20:00 07.06.2019
Այսօր` հունիսի 7-ին, հանրապետության դիմորդները միասնական քննություն են հանձնել հայոց լեզվից։ Գյումրիի 3 քննական կենտրոններում միասնական քննությանը մասնակցել է 486 դիմորդ: Այլ առարկաների համեմատ հայոց լեզվից քննություն հանձնողների թիվն ամենաշատն է: Սա այն քննական առարկան է, որը պարտադիր է տարբեր բուհերի տարբեր բաժիններ ընդունվելու համար:
Գյումրիի թիվ 21 Օյունջյան դպրոցը քննական կենտրոններից մեկն է, որտեղ հայոց լեզվից միասնական քննություն հանձնողների թիվը 161-ն է: Այս թվից մի քիչ ավելի կամ պակաս էլ մյուս երկու քննական կենտրոնների դիմորդների թիվն էր: Մայրենի լեզվից ու գրականությունից միասնական քննության միավորը որոշիչ է տարբեր բուհերի շատ բաժիններ ընդունվողների համար: Իսկ այն, որ սա բուհական քննություն է, միայն դա չէր դիմորդների լարվածության պատճառը: Շտեմարանային առաջադրանքները որոշակի փոփոխություններով են տեղ գտել քննական հարցաշարերում:
Հանրապետության տարբեր բուհերում դիմելու և հայտում մինչև 10 բաժին նշելու հնարավորությունը, ըստ էության, նաև առավելություն է դառնում դիմորդի համար, պարզապես որոշ դիմորդներ կարող են բավարարվել ընդամենը անցողիկ շեմը հաղթահարելով, իսկ շատերի համար գերխնդիրն առավելագույն միավորներ վաստակելն է: Սա հիմնականում այն դիմորդների դեպքում է, որոնք ընտրել են բանասիրության, պատմության ու էլի մի քանի մասնագիտություններ:
Հանրապետության բուհերի շատ բաժիններում մրցույթներ սպասվում են: Սա բուհերը կանխատեսում են` հաշվի առնելով այս տարվա շրջանավարտների թիվը:
Եվ բուհական քննությունների ընթացքի վերջին տարիներին ներմուծված ու անփոփոխ երևույթի մասին` միասնական քննություն հանձնող իրենց երեխաներին ծնողներն ու մտահոգ հարազատները հետևում են մեծ էկրանից` անկախ նրանից, թե ինչքան ու ինչ չափով կարելի է հասկանալ ներսում քննություն հանձնողի հոգեվիճակը: Բայց ամեն ինչի վերջում քննության արդյունքներն են կարևոր դառնում: 5 օրից Գնահատման և թեստավորման կենտրոնը կհրապարակի վաստակած միավորները, իսկ դրանից առաջ ու քննությունից ժամեր անց արդեն կենտրոնի պաշտոնական կայքի միջոցով հարցաշարերի ճիշտ ու սխալ պատասխանները դիմորդները կարող են գտնել ու համեմատել:
15:30 02.08.2025
Վաչե Հովակիմյանը լրացրել է իր առաջին միջազգային վարպետի նորմանՖԻԴԵ-ի վարպետ Վաչե Հովակիմյանը Սերբիայում անցկացված RUDAR XL-IM ROUND ROBIN շախմատի մրցաշարում լրացրել է իր առաջին միջազգային վարպետի նորման։ Այս մասին հայտնում է Հայաստանի շախմատի ֆեդերացիան: Վաչեն 9 հնարավորից վաստակել է 7 միավոր, գրավել առաջին տեղն ու 41 կետով բարելավել իր միջազգային վարկանիշը: ...
15:16 02.08.2025
Արդյո՞ք տուրիզմը կարող է դառնալ Հայաստանի տնտեսության շոգեքարշերից մեկը. Հեռանկար բանավեճՄասնագետները համարում են, որ տուրիզմի ոլորտը կարող է դառնալ Հայաստանի տնտեսության շոգեքարշերից մեկը։ Ի՞նչ է արվում, որ դա իրականություն դառնա։ Արդյո՞ք մեր երկիրն ի վիճակի է տարեկան 3 միլիոն զբոսաշրջիկ գրավել։ Եղած ենթակառուցվածքը թույլ կտա՞ ապահովել մատուցվող ծառայությունների այն որակը, որի դեպքում զբոսաշրջիկները Հայաստանում տարեկան 3 մլրդ դոլար կթողնեն։ Այս թեմաների մասին իրենց կարծիքն են […] ...
14:51 02.08.2025
Հաստատվել է ԱԱ-2026 խմբային փուլի վիճակահանության օրն ու վայրըՖուտբոլի աշխարհի 2026 թ. առաջնության խմբային փուլի վիճակահանությունը կկայանա 2025 թ. դեկտեմբերի 5-ին։ Այս մասին գրում է ESPN-ը։ Վիճակահանությունը տեղի կուեննա ԱՄՆ-ի Լաս Վեգաս քաղաքում։ Ամենայն հավանականությամբ այն կանցկացվի 17 հազար հանդիսական տեղավորող հանրահայտ «Սֆեր» օվալաձև շենքի դահլիճում։ Վիճակահանության ընթացքում կձևավորվի խմբերի նախնական տեսքը, քանի որ այդ պահին դեռ հայտնի չեն լինի մրցաշարի բոլոր մասնակիցները։ […] ...
14:34 02.08.2025
ՆԳՆ աշխատակիցները կատարելագործում են պետական գնումներում մասնագիտական կարողություններն ու հմտություններըՀուլիսի 16-ին ՆԳ նախարարության գլխավոր քարտուղարի տեղակալ Խաչատուր Իգիթյանը հանդիպել է գնման գործընթացում ներգրավված ՆԳՆ պատասխանատու ստորաբաժանումների ներկայացուցիչների հետ։ Քննարկվել են ընթացիկ գործընթացների արդյունավետության բարձրացմանն ուղղված հարցեր, վերհանվել ոլորտին վերաբերելի խնդիրները, ներառյալ՝ պետական գնումների գործընթացում ՆԳՆ տարբեր ստորաբաժանումների ծառայողների կարողությունների զարգացման հնարավորությունները։ Մասնակիցները կիսվել են կարծիքներով ու մտահոգություններով, արել առաջարկություններ, որոնք կդիտարկվեն հետագա աշխատանքներն իրականացնելիս։ […] ...
14:17 02.08.2025
Առաջիկա օրերի եղանակային կանխատեսումըՀանրապետության տարածքում օգոստոսի 2-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Օգոստոսի 3-7-ին սպասվում է առանց տեղումների եղանակ։ Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։ Օգոստոսի 2-7-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես […] ...
