Կարող է թշնամական երկրի կառույցները կարողանան տեր դառնալ մեր երկրի ռեսուրսներին. քննարկում էներգետիկ ոլորտի սեփականատերերի մասին

ԱԺ-ն քննարկում է էներգետիկայի ոլորտում իրական սեփականատերերի բացահայտմանն ուղղված «Էներգետիկայի մասին» օրենքում փոփոխություններ և լրացումներ կատարելու մասին օրենքի նախագիծը: Ընդդիմությունը դեմ չէ Արտակ Մանուկյանի և Բաբկեն Թունյանի նախագծին, սակայն որոշ դիտարկումներ ունի, փոխարենը բացասական եզրակացություն է տվել կառավարությունը: Արտակ Մանուկյանն իր խոսքում ասել է.

«Մենք ունենք երկարաժամկետ նպատակ, դա կառավարության ծրագիրն է, որտեղ գրված է, որ հաշվետվողականությունը և թափանցիկությունը պետք է բացենք, ունենք գաղափարներ, ընդերք, որտեղ կան մասնավոր ռեսուրսներ, և երկու հանրային ռեսուրսներ, ակնհայտ է, որ եթե ուզում ես թափանցիկությունը մեծացնես, հանրային ռեսուրսների և դրանց տնօրինողների նկատմամբ պետք է տեղեկատվությունը բաց լինի, քան ընդերքի ոլորտում գործողների համար: Իմ տեսակետից՝ 10 տոկոսը վարչարարության բեռ է, բայց քանի հրապարակումը չի եղել, հասկանանք նաև ծածկույթի տոկոսը»:

Արման Բաբաջանյանը խոսել է այն մասին, որ հարցը կոնկրետ շահեր է շոշափում, որոնք առնչվում են նախկին իշխանություններին և նրանց սպասարկող օլիգարխիկ շրջանակների շահերին:

«Պետք է չափազանց ազատական լինեինք թե՛ հանքարդյունաբերողների, թե՛ էներգետիկ ոլորտի մասով, շարունակում է անհասկանալի մնալ 10 տոկոսի շեմը, որ ամրագրեցինք հանքարդյունաբերողների ու այս ոլորտի նկատմամբ, դասական կանոնը հետևյալն է, թե ինչքանով է սեփականատերը կամ բիզնեսը օրինական, որքանով է հարկային դաշտում պարտաճանաչ և պատասխանատու։ Հատկապես էներգետիկ ոլորտում 20 տարում տեղի ունեցած ապօրինությունները մեզ ավելի խորությամբ աշխատանքների անհրաժեշտության առաջ են դնում»,-ասել է նա:

Նա խոսել է ընկերություններից մեկի մասին, որի կողմից բաշխիչ ցանցերը սեփականաշնորհվել են օֆշորային ընկերության կողմից, Հայաստանում գրանցված անհայտ ընկերությունները գրանցված են օֆշորային գոտիներում, նշել է, որ պետք է հետևողական լինենք։

Սերգեյ Բագրատյանն էլ նշել է, որ իրենց ելույթները մոտ են կառավարության դիրքորոշմանը՝ պետք է շեմ չլինի, շատ հեշտ է տրոհելը:

«Տարիներ շարունակ օֆշորում գրանցվել են ընկերություններ և կարողացել են «սև փողերով» ունենալ բաժնեմասեր, ժամանակն է ամբողջությամբ բացել և ռիսկերը վերացնել, եթե օֆշորային գոտում գրանցված ընկերությունը հայտ է ներկայացնում այս ոլորտներում, կառավարությունում պետք է լինի կառույց, որը կարողանա հետազոտել, կարող է մեր թշնամական երկրի կառույցները այսպիսով կարողանան տեր դառնալ մեր երկրի ռեսուրսներին»,-մտահոգություն է հայտնել պատգամավորը:

Մինչև իրական սեփականատերերը չներկայանան, իրավունք չունենան լիցենզիա ստանալ, կարծիք է հայտնել նաև և կարևորել օրենքիՙ օր առաջ ընդունումը: