17:26 27.05.2019
Իրավիճակը վրաց-ադրբեջանական չսահմանագծված գոտում գտնվող Դավիթ Գարեջիի վանական համալիրի շուրջ շարունակում է մնալ ծայրահեղ լարված: Վրացի սահմանապահներն այսօր տեղացիների և զբոսաշրջիկների համար փակել են համալիր տանող ճանապարհներն այն հատվածից, որտեղից երևում է նախորդ մի քանի օրերի ընթացքում ադրբեջանցիների կողմից ծանր տեխնիկայի միջոցով փորված-հարթեցված արահետը դեպի վրացական սրբավայր: Վանքի ադրբեջանական կողմում այսօր ևս պետական մասշտաբով սահմանազատման աշխատանքները շարունակվում են:
Նշենք, որ հանգստյան 2 օրերին վրացական կողմից աննախադեպ ակտիվություն էր գրանցվել Դավիթ Գարեջիի վանական համալիրում: Բնակչության տարբեր շերտերն, ինչպես նաև հոգևորականությունն այցելել էին համալիր՝ ի պաշտպանություն վրացական հոգևոր և մշակութային կոթողի: Ավելին, հոգևորականերն ի նշան բողոքի` երեկ ավելի քան 2 ժամ փակել էին միջպետական ճանապարհներից մեկը:
Նշենք, որ քաղաքացիական հասարակությունից ավելի անզիջում դիրքորոշում են զբաղեցրել հոգևորականները, ովքեր անբավարար են համարում իշխանությունների պասիվ, ոմանց կարծիքով նաև դավաճանական դիրքորոշումը խնդրի նկատմամբ: Նրանք իշխանություններին և հասարակական ակտիվիստներին սթափության կոչ են անում՝ ադրբեջանական հարձակումներից պաշտպանվելու համար: «Ադրբեջանն ամենադաժան ու ստոր կերպով պայքարում է մեր դեմ: Անում է հնարավորինը, որ ուշքի չգանք, չգիտակցենք տեղի ունեցածը: Այս ամենը մեր անգործության մատնված պետության մեղքն է: Սթափվելու, պետականորեն սթափվելու ժամանակն է»,- հայտարարել է վրացական եկեղեցու հոգևորականներից մեկը:
«Հասկանում ենք, որ Ադրբեջանի հետ պետք է պահպանենք լավ հարաբերություններ, բայց ոչ մեր սրբությունների հաշվին: Ակնհայտ է, որ վաղվա ակցիան կազմակերպվել է Ադրբեջան պետության և ոչ թե ՀԿ ակտիվիստների կողմից, քանի, որ ակցիայի համար ճանապարհ հենց պետությունն է հարթել: Մենք պետք է մեր ադրբեջանցի հարևաններին բացատրենք, որ Կովկասը մեր տունն է, Դավիթ Գարեջին մեր սրբավայրն է, և նրանց հետ կիսելու ոչինչ չունենք»,- ասել է համալիրի հոգևորականներից մեկը:
Նշենք, որ իրավիճակը լարվեց այն բանից հետո, երբ ադրբեջանական մամուլում տեղեկություն էր տարածվել առ այն, որ այդ երկրի ՀԿ-ները մտադիր են Ադրբեջանի անկախությանը օրը՝ մայիսի 28-ին, ավտոբուսներով ու մեքենաներով երթ կազմակերպել դեպի Դավիթ Գարեջիի համալիր և այնտեղ տեղադրել իրենց պետական դրոշը՝ այդ կերպ արձանագրելով իրենց դիրքորոշումն իբր ալբանական պետությունից ժառանգած տարածքների, մշակութային հուշարձանների նկատմամբ: Դրան հաջորդել էին այդ երկրի կողմից դեպի համալիր ճանապարհաշինական աշխատանքները:
23:59 30.04.2025
Ստեփանծմինդա-Լարս ավտոճանապարհը բաց է
23:57 30.04.2025
ՀՀ տարածքում ավտոճանապարհները հիմնականում անցանելի են
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:49 30.04.2025
Հութիները հարվածներ են հասցրել Թել Ավիվում և Աշկելոնում իսրայելական թիրախներինԵմենի ապստամբ «Անսար Ալլահ» շարժման հութիները չորս անօդաչու թռչող սարքով հարված են հասցրել Թել Ավիվում և Աշկելոնում գտնվող իսրայելական թիրախներին։ Այս մասին հայտարարել է հութիների ռազմական խոսնակ Յահյա Սարիան։ «Եմենի զինված ուժերը կրկնակի գործողություն են իրականացրել՝ երեք «Յաֆա» անօդաչու թռչող սարքերով հարձակվելով օկուպացված Ջաֆա շրջանում գտնվող իսրայելական թշնամու կարևոր ռազմական օբյեկտների վրա, ինչպես նաև մեկ […] ...
23:43 30.04.2025
Փարպի գյուղում բեռնատարը տապալել էր գազախողովակը, վարորդը դիմել էր փախուստիԱպրիլի 30-ին, արտակարգ իրավիճակ է ստեղծվել Արագածոտնի մարզում։ Ժամը 18։40-ի սահմաններում Երևան-Վանաձոր M3 ավտոճանապարհին՝ Փարպի գյուղի վարչական տարածքում բեռնատար ավտոմեքենան բախվել է գազատար խողովակին, ինչի հետևանքով այն ընկել է և ամբողջությամբ փակել ճանապարհի երթևեկելի գոտին։ Ինչպես հայտնում է shamshyan.com-ը, բեռնատարի վարորդը դեպքի վայրից դիմել է փախուստի։ Մինչ գազի աշխատակիցները վթարն էին վերականգնում, պարեկները՝ գումարտակի հրամանատար […] ...
