19:30 01.11.2019
Գյումրիի ինֆեկցիոն-հակատուբերկուլյոզային հիվանդանոցի հակատուբերկուլյոզային բաժանմունքը փակվում է: 2 օր առաջ բուժանձնակազմը ծանուցվել է, որ բուժհաստատությունը լուծարում է իրենց հետ կնքած պայմանագրերը, այսինքն` ազատվում են աշխատանքից:
Կառավարության որոշմամբ` հանրապետությունում գործելու է հակատուբերկուլյոզային միայն մեկ բուժհաստատություն Աբովյան քաղաքում, որն իրականացնելու է ստացիոնար բուժում, այսինքն` Շիրակի մարզի հիվանդներն այնտեղ են դիմելու, իսկ ամբուլատոր հսկողություն պոլիկլինիկաներն են սահմանելու: Եթե հիվանդների դեպքում ամեն ինչ որոշված է, ապա բաժանմունքի 19 բուժաշխատողի հարցն անորոշ է: Այս մասին հայտնում է SHANTNEWS.am-ի թղթակիցը։
Տուբերկուլյոզային բաժանմունքների օպտիմալացման ծրագիրը մշակվել է 2018-ին: Այս ընթացքում ուսումնասիրել են հիվանդանոցների ծանրաբեռնվածությունը և շենքային պայմանները: Արդյունքում` Գյումրիի ինֆեկցիոն-հակատուբերկուլյոզային հիվանդանոցի բաժանմունքը օպտիմալացվողների շարքում է հայտնվել: Բուժանձնակազմը օրեր առաջ է աշխատանքից ազատման ծանուցագրեր ստացել, բայց ստորագրել հրաժարվում է: Բուժանձնակազմին առաջարկում են նոր աշխատանք փնտրել մարզի այլ բուժհաստատություններում: Ազատման ծանուցագրերում գրված է, որ հատուկ գրաֆիկով աշխատողներին թույլ է տրվում դուրս գալ բուժհիմնարկից` նոր աշխատանք փնտրելու համար:
Հակատուբերկուլյոզային բաժանմունքի լուծարման հիմնավորումը թերբեռնվածությունն է: 35 մահճակալ է բաժանմունքում, որոնք ամիսներով դատարկ են մնում: Բաժանմունքի վարիչն էլ նշում է, թե հիվանդների թիվը քիչ չէ տարեկան կտրվածքով` 2018 թվականին` 127, իսկ այս տարի 57 հիվանդ է ստացիոնարում բուժման ընդունել:
Հիվանդների համար առողջապահության նախարարությունը ելքը գտել է` դեղորայքային բուժում ստացող հիվանդները բուժհսկողության տակ կլինեն տեղամասային պոլիկլինիկաներում, իսկ ստացիոնար բուժսպասարկումը կկենտրոնացվի Աբովյան քաղաքի համապատասխան մասնագիտացված հիվանդանոցում: Այժմ բաժանմունքում 5 հիվանդ է ստացիոնար բուժում ստանում: Հիվանդներն արդեն տեղյակ են, որ իրենց հետագա բուժումը Աբովյան քաղաքի հիվանդանոցում է լինելու:
Որոշումը ոչ միայն Շիրակի մարզի համար է, ամբողջ հանրապետությունում տուբերկուլյոզի ստացիոնար բուժումը մեկ հիվանդանոցում է կենտրոնացվելու: Մարզային տուբդիսպանսերներն արդեն դեկտեմբերից պետական ֆինանսավորում չեն ստանա:
17:56 17.06.2025
Մեքենայից գողություն կատարած անձը հայտնաբերվել էՀունիսի 13-ին Ոստիկանության օպերատիվ կառավարման կենտրոն ահազանգած 28-ամյա քաղաքացին հայտնել է, որ Գայ գյուղում՝ տան դիմաց կայանված «Մերսեդես» մակնիշի իր ավտոմեքենայից գողացել են դրամապանակը, որում եղել են բանկային քարտեր և գումար։ Այս մասին հայտնել են ՆԳՆ ոստիկանությունից: Համայնքային ոստիկանության Վաղարշապատի բաժնից նշված հասցե մեկնած օպերատիվ խումբը պարզել է, որ գողությունը կատարել է նույն գյուղի բնակիչ […] ...
17:45 17.06.2025
ԿԲ-ի խորհրդի որոշմամբ վերֆինանսավորման տոկոսադրույքը մնացել է անփոփոխ՝ 6.75 %Այսօր տեղի ունեցած նիստում Հայաստանի Կենտրոնական բանկի խորհուրդը որոշել է անփոփոխ թողնել վերֆինանսավորման տոկոսադրույքը՝ սահմանելով 6.75 տոկոս: 2025թ.-ի 2-րդ եռամսյակի ընթացքում 12-ամսյա գնաճն արագացել է՝ մայիսին կազմելով 4.3 տոկոս: Այս մասին ասուլիսին հայտնել է Կենտրոնական բանկի նախագահը: Մանրամասները՝ տեսանյութում: ...
17:36 17.06.2025
«Չելսիի» հաղթական մեկնարկը․ ԱԱԱՈՒԵՖԱ-ի Կոնֆերենցիաների լիգայի հաղթող «Չելսին» սկսել է պայքարն ԱՄՆ-ում ընթացող աշխարհի ակումբային առաջնությունում: Էնցո Մարեսկայի թիմը D խմբի առաջին խաղում 2-0 հաշվով հաղթել է ամերիկյան «Լոս Անջելեսին»: Գոլի հեղինակ են դարձել պորտուգալացի Պեդրու Նետուն և արգենտինացի Էնցո Ֆեռնանդեսը: ...
17:28 17.06.2025
Տանիքում կանեփի բույս աճեցրած տղամարդը ձերբակալվել էՀունիսի 13-ին Ոստիկանության օպերատիվ կառավարման կենտրոն հաղորդում է ստացվել, որ Գարեգին Նժդեհի փողոցում գտնվող շենքերից մեկի տանիքում 70-ամյա բնակիչը կանեփի բույսեր է աճեցնում։ Այս մասին հայտնել են ՆԳՆ ոստիկանությունից: Նշված հասցե մեկնած օպերատիվ-քննչական խմբերը հայտնաբերել են կանեփի տասնվեց բույս, որոնք առգրավվել են։ 70-ամյա տղամարդը ձերբակալվել և տեղափոխվել է Համայնքային ոստիկանության Շենգավիթի բաժին։ Տղամարդը և կազմված […] ...
17:19 17.06.2025
Թրամփի սպառնալիքները ցույց են տալիս, որ Իսրայելը պարտության շեմին է. ՀՀ-ում Իրանի դեսպանԱՄՆ նախագահ Դոնալդ Թրամփի սպառնալիքները Թեհրանի հասցեին վկայում են, որ Իսրայելը պարտության եզրին է: Այս մասին հայտարարեց ՀՀ-ում Իրանի դեսպան Մեհդի Սոբհանին՝ անդրադառնալով Իրան-Իսրայել հակամարտությանը: «ԱՄՆ նախագահի սպառնալիքները վկայում են, որ թշնամին պարտության շեմին է, և Թել Ավիվում իրավիճակը դուրս է եկել վերահսկողությունից։ Թրամփն այժմ «մեռած ձիու» վրա է նստած», – ասաց դեսպանը Երևանում հրավիրված […] ...
