Սիգարե՞տ, թե՞ այլընտրանք․ կլինիկական հետազոտության արդյունքները

Ճապոնիայում անցկացրած կլինիկական հետազոտության արդյունքները փաստում են, որ ծխախոտի տաքացման համակարգը ավելի լավ այլընտրանք է, քան սիգարետը։ Այն ծխողները, ովքեր սկսում են օգտագործել ծխախոտի տաքացման համակարգ,ավելի քիչ են երթարկվում վնասակար նյութերի ազդեցության, քան սիգարետ ծխողները։ Հետևաբար, առանց այրման նիկոտին մատակարարող սարքերը կարող են օգնել ծխողներին հրաժարվել սիգարետից ու ավելի քիչ բացասական ազդեցությունունենալ նրանց օրգանիզմի վրա։

Սիգարետ ծխելը բացասական ազդեցություն է թողնում թոքերի, սրտանոթային և բրոնխիալ համակարգերի վրա։ Հայաստանում պաշտոնական տվյալներով ծխում են 15-ից բարձր տարիքի տղամարդկանց կեսից ավելին՝ 53,4%-ը ու կանանց 2,3%-ը ։ Չնայած ծխելու դեմ պայքարի նոր ալիքին` ծխողների թիվը, այնուամենայնիվ, չի նվազում։ Ու քանի որ ծխողների մեծ մասը մտադիր չէ հրաժարվել սիգարետից, անհրաժեշտ է միջոցներ ձեռնարկել ծխելու ռիսկերը նվազեցնելու համար։ Ծխախոտային շուկայում արդեն իսկ առկա են առանց ծուխ էլեկտրոնային սարքեր (էլեկտրոնային սիգարետ, ծխախոտի տաքացման համակարգեր), որոնք արտադրողների կողմից դիրքավորվում են որպես ավելի քիչ վնասակար։ Առողջապահական միջազգային տարբեր կառույցներ, ելնելով այդ սարքերի հանդեպ աճող հետաքրքրությունից ու տարածումից, անցկացնում են համապարփակ ուսումնասիրություններ՝ ի վերջո հաստատելու կամ հերքելու այդ սարքերի պակաս ռիսկային լինելը։

Ճապոնիան այն երկրներից է, որտեղ անցկացվել է կլինիկական հետազոտություն, որի շրջանակներում համեմատվել են սիգարետն ու ծխախոտի տաքացման համակարգերը։ 90 օր տևած կլինիկական ուսումնասիրությանը մասնակցել են ճապոնացի 21 տարեկանից բարձր ծխողներ։ Ուսումնասիրության մասնակիցներին բաժանել են երեք խմբի.

– առաջին խմբի մասնակիցները շարունակել են ծխել ուսումնասիրության ողջ ընթացքում,

– երկրորդ խմբի մասնակիցները անցում են կատարել ծխախոտի տաքացման  համակարգին,

– երրորդ խմբի մասնակիցները ընդհանրապես չեն օգտագործել նիկոտին պարունակող արտադրանք։

90 օր հետո բոլոր երեք խմբերի մասնակիցներին հետազոտել են։ Ուսումնասիրության արդյունքները ցույց են տվել, որ ծխախոտի տաքացման համակարգի անցում կատարած մասնակիցների մոտ նկատվել է 15 վնասակար կամ պոտենցիալ վնասակար միացությունների ազդեցության նվազում։ Այսինքն՝ այլընտրանքի անցնելուց հետո վերոնշյալ 15 նյութերը սկսել են ավելի քիչ ներգործել երկրորդ խմբի մասնակիցների օրգանիզմի վրա։

Ածխածնի մոնօքսիդի, բենզոլի, ակրոլեինի ու բութադիենի համեմատական գրաֆիկները սիգարետ ծխելու, ծխախոտի տաքացման համակարգ օգտագործելու ու նիկոտինից հրաժարվելու դեպքում ներկայացված են ստորև․

Ուսումնասիրվող ցուցիչների դրական փոփոխությունը ծխախոտի տաքացման համակարգ օգտագործելու ու նիկոտինից հրաժարվելու դեպքում վիճակագրորեն զգալի է եղել՝ սիգարետ ծխելը շարունակելու համեմատ։ Դա նշանակալի արդյունք է, քանի որ ուսումնասիրվող կլինիկական ռիսկի ցուցիչները կապված են ծխելու հետևանքով առաջացող հիվանդությունների հետ։

Եվ չնայած, որ բոլորս սովոր ենք լսել ու խոսել ծխելու վնասների մասին, տեխնոլոգիաների զարգացումը հույս է ներշնչում, որ հետզհետե այդ ազդեցությունն ավելի ու ավելի քիչ վնասակար կդառնա։ Վերջիվերջո, ժամանակակից հասարակությունում դժվար է պատկերացնել մեկին, որը, ընտրություն կատարելով՝ վնասակարի և պակաս վնասակարի միջև կընտրի առաջինը։