15:28 22.03.2019
Երևանի ավագանու մարտի 22-ի արտահերթ նիստում թեժ քննարկում ծավալվեց «Լույս» խմբակցության անդամ Անի Խաչատրյանի՝ Իրինա Ռոդնինայի անունը կրող գեղասահքի դպրոցը վերանվանելու մասին առաջարկից հետո: «Իմ քայլը» խմբակցության անդամ Հայկ Հովհաննիսյանը նշեց, որ իրեն իրավունք է վերապահում խմբակցության անունից խոսելու:
«Վերջերս մեր խմբակցության նիստին արձանագրեցինք, որ Երևանը սևագիր թուղթ չէ: Անվանափոխումների հետ կապված՝ մեր դիրքորոշումն ունենք, նախքան որևէ փողոցի, հրապարակի, շենքի անուն փոխելը կարելի է գոնե հանրային լսման դնել, հասկանալ՝ ինչ ենք ուզում կամ ինչու կամ ում անունով ենք փոխում և արդյոք արժե՞ այդպես անել: Ռոդնինայի հարցում իմ առաջարկը կարող է վերջնագրային չհնչի, ես տեղյակ չեմ` ո՞ւմ անունով եք ուզում կոչել»,- ասաց նա:
Խաչատրյանը տեղից արձագանքեց.
«Բա մնացած հարցերը հանրության հետ ինչո՞ւ չեք քննարկել՝ տոնածառ, Օպերա, բոլոր հարցերը»:
Հովհաննիսյանն արձագանքեց, որ ուղիղ երեք ամիս իրենք հանրության հետ խոսում էին Օպերայի տարածքից սրճարանները հանելու մասին, բայց հիմա իրենց ասում են՝ չեք խոսել:
«Լեմկինը, Եվրոպայի հրապարակը քննարկե՞լ էիք հանրության հետ»,- հարցրեց Խաչատրյանը:
Հովհաննիսյանը պատասխանեց.
«Շուտասելուկի մրցույթի չենք մասնակցում, խնդրո´ւմ եմ, հարգե´նք իրար: Խմբակցությունը նիստ կհրավիրի, կքննարկենք՝ ինչ անունով ենք ուզում կոչել կամ անվանափոխո՞ւմ ենք արդյոք»:
Նա նաև հստակեցրեց՝ դա չի նշանակում, որ իրենք չեն միանում «Լույս» խմբակցության հեղինակած նախագծին, պարզապես կարծում են՝ 15 րոպեում պիտի չնստեն, որոշում կայացնեն:
«Մի ուրիշ քաղաքական գործիչ կարող էր գնալ, օրինակ՝ ֆրանսիացի, հիմա ի՞նչ՝ մտածենք` Ֆրանսիայի հրապարակը շուտափույթ պետք է փոխե՞լ: Ո´չ»,- ասաց Հովհաննիսյանը:
Խաչատրյանը նշեց.
«Եկե´ք «Ադրբեջան» անվանենք մայրաքաղաք Երևանը, սենց լավ չէր»:
Բանավեճին միջամտեց Երևանի քաղաքապետ Հայկ Մարությանը:
«Տիկի´ն Խաչատրյան, կարծեմ տեղին չէր Ձեր ռեպլիկը, բայց, համենայն դեպս, կխնդրեմ՝ երբ ելույթ է ունենում ավագանու անդամը, մյուսը չմիջամտի, նա իր ասելիքը կարող է ելույթից հետո ասել և ավելի լսելի կլինի, անկախ ամեն ինչից՝ համաձայն եք, համաձայն չեք: Այնպես չի, որ այստեղ ով ինչ ելույթ է ունենում, ես համաձայն եմ, բայց համբերատար լսում եմ, եթե ասելիք ունեմ, ասում եմ կամ դուք էլ, եթե ասելիք ունեք, ասում եք: Այստեղ երկու կարծիք լինել չի կարող, պետք է հարգենք իրար, չմոռանանք, որ արդեն 2019թ. է»,- ասաց նա:
«Իմ քայլը» խմբակցության ղեկավար Սուրեն Էյրամջյանը նկատեց՝ պետք չէ հապճեպ որոշում կայացնել, գուցե ավելի լավ անվանման առաջարկներ հնչեն, մանավանդ, եթե խոսքը համատեղ նախագծի մասին է:
«Ունենք բավարար ժամանակ, փաստն արձանագրված է, հնչել են հակահայկական ելույթներ, որոնք պատշաճ գնահատական են ստացել»,- ասաց նա:
23:59 15.06.2025
ԵՄ-ն կոչ է արել թույլ չտալ Իրանին միջուկային զենք ձեռք բերելԵՄ արտաքին գործերի նախարար Կայա Կալասը հայտարարել է ԵՄ դիրքորոշումը, որ Իրանին չպետք է թույլատրվի ձեռք բերել միջուկային զենք: «ԵՄ-ն ուշադիր հետևում է Մերձավոր Արևելքում տիրող իրավիճակին և իր խորը մտահոգությունն է հայտնում վտանգավոր սրման վերաբերյալ, որը սպառնում է անկայունացնել ամբողջ Մերձավոր Արևելքը։ ԵՄ-ն միշտ հստակ է եղել, որ Իրանին չպետք է թույլատրվի ձեռք բերել […] ...
23:30 15.06.2025
Իսրայելը հարվածել է Իրանի արտաքին գործերի նախարարության շենքերից մեկինԻսրայելը հարվածել է Իրանի արտաքին գործերի նախարարության շենքերից մեկին, վիրավորվել են մի քանի քաղաքացիական անձինք, այդ թվում՝ դիվանագետներ, հայտարարել է Իրանի արտաքին գործերի փոխնախարար Սաիդ Խատիբզադեն։ «Իսրայելի ռեժիմը դաժան հարձակում է գործել Իրանի արտաքին գործերի նախարարության շենքերից մեկի վրա, որը գտնվում է Թեհրանում։ Այս հարձակման հետևանքով վիրավորվել են մի քանի քաղաքացիական անձինք, այդ թվում՝ իմ […] ...
23:15 15.06.2025
Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...
23:06 15.06.2025
Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքներըԻրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...
22:55 15.06.2025
Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումներըՄիացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...
22:45 15.06.2025
Նեթանյահուն հայտարարել է Իրանի հետախուզության ղեկավարին չեզոքացնելու մասինԻսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...
