19:57 05.12.2019
Համագործակցության նոր հնարավորություն արգենտինական կլինիկայի և «Գյումրու մոր և մանկան ավստրիական հիվանդանոցի» միջև: Այս մասին հայտնում է SHANTNEWS.am-ի թղթակիցը։
Արգենտինայի դոկտոր Խուան Գարրահանի անվան մանկական հիվանդանոցը, «Գյումրու մոր և մանկան ավստրիական հիվանդանոցը» և «Ֆայդեք Արմենիա» հիմնադրամը համագործակցության համաձայնագիր են ստորագրել: Փաստաթուղթը վավերացնելով՝ կողմերը հստակեցրել են համագործակցության ուղղությունները:
Եռակողմ համաձայնագրով հաստատված են այն առողջապահական ծրագրերը, որոնք երկու մանկական հիվանդանոցները իրականացնելու են համատեղ: Ծրագիրը հնարավորություն կտա հեռահար կերպով ընդլայնել կապերը երկու հիվանդանոցների միջև՝ ապահովելով մշտական խորհրդատվություններ արգենտինացի բարձրակարգ մասնագետների հետ, հատուկ դեպքերի վերլուծություններ, փորձի և տեղեկատվության փոխանակում:
«Գյումրու մոր և մանկան ավստրիական հիվանդանոցը» առաջին մարզային բժշկական հաստատությունն է, որի հետ արգենտինական մանկական կլինիկան համագործակցային ծրագիր է սկսում: Փորձի փոխանակման նմանատիպ ծրագիր իրականացնում են մայրաքաղաքի 2 մանկական հիվանդանոցներում:
«Գյումրիի մանկական հիվանդանոցը մենք պատահական չենք ընտրել, ուսումնասիրել ենք այստեղ բուժման հնարավորությունները՝ թե՛ տեխնիկական, թե՛ գործիքային հնարավորությունները, թե՛ մասնագետների կարողությունները: Սա մեզ համար շատ կարևոր է: Արգենտինայի մանկական հիվանդանոցը միջազգային լավագույն կլինիկաներից մեկն է, մենք վստահ ենք, որ կարող ենք մեր ներուժով, գիտելիքներով օգտակար լինել: Երկրաշարժից հետո ամբողջ աշխարհը համախմբվեց Գյումրիի շուրջ, հիմա այս ծրագրով կշարունակենք մեր աջակցությունը»,- մեր թղթակցի հետ զրույցում ասել է ՀՀ-ում Արգենտինայի դեսպանության գործերի ժամանակավոր հավատարմատար Միգել Արթին Չիլինգարյանը։
19:58 02.05.2025
Արայիկ Հարությունյանը ներկա է գտնվել գեղանկարիչ Արթուր Հովհաննիսյանի ցուցահանդեսի բացմանըՎարչապետի աշխատակազմի ղեկավար Արայիկ Հարությունյանը Հայաստանի նկարիչների միությունում ներկա է գտնվել գեղանկարիչ Արթուր Հովհաննիսյանի ցուցահանդեսի բացմանը: «Շրջանների միջև» ցուցահանդեսը ներկայացնում է գեղանկարչի վերջին 20 տարիների ստեղծագործությունների ընտրանին: Արայիկ Հարությունյանը շրջել է ցուցասրահով՝ ծանոթացել ներկայացված աշխատանքներին: ...
19:54 02.05.2025
«Ինտերի» պաշտպան Դենզել Դյումֆրիսը՝ Չեմպիոնների լիգայի շաբաթվա լավագույն ֆուտբոլիստ«Ինտերի» պաշտպան Դենզել Դյումֆրիսը ճանաչվել է Չեմպիոնների լիգայի շաբաթվա լավագույն ֆուտբոլիստ, հայտնում է ՈւԵՖԱ-ի մամուլի ծառայությունը: Նիդերլանդցին կատալոնական «Բարսելոնայի» դեմ կիսաեզրափակչի առաջին մրցավեճում դուբլ էր գրանցել և մեկ գոլային փոխանցում կատարել: Շաբաթվա լավագույնի կոչման համար պայքարում միլանցիների պաշտպանն առաջ է անցել ֆրանսիական ՊՍԺ-ի պորտուգալացի կիսապաշտպան Վիտինյայից: ...
19:50 02.05.2025
Մայրաքաղաքում կկատարվի երթևեկության կազմակերպման փոփոխությունԵրևանի քաղաքապետարանից տեղեկացնում են, որ մայիսի 6-ից կկատարվի երթևեկության կազմակերպման փոփոխություն: «Մասնավորապես՝ Բաղյան փողոցից դեպի Գյուրջյան փողոց նախկին թույլատրված աջ և ձախ երթևեկության փոխարեն երթևեկությունը կթույլատրվի «միայն աջ» ուղղությունով»,- ասվում է հաղորդագրությունում: ...
19:44 02.05.2025
Կլիմայի փոփոխության գործընթացում «շրջադարձային կետերը» անխուսափելի ենԿլիմայի փոփոխության գործընթացում «շրջադարձային կետերը» անխուսափելի են: Ինչպես տեղեկացնում է Հիդրոօդերևութաբանության և մոնիթորինգի կենտրոնը, Էքսետերի և Համբուրգի համալսարանների գիտնականների նոր ուսումնասիրությունը ցույց է տալիս, որ եթե գլոբալ քաղաքականությունը շարունակվի այնպես, ինչպես կա, կլիմայական բազմաթիվ «շրջադարձային կետեր» կարող են առաջանալ: «Շրջադարձային կետ» է համարվում այն, երբ փոքր փոփոխությունը համակարգը տեղափոխում է նոր վիճակի՝ առաջացնելով զգալի և […] ...
19:39 02.05.2025
Աշխատանքի և աշխատավորների միջազգային օրվա առթիվ Նարեկ Մկրտչյանը հյուրընկալել է աշխատանքի վետերաններիԱշխատանքի և աշխատավորների միջազգային օրվա առթիվ՝ Աշխատանքի և սոցիալական հարցերի նախարար Նարեկ Մկրտչյանն այսօր նախարարությունում հյուրընկալել է աշխատանքի վետերաններ՝ 89-ամյա Թամարա Կարապետյանին և 86-ամյա Ռազմիկ Աբրահամյանին, ովքեր բնակվում են պետության ենթակայությամբ գործող շուրջօրյա խնամքի հաստատություններում։ Նախարարը շնորհակալություն է հայտնել նրանց՝ երկարամյա աշխատանքային գործունեության և ունեցած վաստակի համար։ Վերջիններս նախարարին պատմել են իրենց գործունեության, խոսել աշխատելու […] ...
