13:12 09.01.2019
Ինչպես ավելի վաղ հայտնել էինք, երեկ երեկոյան ՀՀ վարչապետի պաշտոնակատար Նիկոլ Փաշինյանը Երևանի քաղաքապետարան է այցելել: Քաղաքապետ Հայկ Մարությանը, լրագրողի հարցին ի պատասխան, նշել էր՝ Փաշինյանը հանդիպում է ունեցել «Իմ քայլը» խմբակցության հետ, իսկ թե ինչ հարցեր էին քննարկվել, Մարությանը չէր մանրամասնել:
SHANTNEWS.am-ի հետ զրույցում Երևանի ավագանու «Իմ քայլը» խմբակցության անդամ Գայանե Աբրահամյանը տեղեկացրեց՝ վարչապետի պաշտոնակատարը «Իմ քայլը» խմբակցության անդամների հետ քննարկել է թիմին վերաբերող հարցեր: Աբրահամյանի խոսքերով՝ Երևանի ավագանու ընտրություններից հետո նման ձևաչափով հանդիպում չէր եղել:
«Այդ հանդիպումը նրա համար էր, որպեսզի հասկանայինք՝ ինչ հարցեր կան, ինչ խնդիրներ կան, որքանով է ճիշտ ընթանում մեր աշխատանքը, որքանով ենք կարողանում հաղորդակցման ճիշտ խողովակներով արդյունավետ աշխատել, արդյո՞ք ինչ-որ խնդիրներ կան, որոնք ինքը (խմբ. – վարչապետի պաշտոնակատար) իր ձևով կարող է լուծել»,- հայտնեց Աբրահամյանը:
Գայանե Աբրահամյանի խոսքերով՝ հանդիպմանը, մասնավորապես, անդրադարձ է եղել ավագանու անդամների իրականացրած աշխատանքի հանրայնացմանը: Ներկաները եզրակացության են եկել՝ իրենց իրականացրած աշխատանքը հանրությանը տեսանելի չէ. պետք է այդ ուղղությամբ աշխատել:
«Ընդդիմադիրների գործիքակազմը շատ ավելի հեշտ է՝ աղբը տեսան, նկարեցին, բայց հետո, թե աղբը ինչպես եկան, տարան և քանի ավագանի զանգեց թաղապետին, թաղապետի հետ ինչպես գնացին, «Սանիթեքին» ստիպեցին, բերեցին կամ մեքենա վարձեցին (ինչպես տարբեր տեղերից այս ընթացքում եղավ՝ հավելյալ մեքենաներ գտնվեցին, վարձվեցին). այդ ամբողջ պրոցեսը չի ներկայացվում և տպավորություն է ստեղծվում, որ կարծես ոչինչ չի արվում»
Բացի դրանից՝ հանդիպման ընթացքում քննարկվել են նաև «Երևան քաղաքում տեղական ինքնակառավարման մասին» օրենքին առնչվող հարցեր, մասնավորապես` ավագանու անդամների լիազորությունների վերաբերյալ, որոնք, ըստ Աբրահամյանի, շատ խորհրդանշական բնույթ են կրում:
Նրա խոսքերով՝ ավագանու անդամները շատ հարցեր լուծելու իրական լծակներ չունեն: Խմբակցությունում համակարծիք են, որ օրենքում փոփոխություններ են անհրաժեշտ և առաջիկայում պատրաստվում են առաջարկություն ներկայացնել խորհրդարանին:
11:30 02.08.2025
Հյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում ամեն օր աշխատում է 600 շինարար․ ՏԿԵ նախարարՀյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում յուրաքանչյուր օր աշխատում է 245 տեխնիկա, շինարարական աշխատանքներում ներգրավված է ավելի քան 600 շինարար: Այս մասին Ֆեյսբուքի իր էջում գրել է ՏԿԵ նախարար Դավիթ Խուդաթյանը։ Հուլիս ամսվա ընթացքում միջին օրական կատարողականը գերազանցել է 60 միլիոն ՀՀ դրամը: ...
11:07 02.08.2025
Տարադրամի փոխարժեքներն օգոստոսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4.82 դրամ: ...
10:45 02.08.2025
Աֆղանստանում երկրաշարժ է տեղի ունեցելԱֆղանստանում տեղի է ունեցել 5.0 մագնիտուդով երկրաշարժ, հայտնում է Եվրոպական-Միջերկրածովյան Սեյսմոլոգիական Կենտրոնը (EMSC): Սեյսմոլոգիական կենտրոնի տվյալներով՝ ցնցումը տեղի է ունեցել ուրբաթ օրը՝ UTC ժամանակով ժամը 21:03-ին՝ Բաղլան քաղաքից 121 կիլոմետր արևելք, որի բնակչությունը կազմում է 108 հազար մարդ։ Էպիկենտրոնը գտնվել է 123 կիլոմետր խորության վրա։ Զոհերի կամ ավերածությունների մասին հաղորդագրություններ չեն եղել։ ...
10:16 02.08.2025
Սպիտակ տունը հաստատել է Ռուսաստանի դեմ նոր պատժամիջոցներ սահմանելու մտադրությունըԱՄՆ նախագահ Դոնալդ Թրամփը կրկին հայտարարել է, որ նախատեսում է պատժամիջոցներ կիրառել Ռուսաստանի դեմ, եթե ուկրաինական հակամարտության կարգավորման հարցում առաջընթաց չլինի իր կողմից սահմանված ժամկետներում։ NEWSMAX-ին տված հարցազրույցում նա ասել է, որ Ռուսաստանի նախագահ Վլադիմիր Պուտինի հետ հեռախոսազրույցներում նշել է՝ «այս պատերազմը պետք է ավարտվի», որ դա «սարսափելի պատերազմ է»։ «Ես կարծում էի, որ մենք […] ...
09:53 02.08.2025
Ճապոնիայում երկրաշարժ է տեղի ունեցելՃապոնիայի ափերի մոտ տեղի է ունեցել 5.6 մագնիտուդով երկրաշարժ, հայտնում է երկրի գլխավոր օդերևութաբանական վարչությունը։ Ցնցումները սկսվել են Հոկայդո կղզու ափի մոտ ՝ տեղական ժամանակով ժամը 07:27-ին: Գերատեսչությունը չի նշել երկրաշարժի օջախի խորությունը: Ճապոնիայում ընդունված յոթ բալանոց սանդղակով ցնցումների առավելագույն ուժգնությունը հասել է երեք բալի։ ...
09:30 02.08.2025
Թրամփը հայտարարել է, որ Պուտինի մասին իր կարծիքը չի փոխվելԱՄՆ նախագահ Դոնալդ Թրամփը Newsmax-ին տված հարցազրույցում հայտարարել է , որ Ռուսաստանի նախագահ Վլադիմիր Պուտինի մասին իր կարծիքը չի փոխվել, և որ ամերիկացի նախագահը Ռուսաստանի առաջնորդին համարում է «ամուր տեսակ»։ «Նա ( Պուտինը – խմբ.) անկասկած ամուր տեսակ է, այնպես որ այդ առումով ոչինչ չի փոխվել», – ասել է Թրամփը։ Ավելի վաղ Թրամփը հայտարարել էր, […] ...
