07:35 31.05.2019
Հանոյում կայացած անհաջող գագաթնաժողովից հետո հյուսիսկորեացի առաջնորդ Կիմ Չեն Ինի հրամանով մահապատժի են ենթարկվել 5 բարձրաստիճան պաշտոնյաներ։ Chosun Ilbo թերթը նշում է, որ նրանք Հանոյում մասնակցել են ԱՄՆ-ի հետ բանակցություններին։
Պարբերականի տեղեկություններով՝ մարտին սպանվել է ԱՄՆ-ի հարցերով Հյուսիսային Կորեայի հատուկ ներկայացուցիչ Կիմ Հեկ Չհոլը և ևս 4 մարդ։ Պատճառ է դարձել այն, որ նրանք չեն կարողացել համաձայնության հասնել երկու երկրների առաջնորդների միջև կազմակերպված երկրորդ գագաթնաժողովի ժամանակ։
Նրանց սպանել են մայրաքաղաք Փհենյանի արևելյան ծայրամասում գտնվող Միրիմ ռազմական աերոդրումում։ Նրանց մեղադրել են նաև հօգուտ ԱՄՆ-ի լրտեսության մեջ։
Եվս մեկ բարձրաստիճան պաշտոնյա՝ Կիմ Չեն Ինի առաջին տեղակալ Կիմ Յոն Չհոլը, դատապարտվել է տաժանակիր աշխատանքի։
Հիշեցնենք, որ փետրվարի 27-28-ը Հանոյում կայացել է ԱՄՆ-Հյուսիսային Կորեա երկօրյա գագաթնաժողովը, որի արդյունքներով կողմերին չի հաջողվել պայմանավորվածություն ձեռք բերել։
Հանդիպմանը տարաձայնությունների պատճառ են դարձել Հյուսիսային Կորեայի դեմ պատժամիջոցները։ Գագաթնաժողովից հետո ԱՄՆ նախագահ Դոնալդ Թրամփը հայտարարել էր, որ Հյուսիսային Կորեան պահանջել է պատժամիջոցների լիարժեք վերացում, մինչդեռ Հյուսիսային Կորեայի ԱԳՆ-ը հաստատում է, որ Փհենյանը խնդրել է ընդամենը սահմանափակող միջոցառումների մասնակի չեղարկում։
17:29 02.08.2025
Մոդին սպառնացել է Պակիստանին հրթիռային հարվածներով նոր ահաբեկչական հարձակման դեպքումՀնդկաստանի վրա Պակիստանից ցանկացած նոր ահաբեկչական հարձակում կպատասխանվի վճռականորեն՝ օգտագործելով BrahMos թևավոր հրթիռները, որոնք արտադրվում են ռուս-հնդկական համատեղ ձեռնարկության կողմից, հայտարարել է Հնդկաստանի վարչապետ Նարենդրա Մոդին։ «Եթե Պակիստանը կրկին մեղք գործի, Ուտար Պրադեշում արտադրված հրթիռները կոչնչացնեն ահաբեկիչներին»,-ասել է Մոդին՝ ելույթ ունենալով Վարանասիում: Հնդկաստանի վարչապետը նաև նշել է, որ համաշխարհային հանրությունն արդեն տեսել է հնդկական պաշտպանական […] ...
17:20 02.08.2025
Գազայի առողջապահության նախարարությունը հայտնել է 24 ժամվա ընթացքում 98 պաղեստինցու մահվան մասինԳազայի հատվածում Իսրայելի կողմից վերջին 24 ժամվա ընթացքում ձեռնարկված գործողությունների հետևանքով զոհվել է առնվազն 98 մարդ, վիրավորվել՝ ավելի քան 1000-ը, հայտնել է անկլավի առողջապահության նախարարությունը իր պաշտոնական Telegram ալիքում։ «Վերջին 24 ժամվա ընթացքում Գազայի հատվածի հիվանդանոցներ են տեղափոխվել 98 զոհված (այդ թվում՝ 15-ը, որոնք հանվել են փլատակներից) և 1079 վիրավոր»,-ասվում է տեքստում։ Այսպիսով, 2023 թվականի […] ...
17:10 02.08.2025
Հայաստանի մի շարք հասցեներում էլեկտրաէներգիայի անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ օգոստոսի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Սարի Թաղ 2-6 փողոցներ մասնակի և հարակից ոչ բնակիչ- բաժանորդներ, Լեոյի փ. 50-103 առանձնատներ մասնակի, Երևանցու փ. 5-48 առանձնատներ մասնակի, Կոնդ թաղամաս 91-253 առանձնատներ մասնակի և հարակից ոչ բնակիչ-բաժանորդներ, […] ...
17:00 02.08.2025
«Գալաթասարայը» խոշոր գումարով ձեռք է բերել Օսիմհենի տրանսֆերային իրավունքըԹուրքիայի չեմպիոն «Գալաթասարայն» իտալական «Նապոլիից» ձեռք է բերել Նիգերիայի հավաքականի հարձակվող Վիկտոր Օսիմհենի տրանսֆերային իրավունքը։ Այս մասին հաղորդում է ակումբի մամուլի ծառայությունը: Ստամբուլը ներկայացնող ակումբն Իտալիայի չեմպիոնին 26-ամյա ֆուտբոլիստի տրանսֆերի համար 75 միլիոն եվրո է վճարել: Կողմերը չորս տարվա պայմանագիր են համաձայնեցրել: Օսիմհենը նախորդ մրցաշրջանը վարձավճարով էր անցկացրել «Գալաթասարայում»: ...
16:51 02.08.2025
Իրանի նախագահը երկօրյա այցով մեկնել է ՊակիստանՊակիստանի վարչապետի պաշտոնական հրավերով Իրանի նախագահ Մասուդ Փեզեշքիանը երկօրյա այցով մեկնել է Պակիստան: Ինչպես հայտնում է IRNA գործակալությունը, Փեզեշքիանը հանդիպումներ կունենա Պակիստանի վարչապետի, նախագահի, ինչպես նաև Ազգային ժողովի և Սենատի ղեկավարների հետ։ Այցի ընթացքում երկու երկրի պաշտոնյաները կստորագրեն մի շարք կարևոր համագործակցության փաստաթղթեր: ...
16:46 02.08.2025
Մեծ Բրիտանիայի ԱԳՆ-ն կասկածներ է հայտնել առաջիկա տարում Ուկրաինայում հակամարտության կարգավորման վերաբերյալՈւկրաինայի հակամարտությունը մեկ տարվա ընթացքում լուծելու հավանականությունը քիչ է, սակայն կողմերը կշարունակեն բանակցել, The Guardian-ին տված հարցազրույցում ասել է Մեծ Բրիտանիայի արտաքին գործերի նախարար Դեյվիդ Լամմին։ Հարցին, թե ինչպես է Լոնդոնը տեսնում Ուկրաինայում իրավիճակի զարգացումը, Մեծ Բրիտանիայի արտաքին գործերի նախարարության ղեկավարը նշել է, որ հակամարտությունը, ամենայն հավանականությամբ, չի լուծվի առաջիկա մեկ տարվա ընթացքում։ ...
