16:34 18.12.2017
Բանակից տարկետման վերացման դեմ բողոքող և ԵՊՀ-ում հացադուլ սկսած ուսանողների մասին Tert.am-ի հետ զրույցում ԵՊՀ ռեկտոր Արամ Սիմոնյանն ասել է, որ նրանց հետ բանակցելու ցանկություն չունի և դրա իմաստը չի տեսնում:
«Անբավարար առաջադիմությամբ հեռացված ուսանողը հիմա որոշել է գիտության համար պայքարել, ծիծաղելի չէ՞ դա: Նա ընդհանրապես կապ չունի ԵՊՀ-ի հետ: Հիմա, որ գնացել մտել են լսարան, ի՞նչ անեմ: Ես ընդհանրապես ուշադրություն չեմ դարձնում: Ավանտյուրա են անում, հիմա ես ի՞նչ անեմ: Կզզվեն իրենց արածից, կթողեն կգնան»,-ասել է ԵՊՀ ռեկտորը՝ նշելով, որ հացադուլի մասնակիցներից մեկը՝ Յուրի Ավագյանը, այժմ բուհի ուսանող չէ, անբավարար առաջադիմության պատճառով հեռացվել է համալսարանից:
Արամ Սիմոնյանը միաժամանակ կասկած է հայտնել, որ հացադուլ անող երիտասարդները իրականում հաց չեն ուտում: «Հանուն գիտության զարգացման» նախաձեռնության անդամ Դավիթ Պետրոսյանի մասին ռեկտորն ասել է, որ նա փակվել է լսարաններից մեկում: «Եթե որոշել է սոված մնալ, թող մնա: Ուսանողները զբաղված են իրենց ամենօրյա գործունեությամբ, ստուգարքներն ու քննությունները պետք է թողնեն գնան միանան նրանց որ ի՞նչ, ինչի՞ համար: Այդ տղաները սպառել են իրենց, դա արդեն ժամանակավրեպ գործ է »,-ասել է Սիմոնյանը:
«Հանուն գիտության զարգացման» նախաձեռնության երկու անդամները հայտարարություն են արել իրենց հացադուլի մասին՝ նշելով, որ իրենց առաջարկները մեկ ամիս է, ուղղակի քննարկման փուլում են, և իրենք հացադուլը շարունակելու են այնքան ժամանակ, քանի դեռ կոնկրետ պատասխան, հայտարարություն կամ առաջարկ չի եղել:
Հացադուլ հայտարարած Յուրի Ավագյանը, որը, ԵՊՀ ռեկտոր Արամ Սիմոնյանի խոսքով, վատ վարքի և բացակայության համար հեռացվել է բուհից, հայտարարել է, որ իրենց պահանջն լիազորված մարդկանց, կրթության և գիտության նախարարության, պաշտպանության նախարարության հետ որոշեն գերակա ուղղությունները, և արժանի, մոտենցիալ ունեցող մարդկանց տրամադվի տարկետման իրավունք:
Հիշեցնենք, որ ԵՊՀ ֆիզիկայի ֆակուլտետի լսարաններից մեկում հացադուլ հայտարարած երկու երիտասարդները պահանջում են պահպանել տարկետման իրավունքը և ընդամենը վերացնել այդ իրավունքի տրամադրման ճանապարհին առկա կոռուպցիոն երևույթները:
16:30 02.08.2025
Սյունիքի մարզի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ին, Սյունիքի մարզի Մեղրի և Ագարակ քաղաքներում, Տաշտուն, Վարդանիձոր, Լեհվազ, Կարճևան, Շվանիձոր, Վահրավար, Ալվանք, Նռնաձոր, Լիճք բնակավայրերում փորձարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
16:16 02.08.2025
Միակ հարվածը դարպասին ավարտվել է գոլով․ «Արսենալ»-«Տոտենհեմ» խաղի վիճակագրությունըԱնգլիական «Արսենալն» ու «Տոտենհեմը» Հոնկոնգում անցկացրել են ընկերական խաղ, որտեղ հաջողությունն ուղեկցել է Թոմաս Ֆրանկի գլխավորած թիմին՝ 1-0: Միակ գոլն առաջին կեսի ավարտին խփել է սենեգալցի Պեպե Սարը: «Արսենալը» կատարել է 16 հարված, «Տոտենհեմը»՝ 6, սակայն թիմերը դարպասին կատարել են ընդամենը մեկական հարված, «Տոտենհեմինը» եղել է արդյունավետ: Արտետայի թիմն հաջորդ ընկերական խաղում օգոստոսի 6-ին ուժերը […] ...
15:58 02.08.2025
Ժամը 15:50 դրությամբ Երևանում +41 աստիճան է. ՍուրենյանԺամը 15:50 դրությամբ Երևանում +41 աստիճան է: Այս մասին ֆեյսբուքյան իր էջում գրել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը: ...
15:46 02.08.2025
Վեդիում բախվել են մարդատար «Գազել»-ը և «ՎԱԶ 2121»-ը․ կա տուժածԱյսօր՝ օգոստոսի 2-ին, ավտովթար է տեղի ունեցել Արարատի մարզում։ Ժամը 11։10-ի սահմաններում Վեդի քաղաքի Արարատյան փողոցում բախվել են Երևանի բնակիչ 63-ամյա Գագիկ Բ․-ի վարած «Գազել» մակնիշի և Արարատի մարզի բնակիչ 59-ամյա Ռաֆիկ Հ․-ի վարած «ՎԱԶ 2121» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի հոգի տեղափոխվել է «Վեդի» բժշկական կենտրոն։ Վթարի փաստով Վեդիի […] ...
15:30 02.08.2025
Վաչե Հովակիմյանը լրացրել է իր առաջին միջազգային վարպետի նորմանՖԻԴԵ-ի վարպետ Վաչե Հովակիմյանը Սերբիայում անցկացված RUDAR XL-IM ROUND ROBIN շախմատի մրցաշարում լրացրել է իր առաջին միջազգային վարպետի նորման։ Այս մասին հայտնում է Հայաստանի շախմատի ֆեդերացիան: Վաչեն 9 հնարավորից վաստակել է 7 միավոր, գրավել առաջին տեղն ու 41 կետով բարելավել իր միջազգային վարկանիշը: ...
15:16 02.08.2025
Արդյո՞ք տուրիզմը կարող է դառնալ Հայաստանի տնտեսության շոգեքարշերից մեկը. Հեռանկար բանավեճՄասնագետները համարում են, որ տուրիզմի ոլորտը կարող է դառնալ Հայաստանի տնտեսության շոգեքարշերից մեկը։ Ի՞նչ է արվում, որ դա իրականություն դառնա։ Արդյո՞ք մեր երկիրն ի վիճակի է տարեկան 3 միլիոն զբոսաշրջիկ գրավել։ Եղած ենթակառուցվածքը թույլ կտա՞ ապահովել մատուցվող ծառայությունների այն որակը, որի դեպքում զբոսաշրջիկները Հայաստանում տարեկան 3 մլրդ դոլար կթողնեն։ Այս թեմաների մասին իրենց կարծիքն են […] ...
