18:38 10.12.2018
ԱԺ արտահերթ ընտրություններին Շիրակի մարզի բնակիչների մասնակցությունը հանրապետական միջին ցուցանիշից ցածր է եղել: Այնինչ, 2017 թվականի ԱԺ ընտրություններին մասնակցության ավելի բարձր ցուցանիշ է գրանցվել: Թվերի համեմատականով՝ 1.5 տարի առաջ Շիրակի մարզից քվեարկությանը մասնակցել է 30.400-ով ավելի ընտրող, քան այս ընտրություններին: Ամբողջ քվեարկության ընթացքում, ըստ տարածքային ընտրական հանձնաժողովների ղեկավարների, որևէ լուրջ ընտրախախտում չի գրանցվել: Բայց Ընտրական օրենսգրքի համաձայն՝ քաղաքական ուժերն իրավունք ունեն այսօր՝ մինչև ժամը 18-ը, և վաղը՝ մինչև ժամը 11-ը, բողոքներ ներկայացնել հանձնաժողովներ:
Գյումրիի ընտրողները հանրապետությունում ամենապասիվն են եղել երեկվա ԱԺ արտահերթ ընտրություններում: Քաղաքից բացակայողներն են շատ, նաև փաստացի բնակության և հաշվառման հասցեների անհամապատասխանություն կա, բայց սա պասիվության ոչ բոլոր պատճառներն են: Թիվ 32 տարածքային ընտրական հանձնաժողովի նախագահ Մարզպետունի Մարգարյանն իր դիտարկումներն ունի: Նա նշում է, որ մարդիկ արդեն համոզվել էին, որ իշխանությունները թույլ չեն տալու ընտրակաշառք բաժանեն, սա նույնպես կարևոր գործոն էր, որ ընտրողների ակտիվության վրա ազդեց:
Հանձնաժողովներում միակարծիք են, որ այս ընտրություններն անցել են կազմակերպված՝ առանց լուրջ ու էական խախտումների, և ամենակարևորը, որ ընտրողը հիմնականում քվեարկեց առանց թաղային հեղինակությունների կամ ազդեցիկ անձանց ուղղորդումների ու պարտադրանքի: Ըստ Մարզպետունի Մարգարյանի՝ նախկին դեմքերն արդեն ստվերում էին:
Ի տարբերություն նախորդ ընտրությունների՝ տարածքային ընտրական հանձնաժողովները ոչ մի ահազանգ չեն ստացել տեղամասերի մոտ կուտակումների մասին, ինչն էլ թույլ է տալիս հետևություն անել: Ըստ թիվ 30 տարածքային ընտրական հանձնաժողովի նախագահ Գրիգոր Հովհաննիսյանի՝ ոստիկանները նույնիսկ իրենց մեքենան թույլ չեն տվել կայանել տեղամասի դիմաց: 50 մետր շառավղով բացառվել են մարդկանց կուտակումները:
Նախորդ տարիներին Շիրակի մարզից մշտապես բարձր քվեներ ապահոված թեկնածուների ձայներն էլ այս ընտրություններին պակասեցին, սա արդեն խոսում է քաղաքական սերնդափոխության մասին: Թիվ 31 տարածքային ընտրական հանձնաժողովի նախագահի տեղակալ Հովհաննես Պետրոսյանը նշում է. «Ժողովուրդը ցանկացել է, որ սերնդափոխություն կատարվի քաղաքական դաշտում, ու յուրաքանչյուրն իր ընտրությամբ փաստել է իր ցանկությունը»:
Տեղամասերից հատուկենտ ահազանգեր են ստացել տարածքային ընտրական հանձնաժողովները, անմիջապես արձագանքել: Դրանք հիմնականում եղել են սարքերի կողմից ընտրողի մատնահետքը չճանաչելու, նաև կրկնակի քվեարկության 1-2 փորձի մասին, որոնք կանխվել են: Այս ամենն ընտրությունների ընթացքի վրա չի ազդել: Տարածքային ընտրական հանձնաժողովներում հավաստում են, որ տեղամասերի գրանցամատյաններում էլ հանձնաժողովի որևէ անդամ, վստահված անձ կամ դիտորդ, հատուկ կարծիք չի թողել: Ու սա ոչ թե այն պատճառով, որ վախեցել են գրել ընտրախախտումների մասին, ինչպես նախկինում, այլ պարզապես կարիքը չի եղել: Այս ընտրություններում քիչ են եղել նաև անվավեր ճանաչված քվեաթերթիկները: Քաղաքացիներից ոմանք V-աձև նշանի փոխարեն իրենց ստորագրությունն են դրել քվեաթերթիկի վրա, կամ նախընտրած թեկնածուի անվան դիմաց անթիվ բարեմաղթանքներ թողել:
09:13 01.05.2025
Կարևոր է աշխատանքային իրավունքների ապահովման նկատմամբ պետության պատշաճ վերահսկողության միջոցների ձեռնարկումը․ ՀՀ ՄԻՊՀՀ մարդու իրավունքների պաշտպան Անահիտ Մանասյանը շնորհավորական ուղերձ է հղել Աշխատանքի օրվա առթիվ․ «Սիրելի՛ հայրենակիցներ, Շնորհավորում եմ Մայիսի 1-ի` Աշխատանքի միջազգային օրվա առթիվ: Այս օրը ևս մեկ առիթ է ընդգծելու յուրաքանչյուրի աշխատանքային իրավունքները պաշտպանելու կարևորությունը: Մեր երկրում աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ: ՄԻՊ աշխատակազմի ուսումնասիրությունները, ստացված բողոքների […] ...
09:10 01.05.2025
Աշխատանքը պետք է լինի արդյունք ստեղծելու և այդ արդյունքը վայելելու միջոց․ Նիկոլ ՓաշինյանՎարչապետ Նիկոլ Փաշինյանի շնորհավորական ուղերձն Աշխատանքի և աշխատավորների համերաշխության միջազգային օրվա առթիվ. «Սիրելի՛ ժողովուրդ, Հայաստանի Հանրապետության սիրելի՛ քաղաքացիներ, Մայիսի 1–ին նշում ենք Աշխատանքի և աշխատավորների համերաշխության միջազգային օրը, և ուզում եմ բոլորիս շնորհավորել օրվա առիթով։ Քաղաքակրթությունը ձևավորվել ու զարգանում է աշխատանքի արդյունքում, և աշխատանքն է այն գործիքը, որով հնարավոր է անհատի և հանրության կյանքն ավելի […] ...
09:00 01.05.2025
Al Jazeera. Իսրայելի հարվածները Գազայում 24 ժամում 35 մարդու կյանք են խլելԳազայի հատվածին Իսրայելի հարվածների հետեւանքով վերջին 24 ժամում առնվազն 35 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը՝ հղում անելով անկլավի առողջապահության նախարարությանը։ Զոհվածներից առնվազն 8-ը զոհ են դարձել պաղեստինյան անկլավի կենտրոնական մասում գտնվող Նուսեյրաթ փախստականների ճամբարին իսրայելական բանակի հարվածին։ Հաղորդվել է նաեւ, որ Գազայի հատվածի հիվանդանոցներ է տեղափոխվել 109 վիրավոր։ Նախարարությունը […] ...
08:48 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:40 01.05.2025
Guardian. Լոնդոնը Փարիզի հետ քննարկում է հունիսին Պաղեստինը ճանաչելու հնարավորությունըԲրիտանիան Ֆրանսիայի հետ քննարկում է Պաղեստինի ճանաչման մասին 2025 թվականի ամռան սկզբին հայտարարելու ծրագրերը: Ըստ բրիտանական The Guardian թերթի՝ այս քայլը կարող է համընկնել հունիսի 2-4-ը ՄԱԿ-ի հովանու ներքո կազմակերպված «երկու պետություն երկու ժողովուրդների համար» ծրագրի իրականացման վերաբերյալ միջազգային համաժողովի հետ: Չորեքշաբթի օրը, ելույթ ունենալով բրիտանական խորհրդարանական հանձնաժողովի հետ, Մեծ Բրիտանիայի արտաքին գործերի նախարար Դեյվիդ […] ...
08:30 01.05.2025
ԱՄՆ-ը չի հրաժարվում Ուկրաինայի կարգավորման հարցում միջնորդությունից․ Քիթ ՔելլոգԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։ «Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։ Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ […] ...
