22:42 07.06.2019
Թերեզա Մեյը պաշտոնապես վայր է դրել Մեծ Բրիտանիայի Պահպանողական կուսակցության ղեկավարի լրազորությունները: Նա այդ մասին հայտնել է համապատասխան խորհրդարանական կոմիտեին: Կոմիտեն իր հերթին հայտարարել է թեկնածուների առաջադրման մասին: Թեկնածություններն ընդունվելու են երկուշաբթի՝ Գրինվիչի ժամանակով ժամը 17-ից: Հրաժարականը ենթադրում է նաև հեռացում վարչապետի պաշտոնից, սակայն Մեյը կշարունակի կատարել վարչապետի պարտականությունները մինչև կուսակցության նոր լիդերի, հետևաբար՝ նոր վարչապետի ընտրությունը:
Brexit-ը փորձաքար դարձավ Թերեզա Մեյի համար: Սկսած գործընթացը նա այդպես էլ չկարողացավ հասցնել ավարտին: Մեկը մյուսի հետևից մերժվեցին այն փաստաթղթերը, որոնք ԵՄ-ից Մեծ Բրիտանիայի անջատման, այսպես ասած, փափուկ մեխանիզմներ էին ապահովելու: Վարչապետի հրաժարականը պահանջող կոչեր հնչեցին: Մեյը ինքը խոստացավ հրաժարական տալ, եթե ընդունեն փաստաթուղթը: Նրա առաջարկած փաստաթղթերը մերժվեցին, ինքն էլ ստիպված հայտարարեց, որ հեռանում է: Այդ մասին նա առաջին անգամ պաշտոնապես հայտարարեց մայիսի 24-ին՝ հազիվ զսպելով արցունքները:
«Ես արել եմ ինձնից կախված ամեն ինչ, որ պատգամավորներին համոզեմ՝ աջակցել այդ գործարքը: Ցավոք, ես չհասցրի»,- ասել է Թերեզա Մեյը:
Հենց այդ օրը նա հայտարարեց՝ հունիսի 7-ին, այսինքն՝ այսօր հեռանալու մասին:
Նա դեռ կկատարի իր պարտականությունները վարչապետի պաշտոնում, քանի դեռ ղեկավարող Պահպանողական կուսակցությունը նոր առաջնորդ չի ընտրել: Հավակնորդներն այս պահին 7-ն են, ըստ հարցումների, ցուցակը գլխավորում է Լոնդոնի նախկին քաղաքապետ, Մեծ Բրիտանիայի նախկին արտգործնախարար 54-ամյա Բորիս Ջոնսոնը, որը ժամանակին առաջնորդում էր Եվրամիությունից դուրս գալու արշավը: Ջոնսոնը հայտարարել է, որ փաստաթղթով, կամ առանց դրա Մեծ Բրիտանիան կհեռանա ԵՄ -ից:
Վարչապետի մյուս թեկնածուն Մեյի կաբինետում Brexit-ի հարցով նախկին նախարար, 45-ամյա Դոմինիկ Ռաաբն է, որն այդ պաշտոնը զբաղեցնելուց հինգ ամիս անց հրաժարական ներկայացրեց Մեյի հետ գաղափարական հակասությունների պատճառով:
Գործարքով կամ առանց գործարքի ԵՄ-ից հեռանալու մասին էր հայտարարել նաև Համայնքների պալատի նախկին առաջնորդ Անդրեա Լիդսոմը, որը ևս վարչապետի պաշտոնի հավակնորդ է: Ավելի վաղ Պահպանողական կուսակցությունը գլխավորելու ցանկություն էին հայտնել առողջապահության և սոցիալական ապահովության հարցերով նախարար Մեթ Հենկոկը, ԱԳ նախկին նախարար Բորիս Ջոնսոնը, միջազգային զարգացման հարցերով նախարար Ռորի Ստյուարտը, աշխատանքի և կենսաթոշակների հարցերով նախկին նախարար Էսթեր Մակվին, խորհրդարանական Գրեմ Բրեյդին:
Պահպանողական կուսակցության նոր առաջնորդի, հետևաբար նոր վարչապետի ընտրության գործընթացը կսկսվի երկուշաբթի, երբ թեկնածուները պաշտոնապես առաջադրվեն: Գործընթացը կտևի մոտ 6 շաբաթ: Բրիտանական լրատվամիջոցները չեն բացառում, որ կառավարության նոր ղեկավարի անունն անակնկալ լինի:
19:27 30.04.2025
«Care for children» կազմակերպության և ՀՀ-ում դիվանագիտական ներկայացուցիչների մասնակցությամբ տեղի է ունեցել կլոր սեղան քննարկումԽնամատարության ինստիտուտի զարգացման ու կայացման հեռանկարի վերաբերյալ համաժողովի շրջանակում՝ Աշխատանքի և սոցիալական հարցերի նախարարության նախաձեռնությամբ տեղի է ունեցել հարակից կլոր սեղան քննարկում՝ «Care for children» կազմակերպության և ՀՀ-ում գործունեություն իրականացնող դիվանագիտական ներկայացուցիչների մասնակցությամբ։ Հանդիպման շրջանակում դեսպաններին ներկայացվել է պետության խնամքին ապրող երեխաների համար որպես խնամքի այլընտրանքային ինստիտուտի՝ խնամատարության վերաբերյալ ՀՀ-ում այս պահին առկա պատկերը, ոլորտային […] ...
19:17 30.04.2025
Վահրամ Դումանյանը նշանակվել է վարչապետի խորհրդականՎարչապետ Նիկոլ Փաշինյանը որոշում է ստորագրել, ըստ որի՝ Վահրամ Դումանյանը նշանակվել է վարչապետի խորհրդական: «Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով՝ Վահրամ Դումանյանին նշանակել վարչապետի խորհրդական»,- ասվում է որոշման մեջ։ ...
19:07 30.04.2025
«Բարսելոնան» հավանաբար այս պահին աշխարհի լավագույն թիմն է․ ԻնձագիՄիլանի «Ինտերի» գլխավոր մարզիչ Սիմոնե Ինձագին Չեմպիոնների լիգայի կիսաեզրափակչի՝ «Բարսելոնայի» դեմ առաջին հանդիպումից առաջ կիսվել է իր սպասելիքներով։ ««Բարսելոնան» հավանաբար այս պահին աշխարհի լավագույն թիմն է։ Ֆլիկի գլխավորությամբ ակումբը հիանալի կազմակերպված հարձակողական ֆուտբոլ է ցուցադրում»,- նշել է Ինձագին մամուլի ասուլիսում։ «Բարսելոնա» – «Ինտեր» հանդիպումը կկայանա այսօր երեկոյան։ ...
18:58 30.04.2025
ԲՏԱ նախարարի տեղակալը Շվեդիայի Թագավորությունում հանդիպում է ունեցել ոլորտի մի շարք ներկայացուցիչների հետՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանն ապրիլի 22-24-ը աշխատանքային այցով գտնվել է Շվեդիայի Թագավորությունում (Ստոկհոլմ)՝ մասնակցելու Շվեդիայում ՀՀ դեսպանության և Շվեդիայի ԱԳՆ կողմից կազմակերպված «Գործարար համաժողով Հայաստանի վերաբերյալ» (Business Seminar on Armenia) թեմայով միջոցառմանը, որին մասնակցել են շվեդական գործարար և պետական ոլորտի ավելի քան 50 ներկայացուցիչ։ Միջոցառմանը նախարարի տեղակալը ներկայացրել է Հայաստանի բարձր […] ...
18:49 30.04.2025
Վարչապետի գլխավորությամբ քննարկվել է Փրկարար ծառայության զարգացման հայեցակարգըՎարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Փրկարար ծառայության զարգացման հայեցակարգը: Ներքին գործերի նախարար Արփինե Սարգսյանը նշել է, որ Փրկարար ծառայության զարգացման տեսլականը կարևոր է ՆԳՆ բարեփոխումների շղթայի ամբողջականացման շրջանակում և ներկայացրել հայեցակարգում բարձրացված խնդիրների լուծումները: Մասնավորապես, ներկայացվել են մանրամասներ ՆԳՆ կողմից ոլորտային քաղաքականության մշակման, ոլորտում վարվող քաղաքականության մոնիթորինգի, արտադրական […] ...
18:36 30.04.2025
Կհամաֆինանսավորվի 27 սուբվենցիոն ծրագիր. գործադիրի որոշումներըԿառավարությունը 3 լավարկում է առաջարկում ընդհանուր հայտարարագրման գործընթացում սոցծախսերի փոխհատուցման մասով, կհամաֆինանսավորվի սուբվենցիոն ևս 27 ծրագիր, Հայաստանը կունենա նոր դեսպանատուն Օմանի Սուլթանությունում, առաջիկայում նաև՝ Հունգարիայում: Որոշումները կայացվել են Կառավարության այսօրվա նիստում: Մանրամասները՝ ռեպորտաժում: ...
