսների հասանելիություն։ Այժմ շուկան ակտիվացել է հիփոթեքային վարկավորման պայմանների մեղմացմամբ՝ երիտասարդ ընտանիքներին ցածր տոկոսադրույքով վարկավորմամբ, ինչպես նաև տարիքային շեմի նվազմամբ։ Կադաստրում քաղաքացիների մեծ ակտիվություն է, գործարք անում են հիմնականում հիփոթեքային վարկավորմամբ։ Հիփոթեքի պայմանները քաղաքացիների համար ֆինանսական հասանելիություն են ապահովել, դրանից էլ շուկան ակտիվացել է։
Ըստ «Ա.Գ Էսթեյթ» ՍՊԸ-ի փորձագետ Արարատ Պապոյանի՝ գործարքների ակտիվությունը պայմանավորված չէ միայն հիփոթեքային վարկավորմամբ, այլապես այդ գործարքները կընդգրկեին հիմնականում էժան տները։ Բայց տեղի է ունենում հակառակը՝ գնողունակ քաղաքացիները նախընտրում են գնել թանկ բնակարաններ քաղաքի կենտրոնում ու ոչ թե ծայրամասային թաղամասերում էժանները։ Ըստ փորձագետի՝ մարդիկ ունեն սեփական կապիտալ ու ցանկանում են լավ գույք ձեռք բերել, նրանց շարքերում են նաև օտարերկրացիները:
Շուկայի ակտիվության արդյունքում անշարժ գույքը մարզում դեռևս չի թանկացել: Վաճառողները թանկ են գնահատում իրենց անշարժ գույքը, բայց գնողն էժանացնում է, Կադաստրում կնքված առք ու վաճառքի պայմանագրերում գնաճ չկա: Սա նաև այն պատճառով, որ շատ են դեռ տարիներ առաջ վաճառքի հանված էժան տները, որոնք չեն էլ վաճառվում: Սա նաև Ռուսթավելի փողոցի հին տներին է վերաբերում: Փողոցի վերակառուցումից հետո սպասվում էր, որ դրանք նաև բիզնես տարածքների էին վերածվելու և քաղաքի զբոսաշրջային միջավայրն էին փոխելու, ինչը տեղի չունեցավ:
Անշարժ գույքի միջինացված արժեքը որոշվում է առք ու վաճառքի պայմանագրերում բնակիչների նշած գումարի չափից ելնելով: Բայց միշտ չէ, որ վաճառողի ու գնորդի միջև գումարային հաշիվների մասին ճիշտ տեղեկություններ են հայտնվում Կադաստրում: Առք ու վաճառքի իրական գնի փոխարեն ցածրը հայտարարելով՝ ոմանք մտածում են, որ դրանից կպակասեն իրենց կադաստրային մուծումները: Այնինչ, Կադաստրի կոմիտեի «Շիրակ» մարզային ստորաբաժանման ղեկավար Արայիկ Առաքելյանն ասում է, որ անկախ նրանից, թե 1 սենյականոց է գնվում, 5 սենյականոց, թե առանձնատուն, բոլորի համար իրավունքի պետական գրանցման գումարը 45.000 դրամ է, այսինքն՝ գնորդը վճարում է 1 միավոր գույքի համար՝ առանց դրա չափերը հաշվի առնելու:
Գործարքների իրական գները չհայտարարելու պատճառով անշարժ գույքի գների կադաստրային արժեքները ճիշտ չեն ձևավորվում: Իսկ մասնագետները սա հիմք են ընդունում՝ բնակարանների գնման վկայագրերի գները սահմանելիս, որոնք միշտ ցածր են լինում շուկայականից: Բացասական հետևանքն էլ այն է, որ շահառուին չի հաջողվում բնակարան գնել վկայագրի արժեքով:
21:16 02.08.2025
Արենիում` 42.6, Երևանում՝ 41.9 աստիճան. մի շարք վայրերում դիտված ջերմաստիճանները գերազանցել են այդ օրը երբևէ գրանցված արժեքներըԻնչպես կանխատեսվել էր, այսօր հանրապետությունում դիտվել է բարձր ջերմային ֆոն։ «Հիդրոօդերևութաբանության և մոնիթորինգի կենտրոն» ՊՈԱԿ-ից հայտնել, որ մի շարք վայրերում դիտված առավելագույն ջերմաստիճանները գերազանցել են այդ օրը երբևէ գրանցված արժեքները. Արենի` 42.6°C (40°C` 2011թ.), Երևան` 41.9°C (40.8°C` 2000թ.), Արտաշատ` 40.9°C (40.7°C` 2011թ.), Ապարան` 33.5°C (32.2°C` 2000թ.): ...
21:00 02.08.2025
Անթալիայում զբոսաշրջիկներին զգուշացրել են ուժեղ քամիների և տեղատարափ անձրևների մասինՕդերևութաբանները զգուշացրել են կիրակի օրը Թուրքիայի Անթալիա հանգստավայրում ուժեղ անձրևների մասին, ալիքների բարձրությունը կարող է աճել ափամերձ շրջաններում, զբոսաշրջիկներին և վարորդներին կոչ է արվել զգույշ լինել, հաղորդում է Antalyahakkinda պորտալը։ «Կիրակի օրը Անթալիայի վեց շրջաններում սպասվում են ուժեղ անձրևներ։ 4-րդ տարածաշրջանային օդերևութաբանական վարչության հայտարարության մեջ ընդգծվում է, որ քամին կփչի միջին ուժգնությամբ հյուսիսից և արևմուտքից […] ...
20:50 02.08.2025
Մալիում ձերբակալվել է նախկին վարչապետըՄալիի նախկին վարչապետ Մուսա Մարան կալանավորվել է կառավարությանը վարկաբեկելու և անկարգություններ հրահրելու մեղադրանքով, հաղորդում է RFI ռադիոն։ «Մալիի նախկին վարչապետ Մուսա Մարային մեղադրանք է առաջադրվել և նա կալանավորվել է: Նրան մեղադրանք է առաջադրվել չորս հանցագործությունների մեջ, որոնց մեջ են մտնում «պետության նկատմամբ վստահությունը խաթարելը, օրինական իշխանությանը դիմադրելը և հասարակական անկարգություններ հրահրելը»», – հայտնել է ռադիոկայանը։ […] ...
20:40 02.08.2025
Բրազիլացի պաշտպանը հեռացել է «Փյունիկից»Բրազիլացի պաշտպան Ժունինյոն հեռացել է «Փյունիկից»: Այս մասին հայտնում է ակումբի մամուլի ծառայությունը։ 30-ամյա ֆուտբոլիստը երևանյան ակումբում էր 2021 թ. հուլիսից, 122 խաղում նա խփել է 9 գոլ, կատարել 9 գոլային փոխանցում, երկու անգամ դարձել Հայաստանի չեմպիոն։ ...
20:32 02.08.2025
The Hill. ԱՄՆ Սենատը Ռուսաստանի դեմ պատժամիջոցների օրինագիծը չի ընդունի մինչև ամռան վերջԱՄՆ Սենատը մինչև ամռան վերջ չի ընդունի նոր օրինագիծ, որը կխստացնի Ռուսաստանի դեմ պատժամիջոցները, այդ թվում՝ սահմանափակումներ սահմանելով երրորդ երկրների նկատմամբ։ Այս մասին ասվում է The Hill թերթում հրապարակված հոդվածում։ Ինչպես նշվում է հոդվածում, «հանրապետական սենատորները պատրաստվում են լքել Վաշինգտոնը՝ առանց Ռուսաստանի դեմ պատժամիջոցների մասին լայնածավալ օրինագիծ ընդունելու»։ Սենատի աշխատանքային նիստն ավարտվում է օգոստոսի սկզբին։ […] ...
20:22 02.08.2025
Հինգ երկրներից 90 ծանրոց մարդասիրական օգնություն է հասցվել ԳազաԻսրայելի բանակը շարունակում է մարդասիրական օգնություն հասցնել Գազայի հատված, հաղորդում է բանակի մամուլի ծառայությունը։ «Շաբաթ օրը, քաղաքական ղեկավարության հրահանգներին համապատասխան և Իսրայելի, ԱՄԷ-ի, Հորդանանի, Եգիպտոսի, Ֆրանսիայի և Գերմանիայի միջև համագործակցության շրջանակներում, Իսրայելի պաշտպանության բանակը շարունակում է մի շարք գործողություններ, որոնք ուղղված են Գազայի հատվածում մարդասիրական օգնության ավելացմանը։ Վերջին մի քանի ժամվա ընթացքում հինգ երկիր օդային […] ...
