19:28 25.02.2019
Անցած տարեվերջին փոփոխություններ կատարվեցին «Երիտասարդ ընտանիքներին մատչելի բնակարան» պետական ծրագրում: Նոր փոփոխություններով երիտասարդ ամուսինների տարիքային հանրագումարն է բարձրացվել` նախկին 65-ի փոխարեն սահմանվել է 70, տոկոսադրույքներն են նվազեցվել, նաև հեշտացվել են ընտանիքների համար սահմանված 30 տոկոս կանխավճարի ապահովման պայմանները: Սա հնարավորություն է ստեղծել բնակարանի գնումը Գյումրիում ավելի հասանելի դարձնել:
Մկրտիչ Նախշքարյանի ընտանիքը 5 տարում վերջապես բնակարանատեր է դարձել: Հիպոթեքային վարկավորումով բնակարան է գնել Գյումրիի Մուշ 2 թաղամասում: 4 սենյականոց տունը գնել են ընդամենը 13.000 դոլարով: 30 տարի չբնակեցված բնակարան է, առանց ներքին հարդարման: Տանտիրոջ խոսքերով` նա 5 տարի վարձով է ապրել, այս ընթացքում 4 բնակարան փոխել, վերջապես հիմա բնակարանատեր է: Վարկավորման նախկին պայմանները մատչելի չէին, ընտանիքի եկամուտները չէին բավականացնում, իսկ տարիքային շեմը ավելի ցածր էր: Հանգամանքները խանգարում էին ընտանիքին բանկի միջոցով բնակարան գնելու հարցում:
Մկրտիչ Նախշքարյանն է ասում, որ բնակարանի արժեքը 20 տարում է բանկին փակելու ու այս ընթացքում վարձակալական գումարի չափն է վճարելու բանկին՝ ամսական ընդամենը 35.000 դրամ: Հիփոթեքային վարկավորման տարեկան տոկոսադրույքը բանկերն իջեցրել են՝ հասցնելով առավելագույնը մինչև 8,5 տոկոսի, որից պետության սուբսիդավորման չափը նույն 4 տոկոսն է մնացել: Այսինքն` երիտասարդ ընտանիքը հիմա նվազագույնը 3,4 տոկոս տարեկան տոկոսադրույքով էլ կարող է բնակարան ձեռք բերել:
«Հայբիզնեսբանկ» ՓԲԸ «Գյումրի» մասնաճյուղի կառավարիչ Լևոն Գասպարյանի խոսքերով` տոկոսադրույքի առնվազն 4 տոկոսով կրճատումը էական նշանակություն կունենա ընտանիքի բյուջեի վրա: 10 մլն դրամանոց բնակարանի դեպքում այդ գումարը տարեկան կկազմի 400.000 դրամ:
Բացի դրանից՝ նախկինում երիտասարդ ընտանիքը պարտավոր էր բնակարանի արժեքի 30 տոկոսի չափով կանխավճար վճարել, հիմա պահանջվող կանխավճարը 10 տոկոս է, իսկ մնացած 20 տոկոս գումարի վճարման ռիսկը պետք է ապահովագրի բանկի ապահովագրական ընկերությունում՝ որոշակի գումար վճարելով:
Այս կերպ բացառվում է նաև 2-րդ բնակարանի գրավադրումը, ինչը, ըստ բանկի մասնաճյուղի կառավարչի, երիտասարդին ինքնուրույն ապրելու հնարավորություն կընձեռի: Այս վարկատեսակի նկատմամբ հետաքրքրությունն ավելացել է, որն էլ բերել է անշարժ գույքի շուկայի աշխուժացման, բայց բնակարանների գնաճի առայժմ չի հանգեցրել:
Երիտասարդ ընտանիքներին տրվող առավելությունների հետ նաև հիփոթեքային այս ծրագիրը որոշակի պահանջներ ու սահմանափակումներ ունի: Վարկառուն պետք է նորմալ վարկային պատմություն ունենա: Եվ հիմա ավելի շատ այս խնդիրն է հանգեցնում մերժումների, քան երիտասարդ ընտանիքների եկամուտների պակասը: Երիտասարդների հիփոթեքային վարկավորումը նաև սահմանափակում է դրել գնվող անշարժ գույքի արժեքի վրա: 25 մլն դրամից ավելի արժեքով բնակարան գնելու հնարավորություն ծրագիրը չի ընձեռում: Սա թեև Գյումրիում առայժմ խնդիրներ չի ստեղծում, անշարժ գույքի շուկայում էժան բնակարանների առաջարկներն ավելի շատ են:
13:14 02.08.2025
Տեխնոլոգիական էկոհամակարգի զարգացման ռազմավարական ուղիները. Forbes ամսագրում հրապարակվել է Մխիթար Հայրապետյանի հոդվածըՕգոստոսի 1-ին հեղինակավոր Forbes ամսագրում հրապարակվել է ՀՀ բարձր տեխնոլոգիական արդյունաբերության նախարար Մխիթար Հայրապետյանի հեղինակած հոդվածը, որը ներկայացնում է զարգացող կիսահաղորդչային և արհեստական բանականության հաբեր մուտք գործելու կարևորությունն ու ռազմավարական ուղիները։ Հոդվածում Մխիթար Հայրապետյանը խորը վերլուծությամբ ներկայացնում է այն մարտահրավերներն ու հնարավորությունները, որոնք ծառանում են զարգացող երկրներում տեխնոլոգիական ներդրումների իրականացման ճանապարհին։ Ըստ նախարարի՝ ներդրումային որոշումներ […] ...
13:00 02.08.2025
Սելարայանի գեղեցիկ գոլն ու «Բելգրանոյի» հաղթանակը․ Արգենտինայի գավաթԱրգենտինայի գավաթի խաղարկության 1/8 եզրափակչում «Բելգրանոն» 2-0 հաշվով հաղթել է «Ինդեպենդյենտեին»։ «Բելգրանոյից» ամբողջ հանդիպմանը մասնակցել է թիմ ավագ, Հայաստանի ազգային հավաքականի կիսապաշտպան Լուկաս Սելարայանը, որը նաև գեղեցիկ գոլի հեղինակ է դարձել 71-րդ րոպեին։ Սելարայանը ճանաչվել է հանդիպման լավագույն ֆուտբոլիստ։ Սելարայանի թիմը դուրս է եկել քառորդ եզրափակիչ, որտեղ կմրցի «Աթլետիկո Տուկուման» – «Նյուելս Օլդ Բոյս» զույգի […] ...
12:49 02.08.2025
Արմավիրի համայնքային ոստիկաններին տեսնելով` երիտասարդը դիմեց փախուստի. նրա ձեռքին եղած կիսաչոր կանեփը կշռում էր մոտ 12 կիլոգրամՀամայնքային ոստիկանության Արմավիրի բաժնում ստացվել էր օպերատիվ տեղեկություն, որ Արևիկ գյուղի բնակչ 53-ամյա մի տղամարդ հողամասում աճեցնում է կանեփ ու նաև ապօրինի պահում է թմրամիջոց։ Տեղեկությունը ստուգվեց հուլիսի 30-ին: Մինչ համայնքային ոստիկանները կհասնեին սեփականաշնորհված հողամաս` ճանապարհին նկատեցին մի երիտասարդի, որը կանեփի բույսեր ձեռքին վազում էր։ Ժամը 14.35-ին նա ձերբակալվեց և տեղափոխվեց բաժին: Պարզվեց, որ փախչողը […] ...
12:40 02.08.2025
Երևանի քրեական ոստիկանները հայտնաբերել են հետախուզվողի․ խափանման միջոցը կալանքՔրեական ոստիկանության Երևան քաղաքի վարչության մարդու դեմ ուղղված հանցագործությունների դեմ պայքարի բաժնի ծառայողները հետախուզվողի թաքնվելու վայրի վերաբերյալ ստացած օպերատիվ տեղեկությունն իրացրին հուլիսի 31-ի առավոտյան: Ժամը 10-ին Կոմիտասի պողոտայում հայտնաբերվեց և վարչություն տեղափոխվեց մայրաքաղաքի Մամիկոնյանց փողոցի բնակիչ 40-ամյա տղամարդ։ Նա հուլիսի 23-ից հետախուզվում էր զենքի կամ նախապես պատրաստված կամ հարմարեցված առարկայի գործադրմամբ առողջությանը ծանր վնաս պատճառելու […] ...
12:39 02.08.2025
Թուրքիայում ձերբակալվել են ահաբեկչական հարձակումներ նախապատրաստելու մեջ կասկածվող անձինքԹուրքիայի իրավապահ մարմինները երկրի հյուսիս-արևմուտքում գտնվող Բուրսայում ձերբակալել են չորս անձանց, որոնք կասկածվում են հանրապետությունում ահաբեկչական հարձակումներ նախապատրաստելու մեջ, հաղորդում է կառավարամետ «Türkiye» թերթը։ Ըստ տեղեկությունների՝ իրավապահ մարմինների աշխատակիցները Բուրսա նահանգի մուտքի մոտ կանգնեցրել են կասկածելի մեքենա, և ուղևորներից առգրավվել է երկու ձեռքի նռնակ։ «Կազմակերպված հանցագործության դեմ պայքարի բյուրոյի կողմից անցկացված հետաքննության ընթացքում պարզվել է, […] ...
12:35 02.08.2025
Իրավապահները Տափերական գյուղում հայտնաբերել են հրացաններՔրեական վարույթի շրջանակում, դատարանի որոշմամբ, հուլիսի 30-ին Քրեական ոստիկանության Արարատի մարզային վարչության և Արարատի մարզային քննչական վարչության ծառայողները խուզարկել են Արարատի մարզի Տափերական գյուղի բնակիչ 27-ամյա երիտասարդի տունը՝ հայտնաբերելով երկու հրացան։ Պարզվել է, որ դրանք տարիներ առաջ երիտասարդի հայրն է բերել Լեռնային Ղարաբաղից։ Հանգամանքները նախաքննությամբ պարզվում են։ ...
