Գագիկ Ծառուկյանի կալանքի հարցով քննությունը հետաձգվեց

Րոպեներ առաջ Երևանի ընդհանուր իրավասության դատարանի Շենգավիթի նստավայրից դուրս եկավ ԲՀԿ առաջնորդ Գագիկ Ծառուկյանը: Այս մասին հայտնում է SHANTNEWS.am-ի թղթակիցը:

ԲՀԿ առաջնորդը դարձյալ պնդեց, որ իր հասցեին հնչող բոլոր մեղադրանքերը շինծու են:

«Լրիվ սուտ է: Շինծու գործ է: Սա հետ-առաջ, իր տեղը ունենալու է, ես նորից եմ ասում, ասել եմ՝ սա քաղաքական սարքած գործ է, հունիսի 5-ի հետ կապված, երբ հայտարարել եմ՝ տեսնելով երկրի վիճակը, տնտեսության, պետության, համաճարակի…

Ասել եմ, ասում եմ՝ սարքած գործ է, դատավարությունը գնում է»,-  լրագրողների հետ զրույցում ասաց Ծառուկյանը՝ ընդգծելով, որ անկած ճնշումներից՝ իր խոսքը պահում է:

Անդրադառնալով իր քրգործին՝ Ծառուկյանը հայտնեց, որ փաստաբանները կներկայացնեն, թե ինչ է եղել իրականում.

«Միայն այս գործի համար հարյուր քանի քննիչ 2 օրում… Սա ի՞նչ տեռոր էր։ Չկա մեկը, որ ասի՝ Ծառուկյանը կապ ունի կամ Ծառուկյանը գումար է տվել։ Դեպքը եղել է փետրվարի 4-ին, Վազգենին ստուգելով… գործը եղել, պրծել է, ոչ մի քննություն չի եղել ու անմիջապես իմ ելույթից հետո 120 քննիչ խառնվել են այդ գործին …

Սխալ որոշումներ կայացնողները օրենքի առաջ պատասխան են տալու: Փաստաբանները ձեզ փաստացի, դոկումենտալ կներկայացնեն: Ես անձնական շահ չունեմ, ես ասել եմ՝ ինչ երկրի իրավիճակում տիրում ա: Ոչ մի խոստում չի կատարվի երկրում: Երկիրը անդունդի մեջ ա: Բոլորդ էլ գիտեք, բոլորդ էլ տեսնում եք: Էսօրվա վիճակը տնտեսական, սոցիալական, քաղաքական՞ Ժողովուրդը սովի ա գնալու: Ոչ մի լավ բան չի սպասվում»,- խոսքը եզրափակեց Ծառուկյանը:

Գագիկ Ծառուկյանի կալանավորման հարցի քննությունը կշարունակվի վաղը՝ ժ. 10։30-ին։