Վաշինգտոնը կարող է Իրանի ԻՀՊԿ-ն ահաբեկչական կազմակերպություն ճանաչել – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
16 06 2025
  • $
    383.76
  • RUBLE
    4.88
  • 444.24
WEATHER
+23.09 oC

Վաշինգտոնը կարող է Իրանի ԻՀՊԿ-ն ահաբեկչական կազմակերպություն ճանաչել

13:15 08.04.2019

Վաշինգտոնը պատրաստվում է «Իսլամական հեղափոխության պահապանների կորպուսն» ավելացնել օտարերկրյա ահաբեկչական կազմակերպությունների ցանկին: Այս մասին հայտնում է Deutsche Welle պարբերականը: Իրանը հայտարարել է, որ նման քայլը կարող է աղետալի հետևանքներ ունենալ:

Եթե Թրամփի վարչակազմն իսկապես իրականություն դարձնի այս լուրերը, ապա դա կլինի առաջին դեպքը, երբ օտարերկրյա պետության ռազմական կառույցն «օտարերկրյա ահաբեկչական կազմակերպության» որակում կստանա: Այս քայլը կարող է բարդացնել ԱՄՆ-ի հարաբերությունները Մերձավոր Արևելքում, հատկապես Իրաքում և Լիբանանում գործող այլ կառույցների հետ, որոնք կապեր ունեն «Իսլամական հեղափոխության պահապանների կորպուսի» հետ:

Ի պատասխան արևմտյան մամուլում տարածված լուրերի՝ Իրանի արտգործնախարար Ջավադ Զարիֆը թվիթերյան գրառմամբ ԱՄՆ-ին նախազգուշացրել է հերթական աղետի մասին:

«Նեթանյահուի կողմնակիցները, ովքեր վաղուց քարոզչություն էին անում, որպեսզի «Իսլամական հեղափոխության պահապանների կորպուսը» ճանաչվի օտարերկրյա ահաբեկչական կազմակերպություն, լիովին հասկանում են դրա հետևանքները տարածաշրջանում ամերիկյան ուժերի համար: Ըստ էության, նրանք ցանկանում են ԱՄՆ-ին քաշել ճահճի մեջ: Դոնալդ Թրամփը պետք է միամիտ չգտնվի և չներքաշվի ԱՄՆ-ի համար հերթական աղետի մեջ», – գրել է Զարիֆը:

Իրանի խորհրդարանի պատգամավորների մեծամասնությունն էլ հայտարարություն է տարածել՝ հայտնելով, որ Իրանն ԱՄՆ-ի դեմ պատասխան գործողություններ կձեռնարկի, եթե «Իսլամական հեղափոխության պահապանների կորպուսը» համարվի ահաբեկչական կառույց:

«Ամերիկայի ղեկավարները, ովքեր մերձավորարևելյան տարածաշրջանում ահաբեկիչների ստեղծողն ու աջակիցն են, կզղջան այս անտեղի և հիմար արարքի համար»,- մեջբերում է պարբերականը հայտարարությունից:

Ներկայում ԱՄՆ-ն աշխարհում գործող մոտ 60 խմբավորումների համարում է օտարերկրյա ահաբեկչական կազմակերպություններ, սակայն դրանցից ոչ մեկը պետական ռազմական կառույց չէ: Այս որակումը նշանակում է, որ «Իսլամական հեղափոխության պահապանների կորպուսի» նկատմամբ պատժամիջոցներ կկիրառվեն, իսկ ամերիկացիները չեն կարողանա որևէ կերպ առնչություն ունենալ կորպուսի հետ:

Քննադատները նախազգուշացնում են, որ ԱՄՆ-ի այս որոշումը կբարդացնի ամերիկյան զինուժի և դիվանագիտական անձնակազմի աշխատանքը, քանի որ կսահմանափակի շփումը, օրինակ՝ Իրաքի և Լիբանանի իշխանությունների հետ, որոնք սերտ հարաբերություններ ունեն «Իսլամական հեղափոխության պահապանների կորպուսի» հետ:

Ամերիկացի պաշտոնյաներին արդեն արգելված է առնչություն ունենալ պահապանների կորպուսի հետ սերտ կապեր ունեցող «Հըզբոլլահ» շարժման անդամների հետ: Վերջինիս Վաշինգտոնը համարում է օտարերկրյա ահաբեկչական կազմակերպություն:
Այս քայլի քննադատները նաև նախազգուշացնում են, որ Իրանի կողմից համարժեք պատասխանը կարող է թիրախավորել դեսպանատները և հյուպատոսարանները և բացասաբար ազդել ԱՄՆ-ի շահերի վրա:

«Իսլամական հեղափոխության պահապանների կորպուսը» ստեղծվել է 1979 թ.` Իրանում տեղի ունեցած Իսլամական հեղափոխությունից հետո: Այն երկրի անվտանգության ամենահզոր կառույցն է և մեծ ազդեցություն ունի Իրանի տնտեսական և քաղաքական համակարգի վրա: Շուրջ 120 հազար անդամ ունեցող «Իսլամական հեղափոխության պահապանների կորպուսը» ուղղակիորեն գտնվում է երկրի հոգևոր առաջնորդի ենթակայության տակ:

Բոլոր լուրերը

Կապակցված լուրեր

«Փյունիկը» պարտուգալացի նորեկ ունի

20:55 16.06.2025

«Փյունիկը» պարտուգալացի նորեկ ունի

«Փյունիկը» պայմանագիր է ստորագրել պորտուգալացի պաշտպան Ֆիլիպե Ալմեյդայի հետ։ Այս մասին հայտնում է ակումբի պաշտոնական կայքը։ 27-ամյա ֆուտբոլիստը նախկինում հանդես է եկել միայն պորտուգալական ակումբներում` «Ֆեյրենսեում», «Լեյրիայում», «Ռիու Ավեում», «Բրագայում» և այլուր։ Նա 2024/25 մրցաշրջանում եղել է «Ֆեյրենսեի» ավագը, 32 խաղում գոլային փոխանցում է գրանցել։ ...

Իսրայելը թիրախավորել է Իրանի պետական հեռուստաընկերությունը

20:46 16.06.2025

Իսրայելը թիրախավորել է Իրանի պետական հեռուստաընկերությունը

Իսրայելը հարված է հասցրել Իրանի պետական ​​հեռուստաընկերության շենքին: Ավիահարվածի պատճառով ընդհատվել է ուղիղ հեռարձակումը: Այս մասին հայտնել է Mehr լրատվականը: Նշվում  է, որ շենքում խոշոր հրդեհ է բռնկվել: Ուղիղ հեռարձակումների կադրերը ցույց էին տալիս հեռարձակողի գլխավոր գրասենյակին հասցված մեծ վնասը։ Հրդեհից առաջացած ծուխը տեսանելի էր քաղաքի որոշ հեռավոր շրջաններից։ ...

ՏԿԵ նախարարը հանդիպել է Սաքսոնիա-Անհալթ երկրամասի Լանդթագի նախագահ հետ

20:34 16.06.2025

ՏԿԵ նախարարը հանդիպել է Սաքսոնիա-Անհալթ երկրամասի Լանդթագի նախագահ հետ

ՀՀ ՏԿԵ նախարար Դավիթ Խուդաթյանը Ֆեյսբուքի իր էջում գրել է, որ Գերմանիայի Դաշնային Հանրապետություն կատարած աշխատանքային այցի ընթացքում հանդիպում է ունեցել Սաքսոնիա-Անհալթ երկրամասի Լանդթագի նախագահ Գունար Շելենբերգերի հետ։ «Քննարկեցինք մարզերի և քաղաքների միջև ապակենտրոնացված համագործակցության հետ կապված հարցեր, անդրադարձ կատարվեց երկուստեք կարևոր թեմաների։ Հանդիպման ավարտին գրառում կատարեցի Լանդթագի պատվո հյուրերի մատյանում։ Հանդիպմանը մասնակցում էր Գերմանիայի […] ...

Հայտնաբերվել է 391 ոչ սթափ վարորդ․ պարեկների անցած շաբաթվա ծառայության արդյունքները

20:21 16.06.2025

Հայտնաբերվել է 391 ոչ սթափ վարորդ․ պարեկների անցած շաբաթվա ծառայության արդյունքները

Հունիսի 9-ից 16-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5141 խախտում՝ պահպանվող հատուկ տարածք տեղափոխելով 210 ավտոմեքենա։ Մասնավորապես, հայտնաբերվել է ոչ սթափ 168 վարորդ, առանց վարորդական իրավունքի վկայականի՝ 313 անձ։ Հայտնաբերվել է հաշվառման համարանիշի հետ կապված՝ 24, չամրակապված վարելու՝ 1158, առանց մանկական նստատեղի՝ քարսիթի՝ 17, վարելու ընթացքում ծխելու՝ 461, վարելիս […] ...

«Բավարիայի» ջախջախիչ հաղթանակը ԱԱԱ-ում

20:12 16.06.2025

«Բավարիայի» ջախջախիչ հաղթանակը ԱԱԱ-ում

Աշխարհի ակումբային առաջնության C խմբի առաջին տուրում Մյունխենի «Բավարիան» 10-0 հաշվով հաղթել է նորզելանդական «Օքլենդ Սիթիին»։ Հեթ-տրիկ է ձևակերպել Ջամալ Մուսիալան, դուբլ են գրանցել Կինգսլի Կոմանը, Մայքլ Օլիսեն ու Թոմաս Մյուլերը, մեկ գոլ էլ խփել է Սաշա Բոեն։ ...

SHANTNEWS

20:00 16.06.2025

SHANTNEWS

BACK_TO_TOP