17:37 17.06.2019
Վրաստանում արդեն երկրորդ անգամ ձերբակալվել է քաղաքական դրդապատճառներով այնտեղ բնակվող ադրբեջանցի ակտիվիստ, հասարակական գործիչ։ Այս անգամ ադրբեջանցիները որոշել են հետևել օրենքի տառին և հերթական ակտիվիստին ուղղակի առևանգելու փոխարեն Վրաստանի ոստիկանությանը դրդել են ձերբակալել նրան ու փոխանցել իրենց։
Խոսքը այս անգամ հասարակական գործիչ Ավթանդիլ Մահմեդովի մասին է։ Նա 2017 թվականից ընտանիքով բնակվում էր Վրաստանում ու այնտեղ քաղաքական ապաստան էր հայցել տեղի իշխանություններից։ Այսօր, սակայն, վրացական իրավապահները ձերբակալել են նրան։ Հարազատներին տեղեկացրել են, որ ձերբակալվածին հանձնելու են Ադրբեջանի իշխանություններին։
Մահմեդովի մտերիմները արդեն մեծ աղմուկ են բարձրացրել՝ տարբեր լեզուներով տարածելով նրա ձերբակալման մասին լուրը։ Դրանից հետո՝ քիչ առաջ, Վրաստանի իրավապահները տեղեկացրել են, որ Մահմեդովը Ադրբեջանի իշխանությունների կողմից Ինտերպոլի միջոցով հետախուզվում էր խարդախության համար։ Իրավապահները պնդում են, որ Վրաստանի իշխանությունները մերժել էին քաղաքական ապաստանի տրամադրումը։
Սա, հիշեցնենք, երկրորդ դեպքն է, երբ Վրաստանից Ադրբեջան է տեղափոխվում Բաքվի իշխանությունների համար անընդունելի գործիչ։ Նախորդ անգամ, սակայն, այդ ամենը կատարվել էր ավելի ցինիկ ձևով։ Խոսքը ընդդիմադիր գործիչ Աֆղան Մուխթարլիի առևանգման մասին է։ Ադրբեջանական իշխանության ներկայացուցիչները հենց Վրաստանում, առանց տեղական իրավապահների իմացության, ձերբակալել ու Ադրբեջան էին փախցրել նրան։
Մուխթարլիի դեպքը նույնպես մեծ հնչեղություն էր ստացել, քանի որ բացի բուն մարդու իրավունքների հարցերը, արհամարհվել էր նաև Վրաստանի ինքնիշխանությունը։ Սա նաև ազդանշան էր ադրբեջանցի ակտիվիստների համար, որ Վրաստանը անվտանգ երկիր չէ իրենց համար։
15:40 16.06.2025
Դուշանբեում տեղի է ունեցել ԱՊՀ անդամ պետությունների ԱԳՆ-ների իրավաբանական ծառայությունների ղեկավարների խորհրդակցական կոմիտեի 38-րդ նիստըՀունիսի 11-ին Դուշանբեում Տաջիկստանի Հանրապետության նախագահությամբ տեղի է ունեցել ԱՊՀ անդամ պետությունների արտաքին գործերի նախարարությունների իրավաբանական ծառայությունների ղեկավարների խորհրդակցական կոմիտեի 38-րդ նիստը, որին մասնակցել են Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության, Տաջիկստանի Հանրապետության, Ուզբեկստանի Հանրապետության, Ռուսաստանի Դաշնության ԱԳՆ պատվիրակությունները և ԱՊՀ գործադիր կոմիտեի ներկայացուցիչները: Հայկական կողմը ներկայացնում էր ՀՀ ԱԳ նախարարության միջազգային պայմանագրերի […] ...
15:30 16.06.2025
Պուտինը հեռախոսազրույց է ունեցել Էրդողանի հետՌուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Իսրայելի և Իրանի միջև հակամարտությունը, հայտնում է Թուրքիայի ղեկավարի գրասենյակը։ «Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Զրույցի ընթացքում քննարկվել են Իսրայելի և Իրանի միջև հակամարտությունը, երկկողմ հարաբերությունները և տարածաշրջանային հարցեր», – […] ...
15:21 16.06.2025
Հեռախոսազրույց են ունեցել Թուրքիայի և Իրանի նախագահներըԹուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ: Քննարկվել է Իսրայելի և Իրանի միջև հակամարտությունը, ինչպես նաև տարածաշրջանային և համաշխարհային խնդիրներ: Թուրքիայի նախագահը նշել է, որ Իսրայել-Իրան հակամարտության վերաբերյալ բանակցություններ է վարել մի շարք առաջնորդների հետ: Նա ընդգծել է, որ Թուրքիան պատրաստ է ստանձնել միջնորդի դեր՝ հակամարտությունն անհապաղ դադարեցնելու և […] ...
15:14 16.06.2025
ՀՀ պատվիրակությունը մասնակցում է Փարիզում բացված Միջազգային ավիատիեզերական ցուցահանդեսինՀՀ պատվիրակությունը մասնակցում է Փարիզի Լե Բուրժե օդանավակայանում բացված Միջազգային ավիատիեզերական 55-րդ ցուցահանդեսին։ Այս մասին հայտնում են Ֆրանսիայում ՀՀ դեսպանությունից: Ցուցահանդեսին մասնակցությունը հնարավորություն է ընձեռում բացահայտել ռազմավարական նշանակության այս կարևոր ուղղությամբ Հայաստան-Ֆրանսիա համագործակցության հետագա խորացման նոր հեռանկարներ։ ...
15:08 16.06.2025
Կանգառը վնասած վարորդին ու բեռնատարը Վեդիի ոստիկանները հայտնաբերել ենՀունիսի 4-ին Համայնքային ոստիկանության Վեդիի բաժին տեղեկություն էր ստացվել, որ հունիսի 3-ի լույս 4-ի գիշերը Տափերական գյուղի Արամ Խաչատրյան և Հ-8 կենտրոնական փողոցների հատման վայրում գտնվող գազալցակայանի հարակից տարածքում տեղադրված կանգառը դեռևս չպարզված վարորդի կողմից ավտոմեքենայով վնասվել է։ Նախնական տվյալներով՝ պատճառվել է 700 հազար դրամից ավելի վնաս։ Նախաձեռնվել էր քրեական վարույթ։ Համայնքային ոստիկանության Վեդիի բաժնի […] ...
