19:00 23.11.2020
Պատերազմի ավարտից հետո սկսվում է ծանր ու երկարատև գործընթաց՝ գերիների ու զոհվածների մարմինների վերադարձ, անհետ կորածների որոնում: Այդ գործընթացն իրականացվում է Կարմիր խաչի միջազգային կոմիտեի աջակցությամբ: Թե քանի գերեվարված անձ կա հակառակորդ կողմում, առայժմ տվյալներ չեն հրապարակվում: Բանակցությունները ադրբեջանական կողմի հետ ու նաև այցելություններն այդ անձանց շարունակվում են։
Կարմիր խաչի միջազգային կոմիտեի հայաստանյան ներկայացուցիչները դեռ հոկտեմբերից են սկսել այցելել նրանց: Հասկանալի է, որ այդ մարդկանց հոգեկան և ֆիզիկական վիճակի մասին ևս տվյալներ չեն հրապարակվում՝ առայժմ:
«Ընդհանրապես, Կարմիր խաչի միջազգային կոմիտեի գործունեությունը, հատկապես այս ժամանակահատվածում, հատկապես գերեվարված անձանց ու զոհվածների մարմինների որոնման ուղղությամբ, հիմնականում հրապարակային չէ»,- նշում է ԿԽՄԿ հայաստանյան պատվիրակության հաղորդակցման ծրագրերի ղեկավար Զառա Ամատունին՝ ընդգծելով, որ չեզոք, անկախ և մարդասիրական կազմակերպությունը աշխատում է կողմերի միջև երկխոսության սկզբունքով, ու եթե ինչ-որ խնդիրներ չեն հարթվում մյուս կողմի հետ, կրկին հրապարակման ենթակա չէ, ու կրկին միակ միջոցը մնում է երկխոսությունը:
Թե՛ հայաստանյան և թե՛ ադրբեջանական կողմից սկսվել է աճյունների որոնման աշխատանք: Կարմիր խաչի մասնագետները մասնակցում են, սակայն կրկին տվյալներ չեն հրապարակում: Ժամանակացույց կամ ժամկետներ ևս չեն նշվում՝ շաբաթներ, անգամ ամիսներ կարող է տևել:
«Գերիների ու աճյունների վերադարձի մասին որոշում կայացնողները երկու երկրների կառավարություններն են: Կարմիր խաչն օժանդակող և խորհրդատվություն տրամադրող կազմակերպություն է»,- ասում է Զառա Ամատունին: Այդ գործընթացի ավարտից ու արդյունքները ամփոփելուց հետո սկսվում է էլ ավելի բարդ աշխատանք՝ անհետ կորածների որոնումները: Դա արդեն կարող է տևել տարիներ:
Բանն այն է, որ մենք դեռ չենք փակել նախորդ պատերազմի ժամանակ անհետ կորածների որոնման էջը: Դեռ զոհերին արտաշիրիմելու և նույնականացնելու գործընթաց է շարունակվում: Մեկ այլ խնդիր էլ վերջին օրերին համացանցում տարածվող լուսանկարներն ու տեսանյութերն են, կորած ու որոնվող զինծառայողների մասին:
Զառա Ամատունին ասում է, որ այդպիսի լուսանկարներ և տեսանյութեր տարածելու փոխարեն ավելի արդյունավետ է աշխատել համապատասխան կառույցների հետ: «Բացի դրանից՝ կա նաև հոգեբանական կողմ՝ ի վերջո այդ մարդիկ չեն տվել իրենց համաձայնությունը հանրային հարթակում ներկայացվելու համար»,- նշել է ԿԽՄԿ հայաստանյան պատվիրակության հաղորդակցման ծրագրերի ղեկավարը:
13:25 22.06.2025
Առաջիկա օրերի եղանակային կանխատեսումը
23:59 22.06.2025
ՀՀ օդերևութաբանական կայաններում գամմա-ֆոնի դիտված արժեքների փոփոխություններ չեն դիտվելՇՄՆ Հիդրոօդերևութաբանության և մոնիթորինգի կենտրոն ՊՈԱԿ-ի կողմից 24/7 ռեժիմով շարունակվում են պետական նշանակության հիդրոօդերևութաբանական աշխատանքների կատարումը՝ այդ թվում ֆոնային գամմա-ճառագայթման դոզայի հզորության ամենօրյա չափումները, համաձայն ՀՀ կառավարության 30․05․2024թ․ 826-Լ որոշման պահանջների։ Հունիսի 21-22-ին օդերևութաբանական կայաններում գամմա-ֆոնի դիտված արժեքների փոփոխություններ չեն դիտվել և գտնվել են 14-20 միկրոռենտգեն/ժամ տիրույթում։ ...
23:44 22.06.2025
«Մանչեսթեր Սիթին» տուգանվել է շուրջ 2 միլիոն ֆունտ ստերլինգովԱնգլիական Պրեմիեր լիգան տուգանել է «Մանչեսթեր Սիթիին» հանդիպումները ժամանակին սկսելու և վերսկսելու պարտավորության վերաբերյալ մրցաշարի ընթացակարգը խախտելու բազմաթիվ դեպքերի պատճառով։ Անցած առաջնությունում «Մանչեսթեր Սիթին» այդ կանոնը խախտել է 9 անգամ և ստիպված կլինի վճարել 2,09 միլիոն ֆունտ ստերլինգ տուգանք։ հատկանշական է, որ մանչեսթերյան ակումբը չի վիճարկել տուգանքը և ընդունել է մեղավորությունը։ Պրեմիեր լիգան հիշեցնում է, […] ...
23:29 22.06.2025
Հայաստանյայց Առաքելական Սուրբ Եկեղեցին նշեց Կաթողիկե Սուրբ Էջմիածնի տոնըՀունիսի 22-ին Հայաստանյայց Առաքելական Սուրբ Եկեղեցին նշեց Կաթողիկե Սուրբ Էջմիածնի տոնը: Այն Սուրբ Գրիգոր Լուսավորչի տեսիլքով Կաթողիկե Սուրբ Էջմիածնի հիմնադրման տոն է։ Բերկրառատ օրվա առիթով Միածնաէջ Մայր Տաճարում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ, մատուցվեց Սուրբ և Անմահ Պատարագ։ Պատարագիչն էր Մայր Աթոռ Սուրբ Էջմիածնի երիցագույն միաբաններից Գերաշնորհ Տ ․ Հայկազուն […] ...
23:20 22.06.2025
ՄԱԿ-ը կոչ է անում Իրանին թույլատրել ՄԱԳԱՏԷ-ի տեսուչներին մուտք գործել միջուկային օբյեկտներՄԱԿ-ը կոչ է անում Իրանին թույլատրել Ատոմային էներգիայի միջազգային գործակալության (ԱԷՄԳ) տեսուչներին մուտք գործել երկրի միջուկային օբյեկտներ՝ ԱՄՆ-ի հարվածներից հետո պատճառված վնասը գնահատելու համար, հայտարարել է ՄԱԿ-ի գլխավոր քարտուղարի օգնական Միրոսլավ Յենչան։ «Ես կոչ եմ անում Իրանին թույլատրել ՄԱԳԱՏԷ-ի տեսուչներին մուտք գործել օբյեկտներ՝ վնասի գնահատում անցկացնելու համար, հենց որ անվտանգության պայմանները թույլ տան», – ասել […] ...
22:58 22.06.2025
Վարչապետը հետևել է «Դպրոցականների բասկետբոլի լիգա» մարզական խաղերի եզրափակիչ փուլի հանդիպմանըՎարչապետ Նիկոլ Փաշինյանը Երևանի Սպորտի կառավարման կենտրոնի բասկետբոլային մարզադահլիճում հետևել է «Դպրոցականների բասկետբոլի լիգա» մարզական խաղերի 2025 թվականի եզրափակիչ փուլի հանդիպմանը: Մրցաշարը նպատակ ունի խթանելու առողջ ապրելակերպը, զարգացնելու բասկետբոլի նկատմամբ հետաքրքրությունը դպրոցականների շրջանում, ինչպես նաև բացահայտելու տաղանդավոր և հեռանկարային մարզիկներին։ Վարչապետը շնորհավորել է բոլորին մրցաշարի առիթով և հույս հայտնել, որ այն առաջիկա տարիներին անպայման կշարունակվի: […] ...
22:30 22.06.2025
Էլեկտրաէներգիայի պլանային դադարեցումներ՝ Երևանի և մարզերի մի շարք հասցեներում«Հայաստանի էլեկտրական ցանցեր» ՓԲԸ-ն տեղեկացնում է, որ հունիսի 23-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը․ Երևանի Էրեբունի վարչական շրջան՝ 10։00-16։00 Մուշական փ. 2, 4, 5, 6 առանձնատներ և հարակից ոչ բնակիչ-բաժանորդներ, 11:00-16:00 Խորենացու փողոցի առանձնատներ, Խորենացու փ. 72 շենք , Տիգրան Մեծի պող. 39, 41, 43 շենքեր և ոչ բնակիչ-բաժանորդներ, Արմավիրի […] ...
