19:44 28.12.2018
ՀՀ գլխավոր դատախազ Արթուր Դավթյանն այսօր ընդունել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիին: Այս մասին տեղեկացնում են ՀՀ դատախազության հասարակայնության հետ կապերի բաժնից:
Արթուր Դավթյանը նախ շնորհակալություն է հայտնել դեսպանին այս տարվա նոյեմբերին բարեկամ Իրան կատարած ՀՀ գլխավոր դատախազի բարձր մակարդակով կայացած այցին լուրջ աջակցություն ցուցաբերելու համար: Նա նշել է, որ այցը նոր փուլ է նախանշել իրավական ոլորտում հայ-իրանական հարաբերությունների զարգացման առումով, իսկ Թեհրանում երկու երկրների գլխավոր դատախազների կողմից ստորագրված համագործակցության հուշագիրը լուրջ խթան կհանդիսանա թե՛ համակարգային և թե՛ դատախազների անձնական հարաբերությունների մակարդակներով շփումներն ավելի զարգացնելու համար:
ՀՀ գլխավոր դատախազը տեղեկացրել է, որ հուշագրով 2019թ. համար նախատեսված՝ Հայաստանում անցկացվելիք միջոցառումների կազմակերպման ուղղությամբ արդեն իսկ ձեռնարկվում են գործնական քայլեր: Դրանք վերաբերում են հանձնման և քրեական գործերով իրավական օգնության ցուցաբերման բնագավառում համագործակցության գործնական հարցերին, թմրամիջոցների մաքսանենգության և ապօրինի շրջանառության, ինչպես նաև ապօրինի սահմանահատումների և ապօրինի միգրացիայի դեպքերով հարուցված քրեական գործերի քննությունների, հանցավոր ճանապարհով ստացված ակտիվների հայտնաբերման և արտերկրից վերադարձման ուղղություններով գործակցությանը և աշխատանքային փորձի փոխանակմանը:
ՀՀ գլխավոր դատախազը նաև հավելել է, որ Իրանի իր գործընկերոջը՝ գլխավոր դատախազ Մոհամադ Ջաֆար Մոնթազերիին հրավիրել է այց կատարել Հայաստան, և ուրախ կլինի, եթե հուշագրով նախատեսված համատեղ միջոցառումների մեկնարկը Երևանում նրա հետ տան միասին:
Շնորհավորելով հայ ժողովրդին գալիք Ամանորի և Սուրբ Ծննդյան տոների կապակցությամբ՝ դեսպան Սաջադին շեշտել է, որ դեսպանության և ՀՀ գլխավոր դատախազության միջև ձևավորված հարաբերություններն օրինակելի են, իսկ երկու երկրների միջև իրավական ոլորտում կապերն ամրապնդվում են երկու դարավոր բարեկամ երկրների միջև տարբեր ուղղություններով զարգացող հարաբերություններին համահունչ: Նա երկու երկրների իրավապահ մարմինների միջև համագործակցության խորացումը կարևորել է հատկապես վիզային ռեժիմի դյուրացումից հետո երկու երկրների քաղաքացիների բավականին ակտիվացած փոխայցելությունների համատեքստում միմյանց քաղաքացիների իրավունքների պաշտպանության, անվտանգության ապահովման տեսանկյունից: Դեսպանի կարծիքով կարևոր ձեռքբերում կարելի է համարել մեղադրյալների, հետախուզման մեջ գտնվող անձանց հանձնման ոլորտում ձևավորված պրակտիկան:
Բավականին ջերմ, անմիջական մթնոլորտում անցած հանդիպման ընթացքում կողմերը քննարկել են քրեական գործերով իրավական փոխօգնությանը, երկու երկրների իրավապահ մարմինների փոխգործակցությանը վերաբերող, ինչպես նաև փոխադարձ հետաքրքրություն ներկայացնող այլ հարցերի լայն շրջանակ:
Պայմանավորվածություն է ձեռք բերվել հաջորդ տարվա ընթացքում համագործակցության կոնկրետ ուղղություններով ավելի ինտենսիվ դարձնել հաղորդակցությունը:
14:03 03.08.2025
Ովքե՞ր են Ժունիորի կուռքերըԲրազիլիայի ազգային հավաքականի և Մադրիդի «Ռեալի» հարձակվող Վինիսիուս Ժունիորը GQ ամսագրին պատմել է, թե ովքեր են իր կուռքերը: «Իմ կուռքերն են Կրիշտիանու Ռոնալդուն, Լեբրոն Ջեյմսը և մեր բրազիլացի լեգենդները՝ Ռոնալդոն, Ռոնալդինյոն, Նեյմարը»,- 25-ամյա ֆուտբոլիստի խոսքերն է մեջբերել հայտնի ինսայդեր Ֆաբրիցիո Ռոմանոն: ...
13:49 03.08.2025
Նյու Ջերսիում 3 մագնիտուդով երկրաշարժ է տեղի ունեցելԱՄՆ երկրաբանական ծառայությունը հայտնել է, որ շաբաթ օրը Նյու Ջերսիում, Նյու Յորքի մոտակայքում, գրանցվել է 3.0 մագնիտուդով երկրաշարժ։ ԱՄՆ երկրաբանական ծառայության տվյալներով՝ էպիկենտրոնը գտնվել է Բերգեն շրջանի Հասբրուք Հայթս շրջանում։ Օջախը գտնվել է 10 կմ խորության վրա։ Ցնցումները զգացվել են Նյու Յորքում։ Հնարավոր վնասների և զոհերի մասին տեղեկություններ դեռևս չկան: Նյու Յորքի արտակարգ իրավիճակների դեպարտամենտը […] ...
13:23 03.08.2025
Կոտայքում կանխվել է քաղաքացու ինքնասպանության փորձըՕգոստոսի 3-ին, ժամը 06։05-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նոր Հաճն քաղաքում քաղաքացին ցանկանում է ինքնասպանություն գործել՝ նետվելով կամրջից․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։ Փրկարարների և ոստիկանության աշխատակիցների համատեղ ուժերով կանխվել է քաղաքացու ինքնասպանության փորձը․ վերջինս տեղափոխվել […] ...
13:06 03.08.2025
Ջոկովիչն ու Ֆորմուլա-1-ի երկու աստղեր ներդրումներ կկատարեն ֆրանսիական ակումբումԹենիսի «Մեծ սաղավարտի» մրցաշարերի 24-ակի հաղթող Նովակ Ջոկովիչը, Ֆորմուլա-1-ի աստղեր Քևին Մագնուսենը և Ֆելիպե Մասան ներդրումներ կկատարեն ֆուտբոլի Ֆրանսիայի Լիգա 2-ում հանդես եկող «Լե Մանում»։ Այս տեղեկությունը հաստատել է ակումբի նախագահը: Նրանք Outfield հիմնադրամի անդամ են: Լատինական Ամերիկայում սպորտային ներդրումների առաջատարներից մեկն 80 միլիոն դոլար կներդնի ֆրանսիական ակումբում: ...
12:47 03.08.2025
The Sunday Times. Մեծ Բրիտանիան Գազայից տարհանում է 300 ծանր հիվանդ երեխաներիՄեծ Բրիտանիայի կառավարությունը մշակում է մինչև 300 ծանր հիվանդ երեխաների Գազայի հատվածից պետական կլինիկաներում բուժման համար տարհանելու ծրագրեր: Այս մասին հաղորդում է The Sunday Times-ը՝ հղում անելով աղբյուրներին: Հաղորդվում է, որ ծրագրի մանրամասները պաշտոնապես կհայտարարվեն առաջիկա շաբաթներին: Մեծ Բրիտանիայի արտաքին գործերի նախարար Դեյվիդ Լամմին, ներքին գործերի նախարար Իվետ Կուպերը և առողջապահության նախարար Ուես Սթրիթինգը համատեղ […] ...
12:29 03.08.2025
ՆԱՏՕ-ում ԱՄՆ ներկայացուցիչ. ԱՄՆ-ն ցանկանում է ճնշում գործադրել Ռուսաստանի վրա՝ Ուկրաինային զենք մատակարարելովՎաշինգտոնի վարչակազմը փորձում է ճնշում գործադրել Ռուսաստանի վրա՝ Կիևին մատակարարելով ամերիկյան զենք, որի համար կվճարեն եվրոպական երկրները։ Այս մասին հայտարարել է ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը X-ում։ «Մեր ՆԱՏՕ-ի դաշնակիցներին ամերիկյան զենք վաճառելով՝ մենք նախատեսում ենք ճնշում գործադրել Ռուսաստանի վրա՝ բանակցային սեղանին վերադառնալու, ինչպես նաև երկարաժամկետ հրադադար ապահովելու համար», – գրել է նա։ NBC […] ...
