13:17 26.12.2018
Հայ-վրացական սահմանին ակցիա իրականացնող ջավախահայ երիտասարդների բարձրաձայնած խնդիրն արդեն լուծված է: SHANTNEWS.am-ի հետ զրույցում ակցիան իրականացնող ակտիվիստներից Անդրանիկ Ղարսլյանը նշեց, որ խնդիրը լուծում է ստացել այն բանից հետո, երբ իրենք հանդիպել են ՀՀ ոստիկանապետ Վալերիյ Օսիպյանի հետ: Նրա խոսքերով` դրանից հետո ջավախահայ երիտասարդներին այդ խնդրով սկսել են այլևս չհետապնդել:
Ինչպես արդեն հայտնել էինք, Ջավախքի հայ երիտասարդները բողոքի ակցիա էին իրականացնում` նշելով, որ այն երիտասարդները, ովքեր երկքաղաքացու հայկական անձնագիր են ստացել, Ռուսաստանից տուն վերադառնալիս, Հայաստան մուտք գործելիս փաստի առաջ են կանգնում. նրանք ընտրության երկու տարբերակ ունեն՝ կա՛մ պետք է զորակոչվեն ՀՀ բանակ, կա՛մ 5 տարի ժամկետով ազատազրկվեն:
«Խնդիրն արդեն լուծված է այդ մասով, իսկ մյուս մասով` այն երիտասարդները, ովքեր հարցաքննման մեջ էին, երեկվանից մեզ հայտնել են, որ նրանց նկատմամբ հարուցված քրգործը կարճվել է, նրանց վերադարձնելու են իրենց անձնագրերը, որպեսզի վերջիններս վերադառնան հայրենիք և Նոր տարին նշեն իրենց ընտանիքի անդամների հետ»,- ասաց Ղարսլյանը:
Նա նշեց, որ այս խնդիրը նոր չէր, իրենց պայքարը` ևս, իրենք ակցիա են իրականացրել նաև նրանց համար, ովքեր անազատության մեջ էին: Ղարսլյանը հայտնեց, որ խնդրին լուծում է տրվել, որը փոխզիջումային տարբերակ չէ, իրենք որևէ պարտավորություն չեն ստանձնել դրա դիմաց:
«Մենք չենք պարտավորվել ոչ մի բանում, երևի թե համաներման խնդիր էր, համաներեցին մեզ: Պարոն Օսիպյանին իմ առաջարկը հետևյալն էր` փակել հին էջը և սկսել նոր էջից, երևի թե առաջնորդվել են այդ գաղափարախոսությամբ»,- ասաց նա:
Հետաքրքրվեցինք` խնդրին օրենսդրական մակարդակո՞վ է լուծում տրված, թե՞ զուտ համաներմամբ, ինչին Ղարսլյանը պատասխանեց.
«Երևի թե օրենսդրական մակարդակով էլ լուծում կա, ավելի կոնկրետ չեմ կարող տեղեկացնել, ինքս էլ տեղյակ չեմ` ինչ ձևով է այդ հարցը լուծվել: Երևի թե, քանի որ այդ հարցը գլոբալ էր, էլ չսկսեցին փորփրել, հակառակ դեպքում մեր վիճակը կբարդանար` և՛ Վրաստանում, և՛ Հայաստանում»:
19:39 30.04.2025
ԼՂ-ից տեղահանված անձանց սոցիալական աջակցության ծրագրում լրացումներ են արվելԼՂ-ից տեղահանված անձանց առաջնային կարիքների բավարարման, կեցության և այլ ծախսերի համար նախատեսված սոցիալական աջակցության ծրագրում լրացումներ են արվել։ Այս մասին հայտնում են ՀՀ աշխատանքի և սոցիալական հարցերի նախարարությունից: Հաշվի առնելով այն, որ ԼՂ-ից բռնի տեղահանված ընտանիքների համար հաստատված սոցիալական ուղղվածություն ունեցող ծրագրերի լավարկման վերաբերյալ առաջարկների քննարկման համար կպահանջվի որոշակի ժամկետ՝ ընթացիկ ծրագրերում իրականացվել են որոշակի […] ...
19:27 30.04.2025
«Care for children» կազմակերպության և ՀՀ-ում դիվանագիտական ներկայացուցիչների մասնակցությամբ տեղի է ունեցել կլոր սեղան քննարկումԽնամատարության ինստիտուտի զարգացման ու կայացման հեռանկարի վերաբերյալ համաժողովի շրջանակում՝ Աշխատանքի և սոցիալական հարցերի նախարարության նախաձեռնությամբ տեղի է ունեցել հարակից կլոր սեղան քննարկում՝ «Care for children» կազմակերպության և ՀՀ-ում գործունեություն իրականացնող դիվանագիտական ներկայացուցիչների մասնակցությամբ։ Հանդիպման շրջանակում դեսպաններին ներկայացվել է պետության խնամքին ապրող երեխաների համար որպես խնամքի այլընտրանքային ինստիտուտի՝ խնամատարության վերաբերյալ ՀՀ-ում այս պահին առկա պատկերը, ոլորտային […] ...
19:17 30.04.2025
Վահրամ Դումանյանը նշանակվել է վարչապետի խորհրդականՎարչապետ Նիկոլ Փաշինյանը որոշում է ստորագրել, ըստ որի՝ Վահրամ Դումանյանը նշանակվել է վարչապետի խորհրդական: «Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով՝ Վահրամ Դումանյանին նշանակել վարչապետի խորհրդական»,- ասվում է որոշման մեջ։ ...
19:07 30.04.2025
«Բարսելոնան» հավանաբար այս պահին աշխարհի լավագույն թիմն է․ ԻնձագիՄիլանի «Ինտերի» գլխավոր մարզիչ Սիմոնե Ինձագին Չեմպիոնների լիգայի կիսաեզրափակչի՝ «Բարսելոնայի» դեմ առաջին հանդիպումից առաջ կիսվել է իր սպասելիքներով։ ««Բարսելոնան» հավանաբար այս պահին աշխարհի լավագույն թիմն է։ Ֆլիկի գլխավորությամբ ակումբը հիանալի կազմակերպված հարձակողական ֆուտբոլ է ցուցադրում»,- նշել է Ինձագին մամուլի ասուլիսում։ «Բարսելոնա» – «Ինտեր» հանդիպումը կկայանա այսօր երեկոյան։ ...
18:58 30.04.2025
ԲՏԱ նախարարի տեղակալը Շվեդիայի Թագավորությունում հանդիպում է ունեցել ոլորտի մի շարք ներկայացուցիչների հետՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանն ապրիլի 22-24-ը աշխատանքային այցով գտնվել է Շվեդիայի Թագավորությունում (Ստոկհոլմ)՝ մասնակցելու Շվեդիայում ՀՀ դեսպանության և Շվեդիայի ԱԳՆ կողմից կազմակերպված «Գործարար համաժողով Հայաստանի վերաբերյալ» (Business Seminar on Armenia) թեմայով միջոցառմանը, որին մասնակցել են շվեդական գործարար և պետական ոլորտի ավելի քան 50 ներկայացուցիչ։ Միջոցառմանը նախարարի տեղակալը ներկայացրել է Հայաստանի բարձր […] ...
18:49 30.04.2025
Վարչապետի գլխավորությամբ քննարկվել է Փրկարար ծառայության զարգացման հայեցակարգըՎարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Փրկարար ծառայության զարգացման հայեցակարգը: Ներքին գործերի նախարար Արփինե Սարգսյանը նշել է, որ Փրկարար ծառայության զարգացման տեսլականը կարևոր է ՆԳՆ բարեփոխումների շղթայի ամբողջականացման շրջանակում և ներկայացրել հայեցակարգում բարձրացված խնդիրների լուծումները: Մասնավորապես, ներկայացվել են մանրամասներ ՆԳՆ կողմից ոլորտային քաղաքականության մշակման, ոլորտում վարվող քաղաքականության մոնիթորինգի, արտադրական […] ...
