21:10 16.12.2019
88-ին Լենինականի ֆրանսիական թեքումով 10-րդ դպրոցն ավերակների վերածվեց, փլատակներում մնացին աշակերտներ ու ուսուցիչներ: Այդ ծանր օրերին էր, որ սեփական վիշտը կոկորդում խեղդելով՝ նա երդվեց հարազատ դպրոցը նույն տեղում կառուցել։ Գյումրեցի Մարտինն էր Փաշայան՝ դպրոցի տնօրենը: Հենց նրան է ֆրանսահայ հեղինակը իր գրքում կոչել Հսկա: 88-ի երկրաշարժից 40 օր անց նա արդեն իր նպատակներն իրականացնելու գործին ձեռնամուխ եղավ:
1990-ականների սկզբին արդեն ֆրանսիական դպրոցը նոր շենք ունեցավ՝ Ֆրանսիայի սենատի հայասեր պատգամավորների, Ֆրանսիայի տեղական մարմինների, կազմակերպությունների ու այլ դոնորների ֆինանսական ներդրումներով ու Մարտին Փաշայանի ջանքերով։ Այս ամբողջ պատմությունն է հիմք եղել ֆրանսահայ լրագրողի համար գյումրեցի Մարտինի մասին գիրք գրելու։ 14 տարի առաջ գործնական մեկ հանդիպումից է ծնվել Պասկալ Մագեզյանի և Մարտին Փաշայանի մտերմությունը:
Պասկալ Մագեզյանի «Քառասունքի երդումը» գիրքն արդեն հայերենով հասանելի է ընթերցողներին: Գիրքը հայերեն թարգմանվել է Կազա հիմնադրամի հովանավորությամբ:
Ֆրանսահայ լրագրողը թեև լավ չի տիրապետում հայերենին, բայց հասկանում է լեզուն, որն էլ օգնել է նաև հասկանալ, ընկալել գյումրեցի Մարտինի ճակատագրի պատմությունը:
Հեղինակը ներկա չէր գրքի հայերեն թարգմանության շնորհանդեսին, բայց Ֆրանսիայից տեսակապով ներկա գտնվեց միջոցառմանը:
«Մարտին Փաշայանի հետ իմ մտերմությունն ավելին է, քան ընկերությունը: Նա ինձ համար իդեալական մարդու տեսակ է, ով աղետի հասցրած վիշտը չմոռացած՝ իրեն նվիրեց հայրենի քաղաքին։
Սերունդներ կրթելու լի հույսերով էր ապրում: Նա ուժեղ կամքի տեր է, հանուն սերունդների կրթության նա հազարավոր կիլոմետրեր է անցել։ Երկար ժամանակ եմ ապրել Փաշայանի հետ ձեր քաղաքում, տեսել եմ, լսել 88-ի աղետը վերապրած ճակատագրերի մասին, Գյումրին այն քաղաքն էր, որը ցավից ծնկի չեկավ, ու գիտե՞ք ինչու, որովհետև ձեր քաղաքն ունի Մարտինի նման հսկաներ»,- տեսակապով ասել է գրքի հեղինակը:
Մարտին Փաշայանն այն անվանում է հուշագիրք, որը միայն իր մասին չի պատմում, այստեղ հիշողություններ են, որտեղ հազարավոր ճակատագրեր իրար նման են, վիշտը հաղթահարելու պայքարը նույնպես:
Պասկալ Մագեզյանի գրքի հայերեն թարգմանությամբ զբաղվել է Աննա Ունուպօղլյանը, նաև ֆրանսերենով գրքի բովանդակային մասի իր մասնակցությունն է ունեցել: «Գյումրեցի Մարտինը կամ Քառասունքի երդումը» գրքում ներկայացված են նաև այն անհատներն ու կազմակերպությունները, որոնք ներդրում են ունեցել աղետից հետո Գյումրիի վերականգնման գործում:
19:50 02.05.2025
Մայրաքաղաքում կկատարվի երթևեկության կազմակերպման փոփոխությունԵրևանի քաղաքապետարանից տեղեկացնում են, որ մայիսի 6-ից կկատարվի երթևեկության կազմակերպման փոփոխություն: «Մասնավորապես՝ Բաղյան փողոցից դեպի Գյուրջյան փողոց նախկին թույլատրված աջ և ձախ երթևեկության փոխարեն երթևեկությունը կթույլատրվի «միայն աջ» ուղղությունով»,- ասվում է հաղորդագրությունում: ...
19:44 02.05.2025
Կլիմայի փոփոխության գործընթացում «շրջադարձային կետերը» անխուսափելի ենԿլիմայի փոփոխության գործընթացում «շրջադարձային կետերը» անխուսափելի են: Ինչպես տեղեկացնում է Հիդրոօդերևութաբանության և մոնիթորինգի կենտրոնը, Էքսետերի և Համբուրգի համալսարանների գիտնականների նոր ուսումնասիրությունը ցույց է տալիս, որ եթե գլոբալ քաղաքականությունը շարունակվի այնպես, ինչպես կա, կլիմայական բազմաթիվ «շրջադարձային կետեր» կարող են առաջանալ: «Շրջադարձային կետ» է համարվում այն, երբ փոքր փոփոխությունը համակարգը տեղափոխում է նոր վիճակի՝ առաջացնելով զգալի և […] ...
19:39 02.05.2025
Աշխատանքի և աշխատավորների միջազգային օրվա առթիվ Նարեկ Մկրտչյանը հյուրընկալել է աշխատանքի վետերաններիԱշխատանքի և աշխատավորների միջազգային օրվա առթիվ՝ Աշխատանքի և սոցիալական հարցերի նախարար Նարեկ Մկրտչյանն այսօր նախարարությունում հյուրընկալել է աշխատանքի վետերաններ՝ 89-ամյա Թամարա Կարապետյանին և 86-ամյա Ռազմիկ Աբրահամյանին, ովքեր բնակվում են պետության ենթակայությամբ գործող շուրջօրյա խնամքի հաստատություններում։ Նախարարը շնորհակալություն է հայտնել նրանց՝ երկարամյա աշխատանքային գործունեության և ունեցած վաստակի համար։ Վերջիններս նախարարին պատմել են իրենց գործունեության, խոսել աշխատելու […] ...
19:30 02.05.2025
Տելեգրամի միջոցով թմրանյութ ձեռք բերած երիտասարդը ներկայացվել է նախաքննական մարմինՔրեական ոստիկանության Կոտայքի մարզային վարչության ծառայողները տեղեկություններ էին ստացել, որ Երևանի բնակիչ 27-ամյա երիտասարդը առցանց եղանակով թմրամիջոց է ձեռք բերել: Ձեռնարկված միջոցառումների արդյունքում մայիսի 1-ին Բջնի-Քաղսի ավտոճանապարհին 27-ամյա երիտասարդը հայտնաբերվել, ձերբակալվել և տեղափոխվել է վարչություն: Նրա անձնական խուզարկությամբ հայտնաբերվել է «Ալֆա ՊՎՊ» տեսակի թմրամիջոցի նմանվող զանգված: Երիտասարդը հայտնել է, որ այն անձնական օգտագործման համար ձեռք […] ...
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:14 02.05.2025
Կիրանցի առօրյան. սահմանազատումից մեկ տարի անցՄեկ տարի առաջ՝ 2024-ի ապրիլի 23-ին, Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը: Արդյունքում սահմանազատվեց 12 կմ-ոց հատված: Անվտանգային ինչպիսի՞ հարց է լուծվել, մեկ տարվա ընթացքում ի՞նչ է փոխվել սահմանամերձ այս գյուղերում ապրող մարդկանց կյանքում: «Շանթ» ՀԸ «Հորիզոնի» նկարահանող խումբը եղել է Կիրանցում ՝ զրուցելու տեղացիների հետ և նրանց առօրյայի ու զգացողությունների մասին […] ...
