20:00 28.01.2019
Գյումրիի Վարդան Աճեմյանի անվան պետական դրամատիկական թատրոնի՝ Ապրիլյան պատերազմի մասին պատմող «Հարսանիք թիկունքում» ներկայացումը հունվարի 27-ին բեմադրվել է ԱՄՆ-ի Լոս Անջելես քաղաքի «Լանթելման Աուդիտորիում» սրահում: 812 տեղանոց դահլիճում առաջին ներկայացման տոմսերն ամբողջությամբ սպառված են եղել ներկայացումից օրեր առաջ:
Աճեմյանցիները նախատեսած երկու ներկայացումից բացի, կխաղան ևս երկուսը: Այս մասին SHANTNEWS.am-ի թղթակցի հետ զրույցում ասել է Գյումրիի Վարդան Աճեմյանի անվան պետական դրամատիկական թատրոնի մենեջմենթի գծով փոխտնօրեն Տիգրան Բարսեղյանը:
«Լեփ-լեցուն դահլիճում հանդիսատեսը մեծ ոգևորությամբ է ընդունել «Հարսանիք թիկունքում» ներկայացումը, ասեմ, որ նախատեսված երկու ներկայացումից բացի, պլանավորվում է ևս երկուսը: Սա խոսում է նրա մասին, որ ներկայացումն իսկապես սպասված էր Լոս Անջելեսում, այնպես ինչպես Լիբանանում, որտեղ մեծաթիվ հանդիսատեսը նորից նույն ոգևորությամբ էր ընդունել ներկայացումը, իսկ հայաստանյան ու արցախյան հյուրախաղերի մասին գիտենք»,- մեր թղթակցի հետ զրույցում պատմել է Տիգրան Բարսեղյանը:
«Հարսանիք թիկունքում» ներկայացմանը ներկա են եղել Գլենդելի քաղաքապետ Զարեհ Սինանյանը, Լոս Անջելեսում ՀՀ գլխավոր հյուպատոս Արմեն Բայբուրդյանը, հանդիսատեսի թվում է եղել նաև արցախյան պատերազմի հերոս Արման Ավետիսյանը: Հանդիսատեսը հոտնկայս 20 րոպեից ավելի ծափահարել է աճեմյանցիներին, հետո կիսվել տպավորություններով:
««Հարսանիք թիկունքում»-ը զուտ ներկայացում չէր, այն զգացմունքների, զգացողությունների, գյումրու համով բարբառի ու ինքնատիպ կոլորիտի միաձուլումն էր Արցախյան քառօրյայի անչափ հուզիչ դրվագներով: Սա պարտադիր տեսնելու ներկայացում էր, չեմ փոշմանում, որ մի քանի ամիս առաջ ներկայացման տոմսը գնելուց հետո սպասել եմ այսօրվան»,- մեր թղթակցի հետ զրույցում ասել է հանդիսատեսներից Մարինե Պետրոսյանը:
Հիշեցնենք, որ 152-րդ թատերաշրջանը աճեմյանցիները համարում են ամենաբեղուններից մեկը, երբ «Հարսանիք թիկունքում»-ը նվաճեց երևանյան և արցախյան բեմերը՝ ունենալով 35 խաղ, 20 հազարից ավելի հանդիսատես։
Իսկ Գյումրիի թատրոնում 2018 թվականի մայիսի 30-ին սպասված պրեմիերան էր կայացել: Մեկ տարվա ստեղծագործական փնտրտուքներից հետո «Հարսանիք թիկունքում» ներկայացումը պատմում է հանդիսատեսին Ապրիլյան օրերի մղձավանջի մասին, որի միջով անցանք 2016 թվականին: Ամբողջ ներկայացումը պատերազմի օրերին թիկունքում կատարվող իրադարձությունների մասին է՝՝ իրական պատմություններով, իսկ պատերազմի ձայնը հանդիսատեսին է հասնում միայն հեռուստաէկրանի միջոցով: Այն 100-ից ավելի ընտանիքների ցավի ու ապրելու անսահման ուժի մասին է:
17:17 03.08.2025
Գազայում սովից մահացածների թիվը հասել է 175-իԳազայի հատվածում վերջին շրջանում սովից մահացել է առնվազն 175 մարդ, այդ թվում՝ 93 երեխա: Այս մասին հայտնել է անկլավի առողջապահության նախարարությունը իր Telegram ալիքում: «Վերջին 24 ժամվա ընթացքում Գազայի հիվանդանոցներում գրանցվել է մահվան 6 դեպք՝ սովի և թերսնման պատճառով», – հայտնել է նախարարությունը։ Սովից մահացածների ընդհանուր թիվը հասել է 175-ի, այդ թվում՝ 93 անչափահաս։ Առողջապահության […] ...
17:00 03.08.2025
«Ցրվենա Զվեզդայի» մասնակցությամբ հանդիպումը հետաձգվել էՍերբիայի Սուպերլիգայի երրորդ տուրի «Վոյվոդինա» – «Ցրվենա Զվեզդա» հանդիպումը հետաձգվել է։ Այս մասին հայտնում է առաջնության պաշտոնական կայքը։ Որոշումը կայացվել է «Ցրվենա Զվեզդայի»` Լեհաստանի չեմպիոն «Լեխի» դեմ Չեմպիոնների լիգայի որակավորման երրորդ փուլի առաջին հանդիպմանն ավելի լավ պատրաստվելու համար։ «Վոյվոդինա» – «Ցրվենա Զվեզդա» հանդիպումը պետք է կայանար օգոստոսի 2-ին։ Սերբիայի չեմպիոնը «Լեխի» դեմ առաջին հանդիպումը կանցկացնի […] ...
16:42 03.08.2025
Տարադրամի փոխարժեքները օգոստոսի 3-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4․82 դրամ: ...
16:21 03.08.2025
Ինչպիսի եղանակ է սպասվում օգոստոսի 3-8-ըԵրևանում օգոստոսի 3-ի ցերեկը, 4-8-ին սպասվում է առանց տեղումների եղանակ։ Երեկոյան ժամերին սպավում է քամու ուժգնացում՝ 14-18 մ/վ արագությամբ։ Մարզերում օգոստոսի 3-ի ցերեկը, 4-8-ին սպասվում է առանց տեղումների եղանակ։ Քամին՝ հարավարևմտյան 2-5մ/վ։ Օգոստոսի 3-8-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես չի փոխվի։ ...
16:00 03.08.2025
Իսրայելի ազգային անվտանգության նախարարը կոչ է արել գրավել ԳազանԻսրայելի ազգային անվտանգության նախարար Իթամար Բեն-Գվիրը բարձրացել է Երուսաղեմում Տաճարի լեռ: Այնտեղ գտնվելու ընթացքում նա կոչ է արել արագ պարտության մատնել պաղեստինյան արմատական ՀԱՄԱՍ շարժմանը, «ամբողջությամբ գրավել» Գազայի հատվածը և հետագայում ստեղծել պայմաններ անկլավի բնակիչների «կամավոր արտագաղթի» համար: «Հենց այստեղից՝ Տաճարի լեռան վրայից, այն վայրից, որտեղ մենք ապացուցեցինք Իսրայելի ինքնիշխանության հնարավորությունը, մենք պետք է ազդանշան […] ...
15:33 03.08.2025
ՆԱՏՕ-ն քննարկում է Էստոնիայում ռազմական ստորաբաժանում տեղակայելու հնարավորությունըՆԱՏՕ-ն կարող է որոշում կայացնել դաշնակից ուժերի գերմանա-հոլանդական կորպուս տեղակայելու մասին Էստոնիայի Պյարնու քաղաքում: Այս մասին հայտնել է ERR հեռուստառադիոընկերությունը՝ հղում անելով երկրի պաշտպանության նախարարությանը: «Սա կազդի ոչ միայն մեր դաշնակիցների վրա, որոնք կատարում են հրամանատարական գործառույթներ, այլև էստոնացի զինծառայողների, այդ թվում՝ ժամկետային զինծառայողների վրա։ Սա ռազմավարական առումով կարևոր քայլ է Պաշտպանության ուժերի համար», – […] ...
