20:00 31.01.2019
5 տարի առաջ դադարեցվեց զբաղվածության կենտրոններում գրանցված և գործազուրկի կարգավիճակ ունեցող քաղաքացիների նպաստների վճարումը՝ նպատակով, որ ոլորտին հատկացվող գումարներն ուղղվեն գործազուրկների մասնագիտական որակավորմանն ու աշխատանքի տեղավորմանը: Նպաստ վճարողի պասիվ դերից զբաղվածության կենտրոններն անցան ակտիվ գործունեության:
Այդ ծրագրերը կան, բայց գործազրկության մակարդակի նվազման շոշափելի արդյունք դեռևս չկա: Զբաղվածության Գյումրիի տարածքային կենտրոնում հիմա գրանցված 1 10.571 գործազուրկ: Անցած տարի ընդամենը 1316 մարդ է աշխատանքի տեղավորվել, հայտնում է SHANTNEWS.am-ի թղթակիցը Գյումրիից:
Անի Սարգսյանը Գյումրիի զբաղվածության կենտրոն էր եկել 2 դիպլոմով: 2 բուհ է ավարտել, տնտեսագիտություն և հագուստի մոդելավորում մասնագիտություններով, բայց աշխատանքային փորձ չունի: Կենտրոնում նա հաշվառված էր 2012 թվականից, բայց մինչ այժմ աշխատանք չի գտել: Հիմա նորից է հաշվառվում, բայց նրա մասնագիտություններով թափուր աշխատատեղ չկար: 2 բուհի դիպլոմով Անին համաձայնեց կարող բանվորուհի աշխատել, դրա համար պետք է նախ՝ ուսուցման դասընթացներ անցնի:
Զբաղվածության կենտրոնը նրան այդ հնարավորությունն ընձեռում է: Մինչև 30 տարեկան երիտասարդ մայրերի համար անցած տարվանից է ծրագիրը գործում: Զբաղվածության Գյումրիի տարածքային կենտրոնի տնօրեն Ամալյա Ադամյանի խոսքով՝ նշված ծրագրով կենտրոնը մասնագիտության ուսուցման համար 6 ամիս նվազագույն աշխատավարձի չափով վճարում է գործազուրկին, հավելավճար է վճարում նաև ուսուցանող վարպետին կամ անհատ ձեռնարկատեր գործատուին:
Զբաղվածության ծրագրերով միշտ չէ, որ հաջողվում է աշխատանքի ընդունվել: Գործազուրկներ կան, որ այնքան էլ հակված չեն աշխատել, նախընտրում են գործազուրկի կարգավիճակը, որը ընտանեկան նպաստ ստանալու հնարավորություն է ընձեռում:
Զբաղվածության կենտրոնը 2 անգամ է աշխատանք առաջարկում. երբ գործազուրկն այն մերժում է, նրան հանում են հաշվառումից: Արդյունքում՝ հաշվառված գործազուրկների թիվ է պակասում, բայց ոչ զբաղվածության խնդրի լուծման հաշվին: Զբաղվածության կենտրոնում թափուր աշխատատեղերը հիմնականում բանվորական են, բարձրագույն կրթությամբ տեղերը քիչ են, և եթե լինում էլ են, ապա այնպիսի պահանջներ են ներկայացվում, որ գործազուրկի մասնագիտական գիտելիքները դրան չեն բավարարում, իսկ կենսաթոշակի տարիքի անձինք կարող է աշխատանք այդպես էլ չգտնեն:
Աշխատաշուկայում նորից պահանջված են երիտասարդները, աշխատանքային փորձառությունը հազվադեպ է գնահատվում, բացառություն է թերևս բժիշկների ու մի քանի հազվագյուտ մասնագետների պարագայում:
Անցած տարվանից չի ստացվում Գյումրիի փողոցաշինական աշխատանքները կատարելու համար վարպետներ գտնելը: Շինկազմակերպությունները դիմել էին կենտրոնին. մայթերի եզրաքարերը շարելու համար առնվազն 100 վարպետ է պետք: Ըստ կենտրոնի տնօրեն Ամալյա Ադամյանի՝ կփորձեն աշխատողների հավաքագրումները շուտ սկսել, որպեսզի նրանք չմեկնեն արտագնա աշխատանքի, իսկ պակասի դեպքում աշխատողներ կներգրավեն հանրապետության այլ մարզերից:
Շիրակի մարզում այս տարի, թեկուզ ժամանակավոր՝ վարձատրվող հասարակական աշխատանքների ծրագրով զբաղվածության խնդիր են լուծելու: 8 տարի է, այս ծրագիրը դադարեցված էր, այն կվերսկսվի որոշակի փոփոխություններով: Սանիտարական մաքրման աշխատանքներ չեն կատարվի: Հիմնականում կբարեկարգվեն դպրոցների, մանկապարտեզների տարածքները, այգիները, պուրակները:
Ընդհանուր հաշվով, Շիրակի մարզում 12 ծրագիր է իրականացվելու: Թեկուզ ժամանակավոր, բայց առավելագույն թվով զբաղվածություն ապահովում է «Գյուղատնտեսության աջակցության» ծրագիրը, որով գումար է հատկացվում հողագործին ցանք կատարելու համար: Այն ևս դադարեցված ծրագրերից մեկն էր, որն այս տարի վերսկսելու հավակնություններ ունի:
09:00 01.05.2025
Al Jazeera. Իսրայելի հարվածները Գազայում 24 ժամում 35 մարդու կյանք են խլելԳազայի հատվածին Իսրայելի հարվածների հետեւանքով վերջին 24 ժամում առնվազն 35 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը՝ հղում անելով անկլավի առողջապահության նախարարությանը։ Զոհվածներից առնվազն 8-ը զոհ են դարձել պաղեստինյան անկլավի կենտրոնական մասում գտնվող Նուսեյրաթ փախստականների ճամբարին իսրայելական բանակի հարվածին։ Հաղորդվել է նաեւ, որ Գազայի հատվածի հիվանդանոցներ է տեղափոխվել 109 վիրավոր։ Նախարարությունը […] ...
08:48 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:40 01.05.2025
Guardian. Լոնդոնը Փարիզի հետ քննարկում է հունիսին Պաղեստինը ճանաչելու հնարավորությունըԲրիտանիան Ֆրանսիայի հետ քննարկում է Պաղեստինի ճանաչման մասին 2025 թվականի ամռան սկզբին հայտարարելու ծրագրերը: Ըստ բրիտանական The Guardian թերթի՝ այս քայլը կարող է համընկնել հունիսի 2-4-ը ՄԱԿ-ի հովանու ներքո կազմակերպված «երկու պետություն երկու ժողովուրդների համար» ծրագրի իրականացման վերաբերյալ միջազգային համաժողովի հետ: Չորեքշաբթի օրը, ելույթ ունենալով բրիտանական խորհրդարանական հանձնաժողովի հետ, Մեծ Բրիտանիայի արտաքին գործերի նախարար Դեյվիդ […] ...
08:30 01.05.2025
ԱՄՆ-ը չի հրաժարվում Ուկրաինայի կարգավորման հարցում միջնորդությունից․ Քիթ ՔելլոգԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։ «Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։ Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ […] ...
08:24 01.05.2025
Երկրաշարժ Գավառ քաղաքից 13 կմ հարավ-արևելքՄայիսի 1-ին` տեղական ժամանակով ժամը 07:47-ին (Գրինվիչի ժամանակով` ժամը 03։47-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.25⁰ և արևելյան երկայնության 45․20⁰ աշխարհագրական կոորդինատներով Հայաստան՝ Գավառ քաղաքից 13 կմ հարավ-արևելք, օջախի 10 կմ խորությամբ 2․8 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3-4 բալ: Երկրաշարժը զգացվել է […] ...
08:13 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
