18:22 02.06.2019
Երկու օր առաջ ձերբակալված Գյումրու քաղաքապետարանի երկու պաշտոնյաներից մեկն ազատ է արձակվել։ Նա քաղաքապետարանի անշարժ գույքի կառավարման բաժնի պետ Մանուկ Առաքելյանն է։ Այս մասին հայտնում է SHANTNEWS.am-ի թղթակիցը։ Մեր թղթակցի հետ զրույցում նրա փաստաբանը՝ Էդգար Թումասյանը, հայտնել է, որ ձերբակալման որոշումն անհիմն է եղել։
«Մենք երեկ վիճարկել ենք ձերբակալման հիմքն, ու դատարանը գտել է, որ ձերբակալումն իսկապես իրավաչափ չէ, ու Մանուկ Առաքելյանն այժմ ազատության մեջ է գտնվում»,- ասել է փաստաբանը։
Մեր թղթակցին փաստաբանը հայտնել է նաև, որ քննչական մարմինը գտնում է, որ Մանուկ Առաքելյանը, ազատության մեջ գտնվելով, կարող է քրեական գործի ընթացքին խոչընդոտի, հետևաբար Մանուկ Առաքելյանի նկատմամբ, քննիչը միջնորդել է որպես խափանման միջոց կիրառել կալանավորում։
«Քանի որ գործը կաշառքին է առնչվում, քննչական կողմը գտնում է, որ նա, ազատության մեջ գտնվելով, կարող է փաստաթղթեր կեղծի և այլն, բայց ասեմ, որ այդ բոլոր փաստաթղթերն առգրավված են, ոչինչ անել նա չի կարող, ամեն դեպքում այդ կասկածները փարատելու համար Մանուկ Առաքելյանը երեկ իր պաշտոնից ազատման դիմում է գրել, բայց քննչական մարմինը պնդել է ու կալանավորման որոշում է ներկայացրել դատարանին, մենք այս պահին դատարանում ենք, սպասում ենք այդ որոշման դատական նիստին»,- ասել է Էդգար Թումասյանը։
Մյուս ձերբակալված պաշտոնյայի՝ Սլավիկ Ղազարյանի նկատմամբ ևս որպես խափանման միջոց որոշում կկայացվի, թե ինչ որոշում դեռ հայտնի չէ, այս մասին մեր թղթակցին հայտնել է նրա փաստաբան Թամարա Յայլոյանը։
«Ես, որպես Սլավիկ Ղազարյանի պաշտպան, նոր եմ նրա գործում ներգրավվել, հետևաբար չեմ հասցրել ձերբակալման որոշումը բողոքարկել՝ գործին լիարժեք չծանոթանալով։ Այս պահին մենք սպասում ենք, թե խափանման միջոց դատարանը ինչ կընտրի, որից հետո մեր անելիքները կորոշենք։ Ասեմ, որ ես խոսել եմ Սլավիկ Ղազարյանի հետ, նա չի ընդունում իրեն առաջադրված մեղադրանքը, ասում է, որ ինքը որևէ հանցանք չի կատարել»,- SHANTNEWS.am-ի հետ զրույցում ասել է Սլավիկ Ղազարյանի փաստաբան Թամարա Յայլոյանը։
Հիշեցնենք, որ ՀՀ ազգային անվտանգության ծառայության Շիրակի մարզային վարչության աշխատակիցների ձեռք բերած հիմնավոր տեղեկությունների հիման վրա մայիսի 31-ի առավոտյան ձերբակալվել էին Գյումրիի քաղաքապետարանի 2 պաշտոնյա։
Նրանք կասկածվում են ապօրինի շինարարությունը չարձանագրելու դիմաց կաշառք վերցնելու և դրան օժանդակելու մեջ: Ձերբակալվածները քաղաքապետարանի անշարժ գույքի կառավարման բաժնի պետ Մանուկ Առաքելյանն ու նույն բաժնի առաջատար մասնագետ Սլավիկ Ղազարյանն են։
SHANTNEWS-ի թղթակցի հետ զրույցում Շիրակի մարզի դատախազ Կարեն Գաբրիելյանը հայտնեց, որ քաղաքապետարանի պաշտոնյաներ աշխատավայրից բերման են ենթարկվել մարզի դատախազություն, որից հետո ձերբակալվել են։ Նշենք, որ քաղաքապետարանի երկու պաշտոնյաները Գյումրի քաղաքի շենքերից մեկի բնակարանում ապօրինի շինարարություն են բացահայտել ու իրավախախտումը չեն արձանագրել, որի դիմաց սեփականատիրոջից ստացել են զգալի չափերի կաշառք: Քրեական գործը նախաքննություն կատարելու հանձնարարությամբ ուղարկվել է Շիրակի մարզային քննչական վարչություն:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
