09:47 07.07.2019
Հուլիսի 6-ին Գյումրի գետակի մաքրման նպատակով համաքաղաքային շաբաթօրյակ է անցկացվել: Նախաձեռնությունը թիվ 1 ավագ դպրոցի աշակերտներինն է, ովքեր մասնակցել են դրամաշնորհային ծրագրի մրցույթի: Գյումրի գետակի մաքրման համար 150 հազար դրամ ֆինանսավորում են ստացել: Աշակերտներին այսօր միացել է դպրոցի հանրույթը, կամավորներ, այդ թվում օտարերկրացիներ, ինչպես նաև քաղաքապետարանի կոմունալ ծառայության աշխատակիցները: Մաքրման աշխատանքներ կատարել են գետակի 3 հատվածներում:
Ձեռքի ուժով հնարավորինս դուրս են բերել գետակում կուտակված կենցաղային ու շինարարական աղբը, պլաստիկ շշերը: Գետակի մեջ տեխնիկայով մաքրման աշխատանքներ կատարել գրեթե հնարավոր չէ: Քաղաքապետարանն ինքնաթափեր է տրամադրել, որոնք տեղափոխել են աղբը, ձեռնոցներ ու անհրաժեշտ գործիքներ: Իսկ թաղամասերի բնակիչները, ովքեր միշտ դժգոհում են գետակի վիճակից, մաքրմանը չեն մասնակցել:
Քաղաքապետարանի ինքնաթափերը ջրից դուրս բերած աղբը տեղափոխել են, իսկ այդքան մեծ քանակության պլաստիկ շշերը, կենցաղային ու շինարարական աղբը գետում հայտնվել են նույն բնակիչների թեթև ձեռքով: Հորդորներն ու կոչերն արդյունք չեն տալիս։ Աշակերտներն ու քաղաքապետարանի կոմունալ ծառայության աշխատակիցները տարբերակ են գտել, թե ինչպես ստուգել ու համոզվել, թե որ թաղամասում են գետակն ավելի շատ աղտոտում:
«Մտածել ենք տարբերակ: 3 ուղղություններով պիտի ցանցեր դնենք, որ տեսնենք, թե որ թաղի բնակիչներն են ավելի շատ աղբ թափում: Աղբը պետք է չթափեն գետակը, այլապես 1000 հոգով էլ հավաքվենք, չենք կարող խնդրին լուծում տալ: Պետք է հասկանանք, որ աղտոտելով գետակը՝ ինքներս մեզ ենք վնասում»,- Shantnews-ին ասել է Գյումրիի քաղաքապետարանի կոմունալ ծառայության տնօրեն Վարդգես Սամսոնյանը:
Ցանցերը հնարավորություն կտան նաև 3 հատվածներում պարբերաբար մաքրել աղբը: Վաղը ևս շարունակելու են գետակը մաքրել ու սպասում են, որ իրենց ավելի շատ մարդիկ կմիանան:
20:14 01.08.2025
ՀԷՑ-ի կողմից նախագծային ծառայությունների ձեռքբերման նպատակով նախատեսվում է իրականացնել շուկայի նախնական ուսումնասիրություն«Հայաստանի էլեկտրական ցանցեր» ՓԲ ընկերությունը իր բնականոն գործունեությունը ապահովելու և ստանձնած պարտավորությունները կատարելու նպատակով նախատեսում է կազմակերպել գնման բաց մրցութային գործընթաց՝ ուղղված էներգետիկ ոլորտի նախագծային ծառայությունների ձեռքբերմանը (մալուխային, օդային գծեր, ենթակայանների կառուցում և այլ ինժեներական ենթակառուցվածքների ստեղծում): Այս մասին հայտնել են է ՀԷՑ-ից: «Ընկերության կողմից նախաձեռնվող մրցութային գործընթացի օբյեկտիվությունը, ներառականությունը և թափանցիկությունը ապահովելու նպատակով նախատեսվում […] ...
19:54 01.08.2025
Դեսպան Անդրանիկ Հովհաննիսյանը մասնակցել և ելույթ է ունեցել Հելսինկի+50 համաժողովումԱվստրիայում ՀՀ դեսպան Անդրանիկ Հովհաննիսյանը մասնակցել և ելույթ է ունեցել Հելսինկի+50 համաժողովում, որը նվիրված էր Հելսինկիի եզրափակիչ ակտի 50-ամյակին: Այս մասին հայտնում են Ավստրիայում ՀՀ դեսպանությունից: Իր ելույթում դեսպան Հովհաննիսյանը, մասնավորապես, նշել է. «ԵԱՀԿ մասնակից պետությունների ինքնիշխանության, տարածքային ամբողջականության և միջազգայնորեն ճանաչված սահմանների անձեռնմխելիության սկզբունքները շարունակում են ոտնահարվել: Ո՛չ ՄԱԿ-ի կանոնադրությունը, ո՛չ էլ Հելսինկիի եզրափակիչ […] ...
19:46 01.08.2025
Արմեն Աշոտյանի խափանման միջոցը փոխվել էՀՀԿ նախագահի տեղակալ Արմեն Աշոտյանի խափանման միջոցը փոխվել է. տնային կալանքը փոխարինվել է վարչական վերահսկողությամբ։ Այս մասին սոցցանցում հայտնել է Արմեն Աշոտյանի փաստաբան Տիգրան Աթանեսյանը: «Քիչ առաջ ՀՀ վերաքննիչ հակակոռուպցիոն դատարանից ինձ տեղեկացրեցին, որ մասնակի բավարարվել են իմ և պաշտպան Հ.Մարտիրոսյանի վերաքննիչ բողոքները և վերացվել է Արմեն Աշոտյանի տնային կալանքը: Կիրառվել է վարչական հսկողություն, որի […] ...
19:21 01.08.2025
Սյունիքի մարզում քարով բարձված «Կամազ»-ը կողաշրջվել էԱյսօր՝ օգոստոսի 1-ին, ավտովթար է տեղի ունեցել Սյունիքի մարզում։ Ժամը 16։00-ի սահմաններում Վերին Խոտոնան գյուղի վարչական տարածքում քարով բարձված «Կամազ» մակնիշի բեռնատարը կողաշրջվել է։ Ինչպես հայտնում է shamshyan.com-ը, կողաշրջման հետևանքով քարերը ամբողջությամբ թափվել են և փակել երթևեկելի գոտին: Վթարի հետևանքով տուժածներ չկան։ Վթարի փաստով ՊԾ Սյունիքի մարզի գումարտակում փաստաթղթեր են ձևակերպվում, որտեղ էլ պարզվում է […] ...
19:08 01.08.2025
Ռոմանոս Պետրոսյանը ՀԷՑ-ի «Դեբեդ» մասնաճյուղի աշխատակազմին է ներկայացրել նորանշանակ տնօրենինՕգոստոսի 1-ին Լոռու մարզպետի պաշտոնակատար Հովհաննես Ավետիսյանը, «ՀԷՑ» ՓԲԸ-ի ժամանակավոր կառավարիչ Ռոմանոս Պետրոսյանը, Վանաձորի համայնքապետի պաշտոնակատար Արկադի Փելեշյանը այցելել են «ՀԷՑ» ՓԲԸ-ի «Դեբեդ» մասնաճյուղ: Ռոմանոս Պետրոսյանը աշխատակազմին է ներկայացրել մասնաճյուղի նորանշանակ տնօրեն Տիգրան Հովսեփյանին և շնորհավորել պատասխանատու պաշտոն ստանձնելու կապակացությամբ։ Նա հույս է հայտնել, որ կարճ ժամանակամիջոցում մասնաճյուղում ևս կիրականացվեն էական բարեփոխումներ՝ քաղաքացիների սպասարկման որակը […] ...
