00:00 15.06.2019
Գյումրու «Վան» ռեստորանի նախկին հանգստյան գոտու տարածքն անվտանգ չէ հենց բնակիչների համար: Տների կողքին գտնվող էլեկտրաենթակայանն իր մալուխային ցանցով խիստ գերլարման գոտի է ստեղծել տարածքում: Ու այդ ենթակայանից հոսանք է ստանում 12 ընտանիք։ Այս մասին հայտնում է SHANTNEWS.am-ի թղթակիցը։
Մալուխները բաց կցոններով են, իսկ մեծ հզորության ենթակայանը խիստ վթարային է ու ճահճային հատվածում։ Հոսանքահարման դեպքեր, բնակիչների խոսքերով, ինչքան ասես՝ լինում են: Խնդիրը մի քանի ամսվա չէ, տարիներով էլեկտրական մալուխների նորացում չի եղել, իսկ տարածքի գերխոնավեցման հետևանքով ենթակայանը դարձել է վթարային:
Նախկին հանգստյան գոտու տարածքը երկրաշարժից հետո է բնակեցվել: Տասնյակ տնակներ են տեղադրվել անթույլատրելի գոտում՝ ենթակայանի հարևանությամբ: Հետո տնակները դարձել են քարաշեն տներ: Խոնավ ու ճահճացած տարածքում կառուցված տները սնվում են հենց այդ վթարային ենթակայանից։
Խոնավ տարածքում ու վթարային ենթակայանի տանիքին արդեն ծառեր են աճել ու այնքան փարթամացել, որ բաց տանիքից ու առանձնացված պատերից են ճյուղերը դուրս եկել: Վթարային պատերին ամրացված են հաշվիչներ ու ապահովիչներ, որտեղ ամեն ամիս ու մի քանի անգամ տեսուչն է մտնում, հոսանքի տատանումները, դրա հետևանքով անջատումներն են շատ: Կցոններով ու բաց մալուխները դուրս են գալիս դեպի էլեկտրական հաշվիչներ ու նույն կերպ հասնում սպառողին: Ենթակայանին ամենամոտը Մարգարյանների տունն է, թեև խնդիրը միայն այս ընտանիքին չի առնչվում, բայց ստացվեց, որ խիստ մտահոգվածը միայն նրանք էին:
60-ականներին, երբ հանգստյան գոտին է ստեղծվել, նաև ենթակայանն է կառուցվել: Շահագործվել է անվնաս, հավանաբար, մինչև 90 -ականները , որից հետո հանգստյան գոտին չի գործել: Հետո ենթակայանի վիճակն ու անվտանգ շահագործումը ոչ մեկին չի հետաքրքրել: Հայաստանի էլցանցեր ընկերոթյան Ղարս մասնաճյուղի ճարտարագետն ասում է, որ ենթակայանը իրենց հաշվեկշռում չէ, բայց ոչ անվտանգ ենթակայանին հոսանք տալիս են իրենք:
Ստացվում է՝ էլցանցը միայն էներգիա մատակարարելու տերն է եղել, իսկ ենթակայանը թողնվել է առանց վերանորոգման: Նախկին հանգստյան գոտու շենքը հիմա այլ է մշակութային նշանակության է լինելու, հանձնված է ժողգործիքների նվագախմբին, բայց դարձյալ անորոշ է վտանգավոր ենթակայանի հետագա շահագործման հարցը:
Բնակիչների բողոքը մեզ, մեր հարցումներն էլ էլցանցին, օգնեցին , որ պատասխանատուները վիճակին ծանոթանան, որի մասին ահազանգ մի քանի անգամ տարածքի ապրողներն ուղղել էին էլցանցին:
Վթարային ենթակայանի վերանորոգում գլխավոր ճարտարագետը շեշտում է՝ հաստատ չի լինի, նորը կառուցելն էլ դեռ առաջարկելու են, հույս ունեն, որ ներդրումային ծրագրում տեղ կգտնի:
Հիմա 25 էլեկտրական հաշվիչ կա, բայց գործող է 12-ը: Այսինքն՝ այդքան տուն է էներգասնուցում ստանում ենթակայանից: Մնացած մալուխները բաց ու խճճված վիճակում են մնում: Առաջանահերթ անվտանգության հարցն են լուծելու, որը տարիներով ուշադրությունից դուրս է մնացել: Վնասված մալուխները կփոխվեն, իսկ հաշվիչները դուրս կբերվեն վտանգավոր ենթակայանից: Այս աշխատանքների մեկնարկին բնակիչներն այս անգամ երկար չեն սպասելու:
16:08 09.06.2025
Բարձր տեխնոլոգիական արդյունաբերության նախարարությանը 2024 թ. պետական բյուջեով հատկացված է եղել 18,4 մլրդ դրամ. Մխիթար ՀայրապետյանՀՀ բարձր տեխնոլոգիական արդյունաբերության նախարարությանը 2024 թվականին պետական բյուջեով հատկացված է եղել 18,4 մլրդ դրամ, կատարողականը եղել է 77,1 տոկոս: Հաշվետու տարում Բարձր տեխնոլոգիական արդյունաբերության էկոհամակարգի եւ շուկայի զարգացման ծրագրին հատկացվել է 5 մլրդ դրամ, որի դիմաց տարեկան ճշտված բյուջեն կազմել է 11,6 մլրդ դրամ, իսկ կատարողականը կազմել է 85,6 տոկոս: Այս մասին հունիսի 9-ին […] ...
16:00 09.06.2025
Փայտածուխի արտադրամասերի գործունեության հետևանքով մթնոլորտային օդի վրա վնասակար ազդեցության վերաբերյալ քննարկում ԲԸՏՄ-ումԲնապահպանության և ընդերքի տեսչական մարմնի ղեկավարի տեղակալ Վ.Գալոյանը խորհրդակցություն է անցկացրել Շրջակա միջավայրի նախարարության, Քաղաքաշինության, տեխնիկական և հրդեհային անվտանգության տեսչական մարմնի, ՆԳՆ փրկարար ծառայության ներկայացուցիչների հետ։ Քննարկման առանցքում է եղել անտառամերձ, բնակավայրերի և մայրուղիների հարակից տարածքներում փայտածուխի արտադրամասերում գործունեության կազմակերպման ընթացքում մթնոլորտ արտանետումներն ու առաջացող խնդիրները։ Ընդգծվել է, որ հատկապես անտառային հրդեհների կանխարգելման, բնակավայրերում մեծ […] ...
15:54 09.06.2025
«Հայփոստ» ՓԲԸ Կոտայքի մարզային ցանցի ղեկավարը մեղադրվում է խոշոր չափերով հափշտակության մեջ. Հակակոռուպցիոն կոմիտեՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ «Հայփոստ» ՓԲ ընկերության Կոտայքի մարզային ցանցի ղեկավարը 2024 թվականի հոկտեմբերի 18-ից 2025 թվականի փետրվարի 24-ն ընկած ժամանակահատվածում, իրեն վերապահված լիազորությունները և դրանցով պայմանավորված ազդեցությունն ի վնաս այդ կազմակերպության շահերի օգտագործելով, չարաշահել է ընկերության՝ իրեն ենթակա մի շարք փոստային բաժանմունքների աշխատակիցների վստահությունը՝ կատարելով խոշոր չափերով […] ...
15:45 09.06.2025
Ավտոմեքենայի հայելիներ գողացած երիտասարդը ձերբակալվել էՆԳՆ ոստիկանության օպերատիվ կառավարման կենտրոն քաղաքացուց հաղորդում էր ստացվել, որ գողացել են Երևանի Փարպեցու փողոցի բակում կայանված իրեն պատկանող «Շեվրոլե» մակնիշի մեքենայի կողային հայելիների ապակիները և հովացման համակարգի երեսպատվածքի ցանցը։ ՆԳՆ ոստիկանության կենտրոնական բաժնի ծառայողները, իրացնելով ստացված օպերատիվ տվյալները, պարզել են, որ նշված արարքը կատարել է Սիլիկյան թաղամասի 30-ամյա մի բնակիչ։ Հունիսի 5-ին 30-ամյա տղամարդը […] ...
15:34 09.06.2025
Հունիսի 2-8-ի ագրոօդերևութաբանական տեղեկատվությունը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է հունիսի 2-8-ի ագրոօդերևութաբանական տեղեկատվությունը: Շաբաթվա ընթացքում եղանակային պայմանները նպաստավոր են եղել մշակաբույսերի աճի և զարգացման համար։ Հացահատիկային մշակաբույսերը լեռնային շրջաններում շարունակվել են գտնվել ծեղացողունի ներքին հանգույցների առաջացման, նախալեռներում՝ հասկակալման փուլերում, հովտային շրջաններում այն դեռ գտնվել է կաթնային հասունացման փուլում։ Հովտային շրջաններում շարունակվել է պտղատուների պտուղների հասունացումը, առաջացել են […] ...
15:25 09.06.2025
Ճանաչողական այցով Հայաստանում է Հնդկաստանի ազգային պաշտպանական քոլեջի պատվիրակությունըՀունիսի 9-13-ը ճանաչողական այցով Հայաստանի Հանրապետությունում է գտնվելու Հնդկաստանի ազգային պաշտպանական քոլեջի պատվիրակությունը՝ գեներալ-մայոր Սամարթ Նագարի գլխավորությամբ: Հունիսի 9-ին ՊՆ վարչական համալիրում պատվիրակությանն ընդունել է ՀՀ պաշտպանության նախարարի առաջին տեղակալ, ԶՈՒ գլխավոր շտաբի պետ, գեներալ-լեյտենանտ Էդվարդ Ասրյանը: ԶՈՒ ԳՇ պետ Էդվարդ Ասրյանը քոլեջի պատվիրակությանը ներկայացրել է ՀՀ զինված ուժերում ընթացող բարեփոխումները: Հանդիպման ընթացքում քննարկվել են […] ...
