12:35 22.02.2019
Հանրապետության 50 դպրոցներում տեխնիկական, նյութական, գույքային ապահովվածության ուսումնասիրություններ են կատարել Ժուռնալիստների «Ասպարեզ» ակումբի փորձագետները:
Յուրաքանչյուր մարզից ուսումնասիրվել է 5 դպրոց, որից 2-ը՝ գյուղական: Հետազոտությունների արդյունքներն այսօր քննարկվել են մարզի դպրոցների տնօրենների և մարզպետարանի կրթության վարչության պատասխանատուների հետ: Աշակերտների և ուսուցիչների շրջանում կատարված հարցումների արդյունքում մի շարք խնդիրներ են հայտնաբերել, որոնք առաջին հայացքից թվում են ոչ կարևոր: Հանրակրթական դպրոցներում փորձագետներին հետաքրքրել է ամեն ինչ, նույնիսկ սննդի, ծխախոտի, հեղուկ վառելիքի, օծանելիքի հոտերը: Իսկ դպրոցների մաքրության մակարդակը հասկանալու համար առաջին հերթին հետաքրքրվել են սանհանգույցների վիճակով: Շիրակի մարզի 22 դպրոցում սանհանգույցները բացակայում են:
Սանիտարական տարրական պայմանները չպահպանելու այլ օրինակներ էլ կան, մարզում դպրոցներ կան, որ խմելու ջուր չունեն: Դրանք հիմնականում Անի համայնքի գյուղերն են, որտեղ խմելու ջուրը մեքենաներով են բերում 2-3 օրը մեկ: Հետազոտողների ուշադրությանն է արժանացել նաև մարզադահլիճների վիճակը: Շիրակի մարզպետարանի հանրակրթության բաժնի պետ Գևորգ Ղումաշյանը մեկ նկատառում արեց այս խնդրի շուրջ, որ դպրոցաշինական ծրագրերից միշտ դուրս են մնացել մարզադահլիճների և խոհանոցների կառուցման առաջարկները, որպեսզի շինարարական ծախսերը մեծ չլինեն: Դա արվել է պատվիրատուի՝ կառավարության հորդորով, բայց մյուս կողմից էլ, ըստ կրթության ոլորտի փորձագետ Մարինա Գալստյանի, օրենսդրական պահանջ է, որ կրթօջախները պետք է անպայման մարզադահլիճներ ունենան:
Խնդիր է նաև դպրոցներում քիմիա, ֆիզիկա և կենսաբանություն առարկաների համար նախատեսված լաբորատորիաների բացակայությունը: Աշակերտը հնարավորություն չունի առարկաները սերտել փորձերի միջոցով: Դպրոցները երկար տարիներ լաբորատորիայի համար նյութեր չեն ստացել: Ըստ կրթության ոլորտի մարզային պատասխանատուի` քիմիայի լաբորատորիային 6 ամիսը մեկ 2 մլն դրամ է անհրաժեշտ միայն քիմիական նյութեր գնելու համար:
Ներկաների քննարկումներն ակտիվացան, երբ խոսքը գնաց դպրոցներում բուժքույրերի աշխատանքից: Շատ դպրոցներ բուժքույրեր չունեն, եթե հաստիքն էլ կա, ապա կես դրույքով են աշխատում: Պատահել է, երբ ֆիզկուլտուրայի ժամանակ երեխայի հետ դեպք է պատահել, բուժքույրը տեղում չի եղել, որ առաջին բուժօգնություն ցուցաբերի: Բուժքրոջ հաստիքն էլ ոչ թե դպրոցը, այլ Առողջապահության նախարարությունն է սահմանում: Մինչև 300 աշակերտ ունեցող դպրոցին, ըստ սահմանված նորմերի, բուժքույր պետք չէ, ինչն, ըստ ներկաների, աբսուրդ է: Օրինակ բերվեց, եթե 295 աշակերտ ունեցող դպրոցում համաճարակ բռնկվի, ապա հսկողություն սահմանող չի լինի: Մի շարք այլ առաջարկությունների հետ դպրոցներում պարտադիր բուժքրոջ հաստիք ունենալու հարցը ևս տեղ կգտնի Կրթության և գիտության նախարարություն ուղարկվող փաթեթում:
13:14 02.08.2025
Տեխնոլոգիական էկոհամակարգի զարգացման ռազմավարական ուղիները. Forbes ամսագրում հրապարակվել է Մխիթար Հայրապետյանի հոդվածըՕգոստոսի 1-ին հեղինակավոր Forbes ամսագրում հրապարակվել է ՀՀ բարձր տեխնոլոգիական արդյունաբերության նախարար Մխիթար Հայրապետյանի հեղինակած հոդվածը, որը ներկայացնում է զարգացող կիսահաղորդչային և արհեստական բանականության հաբեր մուտք գործելու կարևորությունն ու ռազմավարական ուղիները։ Հոդվածում Մխիթար Հայրապետյանը խորը վերլուծությամբ ներկայացնում է այն մարտահրավերներն ու հնարավորությունները, որոնք ծառանում են զարգացող երկրներում տեխնոլոգիական ներդրումների իրականացման ճանապարհին։ Ըստ նախարարի՝ ներդրումային որոշումներ […] ...
13:00 02.08.2025
Սելարայանի գեղեցիկ գոլն ու «Բելգրանոյի» հաղթանակը․ Արգենտինայի գավաթԱրգենտինայի գավաթի խաղարկության 1/8 եզրափակչում «Բելգրանոն» 2-0 հաշվով հաղթել է «Ինդեպենդյենտեին»։ «Բելգրանոյից» ամբողջ հանդիպմանը մասնակցել է թիմ ավագ, Հայաստանի ազգային հավաքականի կիսապաշտպան Լուկաս Սելարայանը, որը նաև գեղեցիկ գոլի հեղինակ է դարձել 71-րդ րոպեին։ Սելարայանը ճանաչվել է հանդիպման լավագույն ֆուտբոլիստ։ Սելարայանի թիմը դուրս է եկել քառորդ եզրափակիչ, որտեղ կմրցի «Աթլետիկո Տուկուման» – «Նյուելս Օլդ Բոյս» զույգի […] ...
12:49 02.08.2025
Արմավիրի համայնքային ոստիկաններին տեսնելով` երիտասարդը դիմեց փախուստի. նրա ձեռքին եղած կիսաչոր կանեփը կշռում էր մոտ 12 կիլոգրամՀամայնքային ոստիկանության Արմավիրի բաժնում ստացվել էր օպերատիվ տեղեկություն, որ Արևիկ գյուղի բնակչ 53-ամյա մի տղամարդ հողամասում աճեցնում է կանեփ ու նաև ապօրինի պահում է թմրամիջոց։ Տեղեկությունը ստուգվեց հուլիսի 30-ին: Մինչ համայնքային ոստիկանները կհասնեին սեփականաշնորհված հողամաս` ճանապարհին նկատեցին մի երիտասարդի, որը կանեփի բույսեր ձեռքին վազում էր։ Ժամը 14.35-ին նա ձերբակալվեց և տեղափոխվեց բաժին: Պարզվեց, որ փախչողը […] ...
12:40 02.08.2025
Երևանի քրեական ոստիկանները հայտնաբերել են հետախուզվողի․ խափանման միջոցը կալանքՔրեական ոստիկանության Երևան քաղաքի վարչության մարդու դեմ ուղղված հանցագործությունների դեմ պայքարի բաժնի ծառայողները հետախուզվողի թաքնվելու վայրի վերաբերյալ ստացած օպերատիվ տեղեկությունն իրացրին հուլիսի 31-ի առավոտյան: Ժամը 10-ին Կոմիտասի պողոտայում հայտնաբերվեց և վարչություն տեղափոխվեց մայրաքաղաքի Մամիկոնյանց փողոցի բնակիչ 40-ամյա տղամարդ։ Նա հուլիսի 23-ից հետախուզվում էր զենքի կամ նախապես պատրաստված կամ հարմարեցված առարկայի գործադրմամբ առողջությանը ծանր վնաս պատճառելու […] ...
12:39 02.08.2025
Թուրքիայում ձերբակալվել են ահաբեկչական հարձակումներ նախապատրաստելու մեջ կասկածվող անձինքԹուրքիայի իրավապահ մարմինները երկրի հյուսիս-արևմուտքում գտնվող Բուրսայում ձերբակալել են չորս անձանց, որոնք կասկածվում են հանրապետությունում ահաբեկչական հարձակումներ նախապատրաստելու մեջ, հաղորդում է կառավարամետ «Türkiye» թերթը։ Ըստ տեղեկությունների՝ իրավապահ մարմինների աշխատակիցները Բուրսա նահանգի մուտքի մոտ կանգնեցրել են կասկածելի մեքենա, և ուղևորներից առգրավվել է երկու ձեռքի նռնակ։ «Կազմակերպված հանցագործության դեմ պայքարի բյուրոյի կողմից անցկացված հետաքննության ընթացքում պարզվել է, […] ...
12:35 02.08.2025
Իրավապահները Տափերական գյուղում հայտնաբերել են հրացաններՔրեական վարույթի շրջանակում, դատարանի որոշմամբ, հուլիսի 30-ին Քրեական ոստիկանության Արարատի մարզային վարչության և Արարատի մարզային քննչական վարչության ծառայողները խուզարկել են Արարատի մարզի Տափերական գյուղի բնակիչ 27-ամյա երիտասարդի տունը՝ հայտնաբերելով երկու հրացան։ Պարզվել է, որ դրանք տարիներ առաջ երիտասարդի հայրն է բերել Լեռնային Ղարաբաղից։ Հանգամանքները նախաքննությամբ պարզվում են։ ...
