17:37 18.01.2019
Այսօր՝ հունվարի 18-ին, լրագրողների համար շրջայց է կազմակերպվել Հայաստանի Զինված ուժերի կենտրոնական պարենային բազա: Լրագրողներին ներկայացվել է զինծառայողների համար նախատեսված սնունդն ու դրանց պահպանման պայմանները:
«Պարենային բազայում կա նոր սառնարանային տնտեսություն, ծավալները մեծացվել են, ինչը հնարավորություն է տալիս շուտ փչացող սննդամթերքը պահապանել համապատասխան ջերմախոնավային պայմաններում: Մատակարարումներից հետո սահմանված կարգով առաքվում են տարածքային բազաներ և կենտրոնացված կարգով տեղափոխվում զորամասեր»,- ասաց ԶՈՒ թիկունքի վարչության պարենային ծառայության պետ Արա Վարդանյանը:
Արա Վարդանյանը նաև տեղեկացրեց, որ զինվորի սննդակարգում որոշակի փոփոխություններ են տեղի ունեցել: 2019թ. մի քանի կարևոր սննդատեսակներ են ավելացվելու և մրցութային գործընթացից հետո կհատկացվեն զինծառայողներին: Ձմեռային ժամանակահատվածում 1 զինծառայողի հաշվարկով պլանավորված է հատկացնել բնական մեղր, խոզի ճարպ՝ սալ, ինչպես նաև ավելանալու է սխտորի չափաբաժինը: Նպատակն իմունային համակարգի բարձրացումն է:
«2018-ին մրցութային գործընթացը ավարտվել է, և սննդակարգում մայիսից բոլորին հասանելիք հացի 40 տոկոսի չափով հատկացվում է նաև լավաշ: 2018-ի սննդակարգում ավելացրել ենք թանապուր, որը հատկացվում է առաջնագծում մարտական հերթապահություն իրականացնող զինվորներին՝ պատրաստի տեսքով, իսկ մշտական տեղակայման վայրերում մածուն է հատկացվել և շաբաթական մեկ անգամ նույնպես պատրաստվում է թանապուր, ինչը շատ բարձր գնահատականի է արժանացել: 2019-ին պլանավորել ենք պահածոյացված կարտոֆիլի տեսակ, որը մարտական հերթապահության ժամանակ կարող են օգտագործել թե´ տապակայի, թե՛ խյուսի տեսքով»,- ասաց Արա Վարդանյանը:
Նախատեսվում է նաև 7 տեսակի արագ պատրաստվող ապուրների մատակարարում 6 տեսակի ձավարեղենից, իսկ 7-րդը կլինի պատրաստի բորշչ՝ ինֆրակարմիր եղանակով չորացրած: Սա նախատեսված է առաջնագծում ծառայողների համար, որի եփելու գործընթացը հեշտացված է: Ընդամենը պետք է ավելացվի տաք ջուր, և ապուրը պատրաստ է, իսկ ստացիոնարում առաջին ճաշատեսակները պատրաստվում են թարմ բանջարեղեններից: Այսինքն՝ զինծառայողները շաբաթվա 7 օրերին կունենան 7 տարբեր տեսակի ապուրներ:
15:50 30.04.2025
Հանձնաժողովը քննարկել ու մերժել է հարկային փոփոխությունների չեղարկմանը վերաբերող կոլեկտիվ հանրագրով ներկայացված առաջարկություններըԱզգային ժողովի տնտեսական հարցերի մշտական հանձնաժողովն ապրիլի 30-ի նիստում քննարկել է ««ՓՄՁ համագործակցության ասոցիացիա» հասարակական կազմակերպության կողմից կոլեկտիվ հանրագրով ներկայացված՝ «ՀՀ ԱԺ-ի կողմից 2023 թվականի հոկտեմբերի 25-ին ընդունված՝ «ՀՀ հարկային օրենսգրքում լրացումներ եւ փոփոխություններ կատարելու մասին» ՀՕ 340-Ն եւ 2024 թվականի հունիսի 12-ին ընդունված՝ «ՀՀ հարկային օրենսգրքում փոփոխություններ կատարելու մասին ՀՕ-285-Ն օրենքներն ուժը կորցրած ճանաչելու, […] ...
15:44 30.04.2025
Հռոմում տեղի է ունեցել միջոցառում՝ նվիրված Հայոց ցեղասպանության 110-րդ տարելիցին2025թ. ապրիլի 29-ին Հռոմի Հայերի ցեղասպանության այգում տեղի ունեցավ միջոցառում՝ նվիրված Հայոց ցեղասպանության 110-րդ տարելիցին: Միջոցառումը մեկնարկեց հայ համայնքի ներկայացուցիչ Ռոբերտ Աթարյանի բացման խոսքով: Իր խոսքում դեսպան Վլադիմիր Կարապետյանը մասնավորապես նշեց ցեղասպանությունների և մարդկության դեմ այլ հանցագործությունների անպատժելիության հետևանքների մասին, խոսեց հայ մշակութային ժառանգության խեղաթյուրման և պատմության վերագրման, կեղծ խոսույթներ առաջ տանելու փորձերի մասին: Ելույթներով […] ...
15:40 30.04.2025
Պետք է հրաշք գործենք Փարիզում․ Արտետա«Արսենալի» գլխավոր մարզիչ Միկել Արտետան ամփոփել է Չեմպիոնների լիգայի կիսաեզրափակչում ՊՍԺ-ի հետ դիմակայության առաջին խաղը, հաղորդում է Ֆաբրիցիո Ռոմանոն: «Այս խաղում որոշիչ դարձան դետալները: Գոլը չարձանագրվեց միլիմետրանոց խաղից դուրս վիճակի պատճառով, Մարտինելին մեն-մենակ հայտնվեց ու չգրավեց դարպասը, Լեանդրո Տրոսարը նույն իրավիճակում նույնպես վրիպեց: Կիսաեզրափակչում այսպիսի պահերը ճակատագրական են: Եզրափակիչ դուրս գալու համար հարկավոր է հրաշք […] ...
15:36 30.04.2025
Նախկինում օտարված՝ Դիլիջանի մանկապարտեզը վերադարձվել է համայնքինՏավուշի մարզի դատախազությունը պետական շահերի պաշտպանության լիազորության շրջանակում պարզել էր, որ Դիլիջան համայնքի ավագանու՝ 2006 թվականի որոշմամբ Դիլիջան համայնքի ղեկավարին թույլատրվել է Շահումյան փողոցի 34 հասցեում գտնվող 891 քառակուսի մետր մակերեսով մանկապարտեզի շենքն անհատույց օգտագործման իրավունքով տրամադրել մի կազմակերպության, որը կապվում է նախկինում նախարարի կարգավիճակ ունեցող անձին փոխկապակցված մեկ այլ անձի հետ: Նիկոլ Փաշինյանը Կառավարության […] ...
15:31 30.04.2025
Նոր Նորքի թաղապետարանում տեղի ունեցած միջադեպի առնչությամբ ձերբակալվել է 6 անձՆոր Նորք վարչական շրջանի թաղապետարանում տեղի ունեցած միջադեպի առնչությամբ ձերբակալվել է 6 անձ: «Արմենպրես»-ին այս մասին հայտնեցին ՀՀ ներքին գործերի նախարարությունից՝ մանրամասնելով, որ կազմվում են համապատասխան փաստաթղթեր նախաքննական մարմին փոխանցելու համար: Ավելի վաղ հայտնել էինք, որ Նոր Նորք վարչական շրջանի թաղապետարանում ծեծկռտուք է տեղի ունեցել թաղապետարանի աշխատակիցների և ակտիվիստ Արթուր Չախոյանի միջև։ Սոցիալական ցանցերում տարածված […] ...
15:25 30.04.2025
Կկառուցվի շուրջ 27,1 կմ երկարությամբ ճանապարհ, որը հնարավորություն կտա կրճատել Սիսիան-Քաջարան ճանապարհային հատվածի երկարությունըԿառավարությունը հավանություն է տվել 2025 թ. մարտի 18-ին ստորագրված «Հայաստանի Հանրապետության և Ասիական զարգացման բանկի միջև դիմակայուն և ներառական ճանապարհային հատվածի բարելավման ծրագրի համար Ասիական զարգացման բանկի միջոցներից վարկի տրամադրման մասին» համաձայնագիրը վավերացնելու մասին» ՀՀ օրենքի նախագծին: Ինչպես նշել է Տարածքային կառավարման և ենթակառուցվածքների նախարար Դավիթ Խուդաթյանը, ՀՀ-ի համար առաջնահերթություն համարվող Հյուսիս-հարավ ճանապարհային միջանցքի 4-րդ […] ...
