19:22 03.06.2019
«Սաստեքս» գործարանի ղեկավարությունը խուսափում է Շիրակի մարզպետի հետ հանդիպումից: Այս մասին այսօր գործարանի աշխատակիցների հետ հանդիպման ժամանակ ասել է Տիգրան Պետրոսյանը: Անցած ուրբաթ գործարանի սեփականատերերը համաձայնության էին եկել, որ ցածր աշխատավարձից և պայմանագրի պայմաններից բողոքող աշխատակիցներն այսօր պետք է գնային աշխատանքի, բայց առավոտյան նրանց առաջ գործարանի դռները կրկին փակ են եղել և հայտնել են, որ աշխատանքը կկարողանան շարունակել միայն հինգշաբթի՝ պայմանագրերի վերանայումից հետո։
«Սաստեքսի» բանվորուհիներն էլ որոշել էին մարզպետ Տիգրան Պետրոսյանի հետ հանդիպման գալ։
Շիրակի մարզպետն ասել է, որ իրական պատկերը հասկանալու համար այսօր նախատեսված էր նաև սեփականատերերի հետ հանդիպում, որը վերջիններս չեղարկել են։
«Այսօր նախատեսված էր նրանց ներկայացուցչի հետ հանդիպում, բայց զանգեցին, ասացին, որ հանդիպումը չի կայանա: Անկեղծ կուզենամ, շատ կուզենամ տեսնել տնտեսվարողին, որովհետև խուսափողական մոտեցում է՝ այսօր, վաղը գալիս ենք: Դա մեզ համար էլ հասկանալի չէ և նշանակում է, որ խնդիրը շատ ավելի խորն է»,- ասել է Շիրակի մարզպետ Տիգրան Պետրոսյանը:
«Սաստեքսի» ղեկավարությունը նոր որոշում է ընդունել, որը վերաբերում է աշխատանքային պայմանագրերի վերանայմանը: Ներկայիս պայմանագրերի բովանդակությունից, ըստ աշխատակիցների, իրենք տեղյակ չեն: Իսկ աշխատանքի ընթացքում նրանց վճարվել է նվազագույն աշխատավարձից ցածր, արձակուրդից օգտվելու հնարավորություն չեն ունեցել: Ըստ աշխատակիցների՝ ոտնահարվել են իրենց իրավունքները:
Շիրակի մարզպետը նշել է, որ կաջակցի աշխատակիցներին դատական կարգով գործատուի հետ հարաբերությունները պարզելու հարցում, եթե գործը դրան հասնի։
«Որևէ կերպ միջամտել, գործարանը փակել շատ հեշտ է: Մեկ, երկու գործողությունով կարող ենք, բայց մեզ պետք է ոչ թե փակել,այլ ունենալ արժանապատիվ աշխատատեղեր, մարդկանց աշխատանքի հնարավորություն և գործարար, որը պետք է ստանա շահույթ, այսինքն` մենք պետք է գտնենք ոսկե միջինը թե´ աշխատողների, թե´ տնտեսվարողի համար: Մեր խնդիրն է օր առաջ գտնել կոնսենսուսային լուծում մեր ժողովրդի շահերը պաշտպանելով: Եթե չենք ունենա այդ կոնսենսուսը, կգնանք իրավական ճանապարհով»,- ասել է Տիգրան Պետրոսյանը:
Գործարանի ղեկավարությունը խոստացել է պայմանագրերը վերանայել և բանվորներին նորից աշխատանքի կանչել հինգշաբթի օրը:
14:00 18.06.2025
Հունիսի 19-ին կդադարեցվի Արմավիրի և Սյունիքի մարզերի մի շարք հասցեների գազամատակարարումը«Գազպրոմ Արմենիա» ընկերությունից տեղեկացնում են, որ պլանային աշխատանքներ (Էջմիածնի ԳԲԿ-ի կապիտալ նորոգում) իրականացնելու նպատակով հունիսի 19-ին ժամը 09։00-ից մինչև հունիսի 20-ը ժամը 21։00-ն կդադարեցվի Արմավիրի մարզի Էջմիածին քաղաքի, Գրիբոյեդով, Ակնաշեն, Գայ, Լուսագյուղ, Ջրառատ, Ջրարբի, Ապագա, Պտղունք, Մուսալեռ, Մերձավան, Այգեկ, Բաղրամյան, Նորակերտ, Արևաշատ, Ոսկեհատ, Արտիմետ, Ծաղկունք, Ծիածան, Հովտամեջ, Մրգաստան, Շահումյան, Դաշտ, Այգեշատ, Ամբերդ, Դողս, Աղավնատուն, Արագած, […] ...
13:53 18.06.2025
Իրանը հայտարարել է, որ միջուկային օբյեկտները շարունակում են աշխատանքըԻրանի միջուկային օբյեկտները գործում են բնականոն ռեժիմով։ Այս մասին հայտարարել է Իրանի ատոմային էներգիայի կազմակերպության (ԱԷՕԻ) ղեկավար Մոհամմադ Էսլամին։ «Միջուկային օբյեկտներում պայմանները լավն են։ Մեր գործընկերների մարտական ոգին միջուկային օբյեկտներում գերազանց է, և նրանք աշխատում են եռանդուն», – նրա խոսքերն է մեջբերում Fars լրատվական գործակալությունը։ ...
13:45 18.06.2025
Հանուն խաղաղության․ Ռոնալդուն մարզաշապիկ է նվիրել ԱՄՆ նախագահ Դոնալդ ԹրամփինՊորտուգալիայի հավաքականի ավագ Կրիշտիանու Ռոնալդուն իր ստորագրությամբ մարզաշապիկ է նվիրել ԱՄՆ նախագահ Դոնալդ Թրամփին։ Պորտուգալիայի ազգային հավաքականի մարզաշապիկը Թրամփին է փոխանցել Եվրոպական խորհրդի նախագահ և Պորտուգալիայի նախկին վարչապետ Անտոնիու Կոշտան։ Շապիկի վրա, բացի Ռոնալդուի ստորագրությունից, գրված է. «Նախագահ Դոնալդ Թրամփին՝ հանուն խաղաղության»։ Թրամփի խորհրդականը սոցիալական ցանցում հաստատել է տեղեկությունը՝ նշելով, որ ԱՄՆ նախագահը ստացել է […] ...
13:41 18.06.2025
ԱԺ-ն շարունակել է ՀՀ 2024 թ. պետական բյուջեի կատարման մասին տարեկան հաշվետվության քննարկումըԱզգային ժողովը հունիսի 18-ին շարունակել է ՀՀ 2024 թվականի պետական բյուջեի կատարման մասին տարեկան հաշվետվության քննարկումը, որը սկսվել էր նախորդ օրը: Հաշվետվության վերաբերյալ հարակից զեկույց է ունեցել Հաշվեքննիչ պալատի նախագահ Ատոմ Ջանջուղազյանը: «ՀՀ 2024 թվականի պետական բյուջեի կատարման հաշվետվությունը բոլոր էական առումներով տալիս է ճշմարիտ եւ իրական պատկերը՝ կիրառելի հիմունքների համաձայն: Եվ ըստ այդմ՝ Հաշվեքննիչ […] ...
13:35 18.06.2025
ՀՀ ՏԿԵ նախարարն ու ԱՄՀ-ի հայաստանյան առաքելության ղեկավարը քննարկել են էներգետիկ և հանքարդյունաբերության ոլորտին վերաբերող մի շարք հարցերՀՀ ՏԿԵ նախարար Դավիթ Խուդաթյանն այսօր ընդունել է Արժույթի միջազգային հիմնադրամի (ԱՄՀ) հայաստանյան առաքելության նորանշանակ ղեկավար Ալեքսանդր Թիմանի գլխավորած պատվիրակությանը։ Այս մասին հայտնել են ՏԿԵ նախարարությունից: Նախարարը շնորհավորել է պարոն Թիմանին պաշտոնը ստանձնելու առիթով և կարևորել ԱՄՀ-ի հետ արդյունավետ համագործակցությունը։ Քննարկվել են էներգետիկ և հանքարդյունաբերության ոլորտին վերաբերող մի շարք հարցեր։ ...
13:27 18.06.2025
Կարծում եմ՝ հասունացել է պահը, երբ Հայաստանի էլեկտրական ցանցեր ՓԲԸ-ն պետք է ազգայնացվի. վարչապետԿարծում եմ՝ հասունացել է պահը, երբ Հայաստանի էլեկտրական ցանցեր ՓԲԸ-ն պետք է ազգայնացվի (պետականացվի)։ Այս մասին ֆեյսբուքյան իր էջում գրառում է կատարել վարչապետ Նիկոլ Փաշինյանը: «Դա տեղի կունենա արագ, և իմ հանձնարականն է ՀԷՑ-ի բոլոր աշխատակիցներին՝ բարեխղճորեն կատարել իրենց աշխատանքային պարտականությունները։ Ազգայնացումից (պետականացումից) հետո բարեխղճությունը հաշվի կառնվի»,-գրել է վարչապետը: ...
