19:59 12.06.2019
Գյումրու փողոցաշինությունը սահմանված վերջնաժամկետում չի ավարտվի: Այս մասին այսօր Գյումրու քաղաքապետ Սամվել Բալասանյանը հայտարարել է ավագանու հերթական նիստում: Այս տարի սեպտեմբերի 21-ին Անկախության օրվա հիմնական միջոցառումներն անցկացվելու են Գյումրիում: Մինչև սեպտեմբերի 21-ը քիչ թե շատ բարեկարգ փողոցներ ունենալ, սա է նաև Գյումրիի փողոցաշինական ծրագրի առաջին փուլի գերնպատակը: 12 փողոցի ու 2 հրապարակի վերանորոգման վերջնաժամկետը հունիսի 30-ն է: Հիմա ոչ միայն լրագրողների, այլև պատվիրատուի մոտ կասկած չի հարուցում, որ ժամկետներում չեն հասցնի:
«Չեն հասցնի, դա միանշանակ է, ոչ մի փողոց: Բայց մայթերը կհասցնեն, հարթեցման շերտը կդնեն, կմնան միայն ասֆալտապատման աշխատանքները, որոնք երևի մեկ ամիս կձգձգվեն: Հայտարարում եմ մի բան, որի իրավունքը չունեմ, բայց հաստատ չեն հասցնի: 2 շինկազմակերպություն կա, որ բավականին վատ են աշխատում և տարբեր արգումենտներ են բերում, թե ֆինանսավորումը չկա, նախագիծն է սխալ: Միայն մի բան է հասկանալի, որ, այո, չեն ավարտի, բայց երբ կավարտեն, ես չեմ կարող ասել»,- ասել է Գյումրու քաղաքապետ Սամվել Բալասանյանը:
Դեռ կիսաքանդ փողոցներում ու բակերում տեսախցիկներ են տեղադրվելու: Քաղաքի բյուջեից 8 մլն 300 հազար դրամ է հատկացվելու: Այս հարցի շուրջ ավագանին թեժ քննարկման անցավ: Տեսախցիկները տեղադրվելու են բնակարանային գողությունները կանխելու համար: «Գալա» և «Հայկական վերածնունդ» խմբակցությունները դա համարում են ոստիկանության խնդիրը, հետևաբար, ըստ նրանց, տեսախցիկների համար ոստիկանությունը պետք է վճարի:
Տեսախցիկների համար գումար հատկացնելուն դեմ քվեարկեցին ավագանու 9 անդամներ, բայց հարցն ընդունվեց «Բալասանյան» դաշինքի 15 անդամների կողմ ձայներով: Միևնույն ժամանակ, ավագանին համաձայնեց ՝ ուղերձով դիմել ոստիկանությանը և պահանջել գծանշումների, անվտանգության և լուսացույցների սպասարկման ծախսերը քաղաքային իշխանության պարտավորություններից դուրս բերել:
08:30 02.08.2025
ՃՏՊ Վաղարշապատ-Երևան ավտոճանապարհին․ կա տուժածՕգոստոսի 2-ին, ժամը 05։20-ին Ճգնաժամային կառավարման ազգային կենտրոն ահազանգ է ստացվել, որ Երևան-էջմիածին ավտոճանապարհին՝ Զվարթնոց թաղամասի խաչմերուկի մոտակայքում, տեղի է ունեցել ՃՏՊ․ կա արգելափակված քաղաքացի։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Վաղարշապատ-Երևան ավտոճանապարհի 5-րդ կմ-ին «VAZ» մակնիշի ավտոմեքենան բախվել է կայանած «ZIL» մակնիշի բեռնատարին․ […] ...
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
