23:32 24.12.2018
«Լույս» դաշինքի կողմից ավագանի ընտրված Անի Սամսոնյանը ֆեյսբուքյան իր էջում գրառում է կատարել և նշել, որ Երևանի քաղաքապետ Հայկ Մարությանին ներկայացրել է առաջարկները 2019 թվականի Երևան քաղաքի զարգացման ծրագրում և բյուջեում ներառելու համար և ստացել պատասխանները:
Գրառումն ամբողջությամբ՝ ստորև:
«1․ Աջափնյակ վարչական շրջանի Արզումանյան h. 10 շենքի 1-ին, 2-րդ մուտքերի վերկանգնման-ամրացման աշխատանքների իրականացում։
Առաջարկն ընդունվել է։ Արզումանյան 10 շենքը ֆիզիկապես և բարոյապես մաշված է, ունի 3-րդ կարգի վթարայնության աստիճան։ Աշխատակազմի համապատասխան ստորաբաժանումների կողմից մշակվում է ներդրումային ծրագիր՝ համայնք-մասնավոր համագործակցությամբ նոր բազմաբնակարան շենք կառուցելու նպատակով։ Սակայն շենքի սեյսմիկ վիճակի վատթարացման պարագայում կքննարկվի շենքի առաջին և երկրորդ մուտքերի վերականգնման և ամրացման հարցը։ Երևանի զարգացման 2019 թ․ ծրագրում փոփոխություն կատարելու անհրաժեշտություն չի առաջացել։
2․Աջափնյակ վարչական շրջանի Նազարբեկյան շենքի տեխնիկական վիճակի ուսումնասիրում, ավարտական ակտի (շահագործման թույլտվության) ձևակերպում, տանիքի և բազրիքների տեղադրում։ Երկարաժամկետ պլանում դիտարկել նաև շենքում վերելակ տեղադրելու հարցը։
Առաջարկն ընդունվել է։ Նազարբեկյան 48 շենքի (9 հարկանի) շենքի 9-րդ հարկը և տանիքը կառուցված չեն, տեղադրված չեն վերելակները, մուտքերի բազրիքները և մուտքերը հարդարված չեն։ Հաշվի առնելով, որ շենքը կիսակառույց է, առաջարկում ենք 2019թ․ ծրագրերի շրջանակներում պատվիրել շենքի տեխնիկական վիճակի հետազոտման աշխատանքներ և համապատասխան եզրակացության ստանալուց հետո ձեռնարկել միջոցառումներ։ Երևանի զարգացման 2019 թվականի ծրագրում փոփոխություն կատարելու անհրաժեշտություն չի առաջացել։
3․ Գյուղատնտեսական մթերքների իրացման նոր շուկայի ստեղծում, որը կարող է կարգավորել բացօթյա առևտրի խնդիրը՝ մասնավորապես քաղաքացիների առողջապահական անվտանգությունը, քաղաքի բնապահպանական, սանիտարական և մաքրության խնդիրը, ինչպես նաև՝ գյուղատնտեսական մթերքների առևտրով զբաղվողների սոցիալական խնդիրը։
Առաջարկն ընդունվել է։ Առաջարկությունը ներառված է Երևանի զարգացման 2019 թվականի ծրագրում։ Երևանի զարգացման 2019 թ, ծրագրի «Առևտուր և սպասարկումներ» ոլորտի 2019 թվականի նախատեսվող աշխատանքներ բաժնի 6-րդ կետում նշվում է, որ մասնավոր ներդրումների հաշվին գյուղմթերքի փոքրածավալ շուկաներ ստեղծելու նպատակով նախատեսվում է դրանց տեղակայման վայրերի որոշում, քաղաքաշինական փաթեթի մշակում և կառուցում։
4․ Նոր Նորք վարչական շրջանի 6-րդ զանգվածի Շոպրոն փողոցի h. 8 շենքի տանիքի վերանորոգում։ Դիմումը ստացել եմ շենքի բնակիչներից (6-րդ լուսանկար)։
Առաջարկն ընդունվել է։ Երևանի զարգացման 2019 թվականի Կոմունալ տնտեսության ոլորտի «2019 թվականին նախատեսվող աշխատանքներ» բաժնում նշվում է, որ կիրականացվի բազմաբնակարան բնակելի շենքերի շուրջ 60 հազ քմ հարթ և 30 հազ․ քմ թեք տանիքների վերանորոգում։ Նշված հասցեն ներառված է ծրագրում։
5․ Մալաթիա-Սեբաստիա համայնքի Րաֆֆու փողոցի h. 99 շենքի 1-ին մուտքի բարեկարգում։
Առաջարկն ընդունվել է։ Երևանի զարգացման 2019 թվականի Կոմունալ տնտեսության ոլորտի «2019 թվականին նախատեսվող աշխատանքներ» բաժնում նշվում է, որ նախատեսվում է հիմնանորոգել բազմաբնակարան շենքերի շուրջ 700 շքամուտք։ Նշված հասցեն ներառված է ծրագրում։
6․Դավթաշեն վարչական շրջանի մեջ ներառված սեփական բնակելի հատվածի 7-րդ փողոցի սկզբնամասի (16 թաղամասից դեպի այդ փողոց ընկած հատվածը) ասֆալտապատում և փողոցային լուսավորության ապահովում (Երևանի ավագանու ԵԼՔ խմբակցության ավագանու նախկին անդամ Հարություն Բաբայանի այս առաջարկը մերժվել է դեռևս նախորդ տարի 2018 թվականի բյուջեում ներառելու համար)։
Առաջարկն ընդունվել է։ Դավթաշեն վարչական շրջանի 7-րդ փողոցի սկբնամասի ասֆալտապատումը և փողոցային լուսավորության ապահովումը կներառվի Դավթաշեն վարչական շրջանի 2019 թվականի զարգացման ծրագրում։
7․ Կենտրոն վարչական շրջանի Ծիծեռնակաբերդի խճուղի 1/3 հասցեում բակի բարեկարգում, մասնավորապես նստարանների և խաղահրապարակի տեղադրում։
Առաջարկը չի ընդունվել, քանի որ Ծիծեռնակաբերդի խճուղի 1/3 հասցեն չունի բակային տարածք և կառուցված են ավտոտնակներ։ Ավտոտնակների տանիքը որպես բակային տարածք բարեկարգելու համար անհրաժեշտ է սեյսմիկ հետազոտություն։ Սակայն անմիջապես հարևանությամբ (Ծիծեռնակաբերդի խճուղի 1/2) գոյություն ունի բակային բարեկարգ տարածք։
Հետևողական եմ լինելու խոստացված աշխատանքների ամբողջ ընթացքին»,- գրել է Անի Սամսոնյանը:
https://www.facebook.com/samsonyan.ani/photos/a.2248036432143317/2295001294113497/?type=3&theater
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
