12:20 06.05.2020
ԱԺ «Բարգավաճ Հայաստան» խմբակցության անդամ Նաիրա Զոհրաբյանը խորհրդարանի այսօրվա նիստի ժամանակ ՀՀ վարչապետ Նիկոլ Փաշինյանին դիմեց՝ խնդրելով դիրքորոշում հայտնել ԼՂ խնդրի վերաբերյալ: Պատգամավորը հիշեցրեց՝ եղել են հայտարարություններ ՌԴ ԱԳ նախարար Սերգեյ Լավրովի, Ադրբեջանի պաշտպանության նախարար Զաքիր Հասանովի կողմից:
«Հայաստանի ոչ մի ղեկավար այդքան մանրամասն ԼՂ հարցի վերաբերյալ դիրքորոշում չի հայտնել, որքան ես եմ հայտնել, ոչ մի ղեկավար այդքան հաճախ դիրքորոշում չի հայտնել, որքան ես եմ հայտնել: ՀՀ ոչ մի ղեկավար ԼՂ հարցի կապակցությամբ այնքան հրապարակային և թափանցիկ չի եղել, որքան ես, այդ թվում՝ այս ամբիոնից: Իմ դիրքորոշումները, ՀՀ կառավարության դիրքորոշումներն իրենք գոյություն ունեն այնքանով, որքանով մեր դիրքորոշումներն են, այսինքն՝ մեր դիրքորոշումը գոյություն ունի՝ անկախ նրանից, թե աշխարհում էլ ուրիշ ի՞նչ դիրքորոշումներ գոյություն ունեն:
Աշխարհում բազմաթիվ դիրքորոշումներ գոյություն ունեն՝ անկախ մեր դիրքորոշումից, այս ողջ կարգավորման պրոցեսը նրա համար է, որ փորձենք պատասխանել մի հարցի՝ կարո՞ղ ենք մոտեցնել դիրքորոշումներն իրար, կարո՞ղ ենք ձևակերպել ընդհանուր դիրքորոշում, և այս ամենի մեջ ես ևս երկու կարևոր կոմպոնենտ եմ մտցրել՝ ԼՂ հարցի որևէ լուծում չի կարող գործնականում դառնալ լուծում, եթե դա ընդունելի չէ ՀՀ ժողովրդի, ԼՂ ժողովրդի համար, այդ թվում՝ ԱԺ համար»,- ասաց նա:
Վարչապետը շեշտեց՝ դա ոչ թե իր բարի ցանկությունից է այդպես, այդպես է ի բնե:
«Չի կարող լինել լուծում՝ առանց ձեզ, եթե լուծումը կամ հնարավոր լուծման տարբերակ լինի այս խորհրդարանի գործունեության ընթացքում: Ո՞նց եք պատկերացնում, դա հնարավոր չէ: Բայց ես ավելի հեռուն եմ գնացել՝ ասել եմ, որ չի կարող լինել լուծում, որը կարող է տեսականորեն իրագործվել: Դա այն լուծումն է, որ ընդունելի է Հայաստանի, Արցախի, Ադրբեջանի ժողովրդի համար: Քանի դեռ այսպիսի լուծում չի ձևակերպվել, սկզբում՝ ՀՀ անվտանգության խորհրդին, հետո ԱԺ-ին, զուգահեռ նաև Արցախի անվտանգության խորհրդին, կառավարությանը, իշխանությանը և ԱԺ-ին քանի դեռ չենք եկել, ասել՝ ժողովո՛ւրդ ջան, կարծում ենք՝ այսպիսի լուծում կա, եկեք, դռնփակ նիստ անենք, առաջարկենք՝ գնա՞նք, թե՞ չգնանք, մենք այսպիսի առաջարկով կգանք միայն այն պարագայում, երբ տեսնենք՝ տարբերակ կա, որը սկզբունքորեն կարող է քննարկելի, ընդունելի լինել, քանի դեռ չենք եկել, մնացածը դիրքորոշումներ են»,- ասաց նա:
Փաշինյանը հիշեցրեց՝ ինքն իր դիրքորոշումը հայտնել է՝ սկսած 2018թ. մայիսի 8-ից, մինչ օրս ոչ մի բան, նույնիսկ մի ստորակետ ո՛չ պակասացնելու, ո՛չ ավելացնելու անհրաժեշտություն չի տեսնում:
16:49 14.05.2025
Քննարկվել են ՀՀ և Վրաստանի միջև առևտրատնտեսական հարաբերությունների ընդլայնմանն առնչվող հարցերՄայիսի 14-ին Վրաստանում ՀՀ դեսպան Աշոտ Սմբատյանը հանդիպեց Վրաստանի խորհրդարանի Ոլորտային էկոնոմիկայի և տնտեսական քաղաքականության հանձնաժողովի նախագահ Շոթա Բերեկաշվիլիի հետ։ Հանդիպմանը քննարկվեցին ՀՀ և Վրաստանի միջև առևտրատնտեսական հարաբերությունների ընդլայնմանն առնչվող հարցեր։ ...
16:35 14.05.2025
Ազգային ժողովի խորհրդի համաձայնությամբ կգումարվի ԱԺ արտահերթ նիստՀՀ Ազգային ժողովի խորհուրդը մայիսի 14-ին գումարել է արտահերթ նիստ: Այն վարել է խորհրդարանի նախագահի տեղակալ Հակոբ Արշակյանը: ԱԺ խորհուրդը համաձայնություն է տվել մայիսի 15-ին` ժամը 11:00-ին, նախաձեռնողի սահմանած օրակարգով եւ ժամկետում Ազգային ժողովի արտահերթ նիստ գումարելուն: ...
16:27 14.05.2025
Սաուդյան Արաբիան հույս ունի, որ ԱՄՆ-ի և Իրանի միջև բանակցությունները հաջողությամբ կավարտվենՍաուդյան Արաբիան հույս ունի, որ ԱՄՆ-ի և Իրանի միջև բանակցությունները հաջողությամբ կավարտվեն՝ Իրանի միջուկային ծրագրի շուրջ ստեղծված ճգնաժամը կարգավորելու համար։ Այս մասին հայտարարել է Սաուդյան Արաբիայի արտաքին գործերի նախարար, արքայազն Ֆեյսալ բին Ֆարհան Ալ Սաուդը։ «Թագավորությունը լիովին աջակցում է ԱՄՆ-ի և Իրանի միջև միջուկային բանակցությունները: Մենք հույս ունենք տեսնել բանակցային գործընթացի առաջընթացը և դրա հաջող […] ...
16:21 14.05.2025
Անահիտ Ավանեսյանը հերթական հանդիպումն է ունեցել ԼՂ-ից բռնի տեղահանված մի խումբ կանանց հետԱռողջապահության նախարար Անահիտ Ավանեսյանը հերթական հանդիպումն է ունեցել ԼՂ-ից բռնի տեղահանված մի խումբ կանանց հետ: «Մեր հանձնառությունն է հնարավորինս հեշտացնել ձեր բուժօգնություն ստանալու գործընթացը, հարթել արհեստական դժվարություններ առաջացնող խնդիրները, իրազեկել առողջապահական ծրագրերի մասին»,- նշել է նախարարը` հավելելով, որ շարունակական այս հանդիպումների նպատակը տեղահանված մեր հայրենակիցների առողջապահական խնդիրների մասին հենց առաջին ձեռքից իմանալն է: Պետական պատվերից […] ...
16:16 14.05.2025
Հակոբ Սիմիդյանն ընդունել է Հայաստանում Իտալիայի դեսպանինՇրջակա միջավայրի նախարար Հակոբ Սիմիդյանն ընդունել է Հայաստանի Հանրապետությունում Իտալիայի Հանրապետության արտակարգ և լիազոր դեսպան Ալեսսանդրո Ֆերրանտիին։ Հանդիպման ընթացքում կողմերը քննարկել են բնապահպանության ոլորտում երկու երկրների միջև համագործակցության ընդլայնման հնարավորությունները։ Կարևորվել է համատեղ ծրագրերի և փորձի փոխանակման խթանումը՝ հաշվի առնելով Հայաստանի և Իտալիայի միջև առկա փոխվստահության մթնոլորտը և ընդհանուր օրակարգային մարտահրավերները։ Նախարար Սիմիդյանը ներկայացրել է […] ...
16:05 14.05.2025
Վանաձորում և Ալավերդիում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիանՄթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ գրեթե ամբողջ շաբաթ, Վարդանանց փողոցի հարակից տարածք՝ մայիսի 5-ին և 6-ին, Հերացի փողոցի հարակից տարածք՝ մայիսի 6-ին, 8-ին և 9-ին: Ալավերդի քաղաքում՝ Սանահին սարահարթ, Գայի փողոցի հարակից տարածք՝ մայիսի 7-ին և 9-ին, Սայաթ Նովա փողոցի հարակից տարածք՝ մայիսի 4-ին, Դեբեդի […] ...
