13:30 02.05.2019
Մայիսի 1-ին Աշխատավորների համերաշխության միջազգային օրվա առթիվ աշխարհի տարբեր երկրներում երթեր են կազմակերպվել: Որոշ երկրներում դրանք խաղաղ են անցել, սակայն բազմաթիվ քաղաքներում էլ մայիսմեկյան ցույցերը վերածվել են ցուցարարների և ոստիկանության միջև բախումների:
Ֆրանսիա
Մայիսմեկյան ամենալուրջ բախումները, թերևս, տեղի են ունեցել Փարիզում, որտեղ երթին մասնակցել է շուրջ 40 հազար ցուցարար: Ակցիայի մասնակիցների շարքում են եղել նաև «դեղին բաճկոնների» շարժման մասնակիցներ, ինչպես նաև դիմակավորված մոտ 2000 ակտիվիստներ, որոնք անկարգություններ են հրահրել: Քաղաքում կարգուկանոնը պահպանելու համար ներգրավվել է շուրջ 7400 ոստիկան: Իրավապահները ցուցարարների դեմ արցունքաբեր գազ են կիրառել: Ցուցարարներն էլ ոստիկանների ուղղությամբ քարեր և շշեր են նետել: Ավելի քան 250 մարդ ձերբակալվել է: Ֆրանսիայի արհմիությունները հայտնել են, որ հասկանում են ցուցարարների վրդովմունքը, քանի որ անցյալ շաբաթ երկրի նախագահ Էմանուել Մակրոնի ելույթը չի փարատել բարձր հարկերի և վատ կենսապայմանների հետ կապված նրանց մտահոգությունները:
Գերմանիա
Մայիսմեկյան ցույցերի ընթացքում իրավապահների հետ բախումներ են տեղի ունեցել նաև Գերմանիայում: Բեռլինում ձախակողմյան քաղաքական ուժերը ներկայացնող ցուցարարները բողոքել են քաղաքի արևելյան հատվածում ընթացող վերակառուցման դեմ: Որոշ դիմակավորված ցուցարարներ իրենց բողոքն արտահայտել են՝ պատշգամբներում ջահեր վառելով: Կան ձերբակալվածներ:
Հունաստան
Բազմամարդ ցույց է անցկացվել Աթենքում: Այն նույնպես ուղեկցվել է բախումներով: Հույները բողոքել են գործազրկության, ինչպես նաև ցածր աշխատավարձի դեմ:
Իտալիա
Իտալիայի Թուրին քաղաքում ոստիկանությունը միջամտել է այն բանից հետո, երբ բախումներ են սկսվել Իտալիա-Ֆրանսիա տրանսալպյան արագընթաց թունելի կառուցման կողմնակիցների և ընդդիմադիրների միջև: Բախումների ընթացքում 3 մարդ է վիրավորվել, այդ թվում՝ 1 ոստիկան:
Բելգիա
Աշխատավորների համերաշխության միջազգային օրը անկարգություններ են եղել նաև Բելգիայում: Բրյուսելի փողոցներով անցնելիս ցուցարարները շրջել են շինհրապարակների արգելապատնեշները, ներկ են լցրել ավտոմեքենաների և շենքերի վրա, ինչպես նաև կապիտալիզմի դեմ կոչեր հնչեցրել:
Թուրքիա
Ստամբուլում մի խումբ ցուցարարներ փորձել են երթով գնալ դեպի Թաքսիմի հրապարակ, որտեղ 2012թ.-ից ի վեր արգելվում է մայիսմեկյան ցույցեր իրականացնել: Իրավապահները ձերբակալել են տասնյակ ցուցարարների: Թաքսիմը խորհրդանշական վայր է թուրք ակտիվիստների համար: 1977թ.-ի մայիսմեկյան ցույցերի ընթացքում այդ հրապարակում 34 մարդ է զոհվել:
Ռուսաստան
Իսկ Ռուսաստանում մայիսմեկյան ցույցերի ընթացքում ավելի քան 100 մարդ է ձերբակալվել, որոնց մեծ մասը՝ Սանկտ Պետերբուրգում: Ցուցարարները, որոնց շարքում եղել են նաև ընդդիմադիր գործիչ Ալեքսեյ Նավալնու աջակիցներ, կարգախոսեր են հնչեցրել ՌԴ նախագահ Վլադիմիր Պուտինի և մարզային իշխանությունների դեմ: Ցուցարարները հայտնում են, որ իրավապահները ձերբակալություններ են սկսել այդ կարգախոսերից հետո: Իսկ Սանկտ Պետերբուրգի իշխանությունները հաղորդում են, որ ցուցարարները խախտել են զանգվածային միջոցառումներ իրականացնելու կարգը:
ԱՄՆ-ում կազմակերպված մայիսմեկյան երթերի մասնակիցներն իրենց ուշադրությունը կենտրոնացրել են հիմնականում ներգաղթյալների իրավունքների և աշխատավարձերի բարձրացման վրա:
Աշխատավորների համերաշխության միջազգային օրվա առթիվ երթեր են կազմակերպվել նաև Կոլումբիայում, Էկվադորում, Լիբանանում, Հարավային Կորեայում: Դրանք հիմնականում խաղաղ բնույթ են կրել:
00:30 07.08.2025
NYT. Թրամփը նախատեսում է հաջորդ շաբաթ հանդիպել Պուտինի հետ
00:09 07.08.2025
Լուսակունք գյուղում բռնկված հրդեհը մարվել է
00:30 07.08.2025
NYT. Թրամփը նախատեսում է հաջորդ շաբաթ հանդիպել Պուտինի հետԱՄՆ նախագահ Դոնալդ Թրամփը հաջորդ շաբաթ նախատեսում է անձնական հանդիպում ունենալ իր ռուս գործընկեր Վլադիմիր Պուտինի հետ, իսկ դրանից անմիջապես հետո՝ եռակողմ հանդիպում Վլադիմիր Զելենսկու հետ։ Այս մասին հաղորդում է The New York Times-ը՝ հղում անելով իր աղբյուրներին։ Ըստ թերթի՝ Թրամփը իր ծրագրերը բացահայտել է չորեքշաբթի օրը եվրոպացի առաջնորդների հետ հեռախոսազրույցի ժամանակ։ Սպիտակ տան ղեկավարից, […] ...
00:18 07.08.2025
Հայ շախմատիստների արդյունքները «Batumi Municipality Cup-2025» միջազգային մրցաշարում 7 խաղափուլից հետոՎրաստանի Բաթումի քաղաքում անցկացվող «Batumi Municipality Cup-2025» շախմատի միջազգային մրցաշարի ավարտին մնացել է 2 խաղափուլ: Այս մասին հայտնել են Հայաստանի շախմատի ֆեդարացիայից: 7 խաղափուլից հետո «A» խմբում միանձնյա առաջատարն է միջազգային վարպետ Ռոբերտ Փիլիպոսյանը, ով ունի 6 միավոր։ «B» խմբում 5.5 միավորով առաջատարների շարքում են Արարատ Ստեփանյանը, Արտուշ Ավագյանը և Վարդան Մելքոնյանը: «C» խմբում 6.5 […] ...
00:09 07.08.2025
Լուսակունք գյուղում բռնկված հրդեհը մարվել էՕգոստոսի 6-ին, ժամը 18։40-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լուսակունք գյուղի դպրոցի մոտակայքում այրվում է կուտակած անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Լուսակունք գյուղի 1-ին փողոցի տներից մեկի բակում։ Հրդեհը մեկուսացվել է ժամը 19։15-ին, […] ...
23:59 06.08.2025
Երևանի յուրաքանչյուր վարչական շրջան պետք է ունենա հարմարավետ և բարեկարգ բակային միջավայր. ԱվինյանԵրևանի յուրաքանչյուր վարչական շրջան, անկախ տարածքից և բնակիչների թվից, պետք է ունենա հարմարավետ և բարեկարգ բակային միջավայր ՝ կանաչապատ գոտիներով և հանգստի հարմարավետ պայմաններով: Այս մասին Ֆոյսբուքի իր էջում գրել է Երևանի քաղաքապետ Տիգրան Ավինյանը: «Նուբարաշենում շարունակվում են բակերի բարեկարգման աշխատանքները։ Կկառուցվեն զրուցարաններ, հանգստի գոտիներ և կստեղծվեն ժամանակակից պայմաններ՝ երևանցիների առօրյան հարմարավետ դարձնելու համար»,-գրել է […] ...
23:57 06.08.2025
Զախարյանը կրկին անհատական ծրագրով է մարզվում«Ռեալ Սոսյեդադի» կիսապաշտպան Արսեն Զախարյանը կրկին անհատական ծրագրով է մարզվում, հայտնում է Sport24-ը։ «Զախարյանը դեռ պատրաստ չէ, և այսօր նա ընդհանուր խմբից առանձին է մարզվել։ Տեսնենք` պատրաստ կլինի՞ շաբաթ «Բորնմութի» դեմ կայանալիք խաղին, թե՞ ոչ»,- ասել է ակումբի մամուլի քարտուղար Յոն Անդեր Մունդուատեն։ Հուլիսի 28-ին նշվեց, որ Ռուսաստանի ազգային հավաքականի հայ կիսապաշտպանն ապաքինվել է վիրուսից […] ...
23:55 06.08.2025
«Scania» բեռնատարը, որը բարձված էր 24 տոննա սենդվիչ-բլոկներով, Վերին Խոտանան ճանապարհին կողաշրջվել էՕգոստոսի 6-ին, խոշոր ավտովթար է տեղի ունեցել Սյունիքի մարզում։Ժամը 13:20-ի սահմաններում Իրանի Իսլամական Հանրապետության քաղաքացի, 57-ամյա Գաբալու Հոսենգոլը, իր վարած «Scania» մակնիշի բեռնատարով, Վերին Խոտանան շրջանցող ավտոճանապարհին կողաշրջվել է։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, բարեբախտաբար տուժածներ չկան։ Օպերատիվորեն ժամանել են ՀՀ Ներքին գործերի նախարարության փրկարար ծառայության Սյունիքի մարզային փրկարարական վարչության և […] ...
