20:00 27.04.2020
Գյումրիի Շիրակացի փողոցի 35 Դոս շենքի բակում հերթական փլուզումն է տեղի ունեցել: Փլվել է շենքի` որպես կոյուղի ծառայող սեպտիկ հորի եզրային հատվածը:
1960-ականներին կառուցված երկհարկանի շենքում, այն ժամանակ նախատեսված չի եղել ջրահեռացման և ջրամատակարարման ներքին ցանցեր: 88-ի երկրաշարժից հետո, երբ անօթևան բնակիչներ են տեղափոխվել շենք բնակության, վերջիններս իրենց միջոցներով կենցաղային խնդիրների բարելավման համար կառուցել են սանհանգույցներ, իսկ ջրահեռացման խնդիրն էլ լուծել են սեպտիկ հորերի կառուցմամբ:
Մի քանի օր է, ինչ բնակիչները նկատել են, որ սեպտիկ հորի հողային զանգվածը կամաց-կամաց փլվում է, այսօր արդեն փլուզումը մեծ մասշտաբներ է ընդգրկել: Շիրակի մարզային փրկարարական վարչության փրկարարները փլուզված տարածքը, անվտանգությունից ելնելով սահմանազատել են, բայց դա ընդամենը ժամանակավոր է:
«Մենք երկար տարիներ է` ապրում ենք այստեղ, կոյուղի չունենք, սա է մեր կոյուղին, մենք ենք փորել, երբ լցվում է, մասնագետներ ենք կանչում, գալիս մաքրում են: Բայց վերջին տարիներին վտանգավոր է դարձել, հողը խոնավանում է ու փլուզումը պատրաստ է: Մենք ինչ կարող ենք անել, հազար անգամ դիմել ենք, որ գոնե օգնեն մեր շենքին էլ կոյուղատար ցանց կառուցվի, բայց այդպես էլ ոչինչ չեն անում»,- SHANTNEWS.am-ի հետ զրույցում ասել է շենքի բնակիչներից Աստղիկ Մելքոնյանը:
35 Դոսում բնակվում է 2 ընտանիք, 10 բնակչով: Մարիամ Խաչատրյանի խոսքերով՝ խնդրով գրավոր դիմել են, թե քաղաքապետարան, թե «Վեոլիա Ջուր» ընկերությանը: Ներկայացնում են, այն նամակները, որոնք ուղարկել են ինչպես տեղի պատասխանատու մարմիններին, այնպես էլ ՀՀ վարչապետի աշխատակազմին, միայն թե պատասխան նամակների բովանդակությունը չի գոհացնում:
«Մեզի վարչապետի աշխատակազմից պատասխան եկավ, որ իրենք մեր դիմումը նայել են, մենք էլ մարզպետարանից կարող ենք իմանալ՝ ինչ է լինելու: Մարզպետարանից էլ եկավ այս նամակը, որ ջրմուղի ծրագրերից մեկով ջրահեռացման հարցը կլուծվի, բայց երբ՝ չգիտենք, վերջը պիտի հարցը երբևէ լուծվի՞, թե՞ չէ»,- ասել է բնակիչներից Մարիամ Խաչատրյանը:
Քաղաքապետարանի մամուլի բաժնից SHANTNEWS.am-ի թղթակցին փոխանցեցին, որ այն շենքերում, որտեղ կառուցված են սեպտիկ հորեր ու հնարավոր փլուզման վտանգներ կան, քաղաքապետարանի կոմունալ բաժինն անելիք չունի: Իսկ շենքն առհասարակ չի սպասարկվում ոչ մի համատիրության կողմից:
«Վեոլիա Ջուր» ընկերությունից էլ փոխանցեցին, որ խնդրին ծանոթ են, բնակիչների նամակին էլ ի պատասխան ներկայացրել են, որ Շիրակացի Դոս 35 շենքի կոյուղատար ցանցի կառուցումը KFW բանկի ֆինանսավորմամբ իրականացվելիք ծրագրերի շրջանակներում է: Իսկ թե երբ ծրագիրը կմեկնարկի, այս մասին առայժմ ժամկետներ չեն նշվում:
12:42 17.06.2025
Կենտրոնականի ոստիկանները ձերբակալել են մարմնական վնասվածք պատճառած երիտասարդինՀիվանդանոցից ստացվել էր հաղորդում, որ հունիսի 9-ի կեսգիշերին «ստորին ծնոտի կոտրվածք» ախտորոշմամբ բուժօգնության է դիմել 48-ամյա մի տղամարդ: Նա հայտնել էր, թե վնասվածքը ստացել է տանն ընկնելու հետևանքով։ Համայնքային ոստիկանության Կենտրոնական բաժնից մեկնել էր օպերատիվ խումբ: Միջոցառումների արդյունքում պարզվել էր, որ մայրաքաղաքի Իսրայելյան փողոցում անձնական հարցերի շուրջ ծագած վիճաբանության ընթացքում նրան հարվածներ է հասցրել Ռուսթավելու […] ...
12:35 17.06.2025
ՀՀ ԱԳՆ գլխավոր քարտուղարը հանդիպել է Ֆրանսիայի պատվավոր հյուպատոսի հետՀունիսի 17-ին ՀՀ արտաքին գործերի նախարարության գլխավոր քարտուղար Դավիթ Կարապետյանը ընդունել է Գորիսում Ֆրանսիայի պատվավոր հյուպատոս Կարմեն Ափունցին: Հանդիպմանը Դավիթ Կարապետյանը շնորհավորել է Կարմեն Ափունցին՝ պատվո հյուպատոսի պաշտոնում նշանակվելու կապակցության, երկուստեք կարևորվել է Սյունիքում Ֆրանսիայի պատվավոր հյուպատոսի գրասենյակի բացումը: ՀՀ ԱԳ նախարարության գլխավոր քարտուղարը ընդգծել է ապակենտրոնացված համագործակցության կարևորությունը երկկողմ հարաբերությունների զարգացման համատեքստում: Քննարկվել են […] ...
12:27 17.06.2025
Արարատի մարզի Գոռավան բնակավայրի նախկին համայնքապետը ձևական աճուրդ-վաճառքների միջոցով իր և մերձավորների անվամբ գրանցել է սեփականության և վարձակալության իրավունքներԱրարատի մարզի Գոռավան բնակավայրի նախկին ղեկավարը 33 դեպքերով կազմակերպել և անցկացրել է Գոռավանում գտնվող հողատարածքների ձևական աճուրդ-վաճառքներ և մրցույթներ՝ իր, իր ընտանիքի անդամների և մերձավորների անվամբ գրանցելով նույն բնակավայրում գտնվող 543 հա հողատարածքների սեփականության և վարձակալության իրավունքները: Հակակոռուպցիոն կոմիտեում նախաձեռնված քրեական վարույթի շրջանակում պարզվել է, որ Ա.Բ.-ն, 2006 թվականի հոկտեմբերի 1-ից 2021 թվականի դեկտեմբերի 17-ը […] ...
12:20 17.06.2025
Արագածոտնի մարզի Նոր Եդեսիա և Արագածոտն բնակավայրերում գործարկվելու են էլեկտրական շչակներՀունիսի 18-ին՝ ժամը 10:30-ից մինչև 11:00-ն ընկած ժամանակահատվածում, Արագածոտնի մարզի Նոր Եդեսիա, ժամը 11:30-ից մինչև 12:00-ը՝ Արագածոտն բնակավայրերում անցկացվելու են «Ազդարարում, տարհանում, պատսպարում» թեմայով ուսումնական վարժանքներ, որոնց ընթացքում գործարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
12:14 17.06.2025
Օպերատիվ իրավիճակը հանրապետությունում հունիսի 16-17-ըԲացահայտվել է 123 հանցագործություն, որոնցից 8-ը՝ նախկինում կատարված: Մասնավորապես՝ ☑️ 42 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, ☑️10 դեպք՝ խարդախության, ☑️8 դեպք՝ անձնական ունեցվածքի գողության, ☑️7 դեպք՝ ֆիզիկական ներգործության, ☑️6 դեպք՝ մարմնական վնասվածք պատճառելու, ☑️4-ական դեպք՝ հոգեկան ներգործության ու շրջանառությունն արգելված թմրամիջոցներ, […] ...
12:08 17.06.2025
Իրանը հայտարարել է Իսրայելի ռազմավարական դիրքերի ոչնչացման մասինԻրանի բանակը հայտարարել է Իսրայելի ռազմավարական դիրքերի ոչնչացման մասին Թել Ավիվում և Հայֆայում, հայտնել է Իրանի բանակի ցամաքային զորքերի հրամանատար Կիյումարս Հեյդարին։ «Անցած օրվա ընթացքում տարբեր տեսակի ճշգրիտ և ավերիչ անօդաչու թռչող սարքերը ոչնչացրել են Իսրայելի ռազմավարական դիրքերը Թել Ավիվում և Հայֆայում», – նրա խոսքերն է մեջբերում Իրանի պետական հեռարձակող IRIB-ը։ ...
