00:00 27.01.2019
Հունվարի 5-ին ոստիկանության Մաշտոցի բաժին կողոպուտի վերաբերյալ հաղորդում ստացվեց։ Հանցագործությունը կատարվել էր varks.am-ի Հալաբյան 31\6 հասցեում գտնվող մասնաճյուղում։ Գլխարկով երիտասարդը, որն իբր վճարում կատարելու համար էր մտել կազմակերպություն, անցել էր սեղանի մյուս կողմն ու դրամարկղերից մոտ 1.500.000 դրամ հափշտակվել։
Հունվարի 14-ին դարձյալ վճարում կատարելու պատրվակով նույն վարկային կազմակերպության մասնաճյուղ մտած երտասարդը, ցատկել էր սեղանից այն կողմ ու փող հափշտակել։ Այս դեպքում 1.800.000 դրամ։ Ոստիկանության Մաշտոցի բաժնի և Դավիթաշենի բաժանմունքի ծառայողները պարզեցին, որ երկու կողոպուտներն էլ կատարել է նույն անձը, չնայած կերպարանափոխությանը, ինչը բացահայտման ընթացքը շեղելու նպատակ է հետապնդել։
Շուտով ոստիկանության Դավթաշենի բաժանմունքում հիմնավոր տվյալներ ստացվեցին կողոպուտները կատարած անձի ինքնության վերաբերյալ, հունվարի 17-ին, Երևանի բնակիչ, 29-ամյա Ադամ Բաղդասարյանի նկատմամբ հետախուզում հայտարարվեց։ Հետախուզվողին հայտնաբերելու միջոցառումների ընթացքում՝ հունվարի 21-ին, հափշտակություն կատարվեց նույն վարկային կազմակերպության մեկ այլ մասնաճյուղում։
Այս դեպքում թիրախը Զաքարիա Քանաքեռցու փողոցում գտնվող մասնաճյուղն էր։ Դարձյալ կերպարանափոխված երիտասարդի արարքն այս դեպքում որակվեց ոչ թե կողոպուտ, այլ ավազակություն։ Նա վարկային կազմակերպության աշխատակիցների հասցեին կյանքի և առողջության համար վտանգավոր բռնություն գործադրելու սպառնալիքներ էր հնչեցրել՝ հափշտակելով 1.188.000 դրամ։ Դեպքից ընդամենը հինգ ժամ հետո նրա հայտնաբերման միջոցառումներին միացած ոստիկանության Երևան քաղաքի վարչության քրեական հետախուզության բաժնի ծառայողներն օպերատիվ աշխատանքով պարզեցին, որ Ադամ Բաղդասարյանը մայրաքաղաքի Աբովյան փողոցում է։ Ժամը 23-ն անց 10-ի սահմաններում Բաղդասարյանը հայտնաբերվեց հենց Աբովյան փողոցում ու բերման ենթարկվեց։
Նրան մեղադրանք է առաջադրվել, խափանման միջոցն էլ՝ կալանք։ Ադամ Բաղդասարյանի հայտնաբերման օրը՝ հունվարի 21-ին, դարձյալ ավազակային հարձակում կատարվեց varks.am-ի Կոմիտասի պողոտայում գտնվող մասնաճյուղում։ Այս դեպքը նախորդներից տարբերվում էր․ երիտասարդը բժշկական դիմակով էր, ձեռքին էլ դանակ կար։ Նա դանակի սպառնալիքով հափշտակել էր 1.000.000 դրամ։
Ոստիկանության Երևան քաղաքի վարչության քրեական հետախուզության և Արաբկիրի բաժինների ծառայողները, ձեռնարկելով համալիր օպերատիվ-հետախուզական միջոցառումներ, ժամերի ընթացքում պարզեցին ավազակություն կատարած անձի ինքնությունը։ Դեպքի հաջորդ օրը՝ հունվարի 22-ին, ոստիկանության Երևան քաղաքի վարչության քրեական հետախույզները մայրաքաղաքում հայտնաբերեցին ու կասկածանքով ոստիկանության Արաբկիրի բաժին բերման ենթարկեցին Սամուել Ֆարմանյանին։ Երևանի բնակիչ, 25-ամյա Ֆարմանյանին նույնպես մեղադրանք է առաջադրվել, խափանման միջոցը՝ կալանք։ Կատարվում է նախաքննություն։
10:47 01.05.2025
Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին․ ԱԺ նախագահՀՀ ԱԺ նախագահ Ալեն Սիմոնյանը ուղերձ է հղել Աշխատանքի օրվա կապակցությամբ. «Սիրելի՛ քաղաքացիներ, Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին։ Հենց աշխատող քաղաքացու տքնաջան ու հուսալի ձեռքերով է ձևավորվում իր իսկ ընտանիքի բարեկեցությունը, ինչպես նաև ամրանում մեր պետությունն ու անվտանգությունը։ Ցանկանում եմ երախտագիտությունս հայտնել ձեզ՝ […] ...
10:34 01.05.2025
Պատանիներն ու երիտասարդները սկսում են պայքարն ծանրամարտի աշխարհի առաջնությունումՊատանիներն ու երիտասարդները սկսում են պայքարն աշխարհի առաջնությունում: Այս մասին հայտնում են Ծանրամարտի ֆեդերացիայից։ Պերուի մայրաքաղաք Լիմայում ընթացող աշխարհի առաջնությունում Հայաստանի հավաքականից առաջինը մրցահարթակ դուրս կգան 55 կգ Ալեքսանդրա Գրիգորյանն ու 67 կգ քաշային Հովհաննես Հովհաննիսյանը: Մեր մարզիկների ելույթները կմեկնարկեն մայիսի 2-ին` Երևանի ժամանակով գիշերը` 03:30-ին: ...
10:25 01.05.2025
Այնթապ բնակավայրում գործարկվելու է էլեկտրական շչակՄայիսի 2-ին՝ ժամը 11:00-ից մինչև 12:00-ն ընկած ժամանակահատվածում, Արարատի մարզի Մասիս համայնքի Այնթապ բնակավայրի «Արամ և Հասմիկ Կարամանուկյանների անվան թիվ 1 միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով գործնական պարապմունք, որի ընթացքում գործարկվելու է էլեկտրական շչակ։ ...
10:17 01.05.2025
Տարադրամի փոխարժեքները մայիսի 1-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 387.50 դրամ, վաճառքի նվազագույն արժեքը՝ 390.5 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 443 դրամ: Ռուսական ռուբլու առքի առավելագույն արժեքն է 4․7 դրամ, վաճառքի նվազագույն արժեքը՝ 4․85 դրամ: ...
10:00 01.05.2025
Հնդկաստանի ԱԳՆ-ը հայտարարել է, որ Պահալգամի վրա հարձակման կասկածյալները պետք է պատժվենՀնդկաստանի արտաքին գործերի նախարար Սուբրահմանյամ Ջայշանքարը ԱՄՆ պետքարտուղար Մարկո Ռուբիոյի հետ զրույցում ասել է, որ Պահալգամում (Հնդկական Ջամու և Քաշմիր արհմիության տարածք) ահաբեկչության հեղինակները պետք է պատժվեն։ «Երեկ ԱՄՆ պետքարտուղար Մարկո Ռուբիոյի հետ քննարկել ենք Պահալգամի հարձակումը։ Դրա մեղավորներն ու կազմակերպիչները պետք է պատասխանատվության ենթարկվեն», -գրել է Ջայշանքարը X-ում։ Չորեքշաբթի օրը Պետդեպարտամենտը հայտնել է, որ […] ...
09:50 01.05.2025
ՄԱԿ-ը հայտնել է, որ Գազայում երեխաների 92%-ը չունի հիմնական սնունդԳազայի հատվածում 6 ամսականից մինչև 2 տարեկան նորածինների ավելի քան 90%-ին հասանելի չէ հիմնական սնունդը: Այս մասին, ինչպես հաղորդում է WAFA պաղեստինյան լրատվական գործակալությունը, հայտարարել է պաղեստինյան տարածքներում ՄԱԿ-ի հումանիտար հարցերի համակարգման գրասենյակը։ Ըստ այդմ՝ Իսրայելի շարունակվող շրջափակման և անցակետերի փակման հետևանքով Գազայի հատվածում թերսնվածության պատճառով բուժվող երեխաների թիվը 2025 թվականի մարտի համեմատ աճել է […] ...
