18:16 15.07.2019
Այսօր ՀՀ ոստիկանությունը տեսանյութ հրապարակեց այն մասին, որ Շիրակի մարզի գյուղերից մեկում տղամարդը աղջկան բռնությամբ 8 տարի գոմում է պահել:
Այս առնչությամբ SHANTNEWS.am-ի թղթակիցը զրուցել է հիշյալ դեպքում կասկածվողի՝ անասնաֆերմերի հետ, ում մոտ աշխատել է աղջիկը։ Ֆերմերը Մարմաշեն համայնքի բնակիչ, 36-ամյա Ռուբեն Թորոսյանն է, որը մեր թղթակցին պատմել է, որ շուրջ 30 տարեկան աղջիկը` Աստղիկ Հարությունյանը, 10 տարի աշխատել է իր ֆերմայում` որպես անասնապահ։
Տղամարդը պատմել է, որ աղջիկն իր անասնաֆերմայում աշխատանքի է անցել, երբ ինքը 10 տարի առաջ Պաղակն գյուղի դաշտերում անասուններ է տարել արոտ, Աստղիկ Հարությունյանն ինքն է մոտեցել Ռուբեն Թորոսյանին, աշխատանք խնդրել։ Ռուբեն Թորոսյանն աղջկանից հետաքրքրվել է, թե ով է ու որտեղից է Պաղակն գյուղ եկել։
Աստղիկ Հարությունյանը պատմել է, որ ինքը Ախալքալաքի շրջանի գյուղերից է եկել ծնողների ամուսնալուծությունից հետո։ Ռուբեն Թորոսյանը աղջկան ընդունել է աշխատանքի, ու 10 տարի նա ապրել է ֆերմերի տնակում, հարևաններին ծանոթ է եղել, ազատ տեղաշարժվել է թե´ իրենց, թե հարևան գյուղերում, աշխատավարձ էլ ստացել է, կեցության ու ուտելիքի հարցն էլ հոգացել է ֆերմերը։
Ռուբեն Թորոսյանը հերքում է, թե ինքը աղջկա նկատմամբ պարբերաբար բռնություն է գործադրել, բռնություն գործադրելու սպառնալիքով պահել է գոմում և առանց որևէ վճարի աշխատեցրել։ Վերջինս մեր թղթակցի հետ զրույցում վստահեցրել է, թե գյուղում բոլորն են Աստղիկ Հարությունյանին ճանաչել։
«Երբեք բռնություն չի գործադրվել»,- հավաստիացրել է ֆերմերը:
Մարմաշենի վարչական ղեկավար Կարեն Արշակյանն էլ մեր թղթակցի հետ զրույցում հաստատել է, որ Ռուբեն Թորոսյանի ֆերմայի անասնապահ աղջկան տեսել են ու ճանաչում, բողոք-դժգոհություններ էլ նրանից չեն լսել։
Մենք փորձեցինք դեպքի առնչությամբ պարզաբանումներ ստանալ ոստիկանությունից, սակայն արձագանք դեռևս չի ստացվել:
21:51 18.06.2025
Իրանն Իսրայելի ուղղությամբ առաջին անգամ արձակել է «Սաջիլ» երկաստիճան միջին հեռահարության բալիստիկ հրթիռԻսլամական հեղափոխության պահապանների կորպուսը (ԻՀՊԿ) հայտարարել է, որ Թեհրանը մարտական գործողությունների ընթացքում առաջին անգամ արձակել է «Սաջիլ» երկաստիճան միջին հեռահարության (2000կմ) բալիստիկ հրթիռ, հաղորդում է Tasnim լրատվական գործակալությունը։ Նշվում է, որ Իրանը Իսրայելի ուղղությամբ արձակել է երեք նմանատիպ հրթիռ։ Ավելի վաղ SHANTNEWS.am-ը հայտնել էր, որ Իրանի զինված ուժերը հրթիռներ են արձակել Իսրայելի ուղղությամբ: ...
21:45 18.06.2025
Կարեն Խաչանովի հաղթական մեկնարկը Հալե-ի ATP-500 մրցաշարումԳերմանական Հալեում ընթացող ATP-500 կարգի մրցաշարում Կարեն Խաչանովը հաղթանակի է հասել Զիզու Բերգսի նկատմամբ: Գրանցվել է 6:4, 6:3 հաշիվը: Աշխարհի 22-րդ ռակետը երկրորդ անգամ էր խաղում բելգիացու հետ և երկրորդ հաղթանակն է տարել։ 1/8 եզրափակչում Խաչանովը կմրցի աշխարհի 27-րդ ռակետ Ֆելիքս Օժյե Ալյասիմի հետ: Կանադացու հետ դիմակայությունների հաշիվն է՝ 1-2: Նրանք չէին հանդիպել 3 տարի: ...
21:41 18.06.2025
Հացահատիկային մշակաբույսերի բերքատվության կանխատեսում«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է հացահատիկային մշակաբույսերի բերքատվության կանխատեսումը: Մասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2025թ. հացահատիկային մշակաբույսերի միջին հանրապետական բերքատվությունը (ցողունակալման փուլում) 1 հեկտարից սպասվում է․ աշնանացան ցորեն` 18.5-19ց, գարնանացան գարի՝ 16ց։ ...
21:36 18.06.2025
Փաշինյան-Էրդողան հանդիպումից առաջ Ալիևը Հայաստանի հետ համաձայնագրի կնքման նոր նախապայմաններ է առաջ քաշումԲաքվում աշխատանքն է սկսել «Սևծովյան տնտեսական համագործակցության» կազմակերպության խորհրդարանական վեհաժողովի հերթական նստաշրջանը: Ինչպես և սպասվում էր, Ադրբեջանի իշխանությունները այդ հարթակը կրկին օգտագործել են հակահայկական հռետորաբանության ու քարոզչության համար: Ինչո՞ւ է Բաքվում անցնում ու արդյո՞ք Հայաստանի խորհրդարանը ներկայացված է պատվիրակությամբ: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Կազմակերպության 65-րդ նստաշրջանը 3 օր է տևելու Բաքվում: Այնտեղ […] ...
21:28 18.06.2025
Թենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունումԹենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունում։ Եվրոպական գոտու երրորդ ենթախմբում հայ թենիսիստուհիները 2-1 հաշվով հաղթել են Անդորրայի թիմին։ Մենախաղում Ալինա Սողոմոնյանը 6-3, 6-1 հաշվով հաղթել է Յուդիթ Կարտանային, իսկ Անի Ամիրաղյանը 0-6, 1-6 հաշվով պարտվել է աշխարհի 135-րդ ռակետ Վիկտորյա Խիմենես-Կասինցևային։ Հայաստանի թիմը հաղթանակն ամրագրել է զուգախաղում։ Սողոմոնյան […] ...
