10:26 08.12.2020
ՀՀ կրթության, գիտության, մշակույթի և սպորտի նախարարության աջակցությամբ «Հարմոնիում» երաժշտական զարգացման կենտրոնը հոկտեմբերի 10-ից նոյեմբերի 26-ն իրականացրել է «Harmonium OnlinePlus» միջազգային երաժշտական մրցույթը (IMC): Մրցույթն անցկացվել է «Դաշնամուր» և «Լարային գործիքներ» անվանակարգերում։ Յուրաքանչյուրը բաղկացած էր երկու փուլից և ընդգրկում էր չորս տարիքային խմբեր:
Մրցույթին մասնակցել են 31 երկրների 102 երիտասարդ երաժիշտներ, Հայաստանից՝ 25 հոգի:
Հայ երիտասարդները ևս մեկ անգամ փայլել են երաժշտական միջազգային ասպարեզում՝ գրանցելով հերթական հաղթանակներն ու հաջողությունները և պահպանելով իրենց առաջատար դիրքերը միջազգային կատարողական արվեստում: Մասնավորապես Մարտին Շահբազյանը (դաշնամուր) արժանացել է «բացարձակ հաղթող» տիտղոսին՝ Գրանդ պրի մրցանակին, Դավիթ Բաբայանը (ջութակ)՝ 1-ին մրցանակին (beginners կատեգորիա), Արտյոմ Իոանիսյանը (թավջութակ) նվաճել է 1-ին մրցանակը (young artists կատեգորիա), Ֆելիքս Հարությունյանը (ջութակ)՝ 2-րդ մրցանակը (masters կատեգորիա), իսկ Մարի Դանիելյանը (դաշնամուր)՝ 3-րդ մրցանակը (juniors կատեգորիա):
Ժյուրիի ուշադրությանն են արժանացել դաշնակահարներ Ալեքս Գրիգորյանը, Էդգար Մխիթարյանը, Սվետլանա Հակոբյանը, Մարի Շարբաթյանը, ջութակահար Օվսաննա Հարությունյանը, որոնք տարբեր կատեգորիաներում արժանացել են 4-6 մրցանակների:
«Մեկնարկ» տաղանդի զարգացման նպատակային ծրագրի անդամները ևս ակտիվ մասնակցել են մրցույթին՝ ցուցաբերելով փայլուն արդյունքներ: Մասնավորապես Հայկ Ջուլհակյանը (դաշնամուր) արժանացել է 1-ին մրցանակին (beginners կատեգորիա), Էլեն Խաչիկյանը (դաշնամուր)՝ 2-րդ (juniors կատեգորիա), Արթուր Գրիգորյանը (դաշնամուր)՝ 2-րդ (young artists կատեգորիա), Անդրեյ Կուրբետը (դաշնամուր)՝ 3-րդ (young artists կատեգորիա), Արմեն Պուչինյանը (դաշնամուր)՝ 4-րդ (young artists կատեգորիա), Խաչիկ Անդրեասյանը (դաշնամուր)՝ 3-րդ (masters կատեգորիա), Լիանա Ուլիխանյանը (թավջութակ)՝ 2-րդ (beginners կատեգորիա), Անի Մելիքյանը (ջութակ)՝ 1-ին (juniors կատեգորիա), Ալեքս Գրիգորյանը (թավջութակ) 2-րդ (juniors կատեգորիա), Պոլինա Շարաֆյանը (ջութակ)՝ 2-րդ (young artists կատեգորիա), Միքայել Կարախանյանը (թավջութակ)՝ 3-րդ (young artists կատեգորիա), Ասյա Անիսիմովան (ջութակ)՝ 4-րդ (young artists կատեգորիա):
Միջազգային հանձնաժողովի կազմում ընդգրկված էին անվանի երաժիշտներ Վլադիմիր Օվչիննիկովը (Ռուսաստան), Թամաշ Ունգարը (ԱՄՆ), Հայու Ժանգը (Գերմանիա/Չինաստան), Վաչե Շարաֆյանը (Հայաստան), Գեորգ Համմանը (Ավստրիա), Գաբրիելե Պիերանունզին (Իտալիա), Օլե Ակահոշին (Ճապոնիա), Էդուարդ Թոփչյանը (Հայաստան): Մրցույթի գեղարվեստական ղեկավարն է Արմեն Բաբախանյանը (Հայաստան):
«Harmonium OnlinePlus» երաժշտական միջազգային մրցույթի ողջ ընթացքին, ելույթներին, ժյուրիի գնահատականներին և արդյունքներին կարելի է ծանոթանալ www.harmoniumonlineplus.com պաշտոնական կայքէջում:
14:20 04.08.2025
Պարկում նռնակ, «Նագան» և սվին դանակ. զենք-զինամթերքի կամավոր հանձնում Սևանի բաժնումՀուլիսի 31-ին Պարեկային ծառայության Գեղարքունիքի մարզի գումարտակի 1-ին վաշտի հրամանատարին է դիմել Սևան քաղաքի մի բնակիչ: Նա հայտնել է, որ պապական տան գոմի տանիքը մաքրելիս գտել են պարկի մեջ լցված զենք-զինամթերք, որը պատկանում է հանգուցյալ պապին։ Համայնքային ոստիկանության Սևանի բաժնում պարկը բացվել է փորձագետի մասնակցությամբ: Պարկում կային սվին դանակ, «Նագան» տեսակի թմբուկավոր ատրճանակ, «Ֆ-1» տեսակի […] ...
14:12 04.08.2025
2 ոսկե և 2 բրոնզե մեդալ՝ Մաթեմատիկական միջազգային ուսանողական օլիմպիադայումՄաթեմատիկական միջազգային ուսանողական օլիմպիադայում Հայաստանի մասնակիցները նվաճել են 2 ոսկե և 2 բրոնզե մեդալներ: Մաթեմատիկական միջազգային ուսանողական 32-րդ օլիմպիադան (International Mathematics Competition) տեղի է ունեցել հուլիսի 28-ից օգոստոսի 3-ը, որին մասնակցել են աշխարհի 73 համալսարանի թիմեր (434 ուսանողներ): Ռուբեն Համբարձումյանը և Վահրամ Ասատրյանն արժանացել են ոսկե, իսկ Ստեփան Գևորգյանն ու Նարեկ Հովեյանը՝ բրոնզե մեդալների: Ուսանողական […] ...
14:02 04.08.2025
ՃՏՊ՝ հրդեհի բռնկմամբ. կա տուժածՕգոստոսի 4-ին, ժամը 07։09-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Զանգեր» կոչվող հատվածում տեղի է ունեցել ՃՏՊ՝ ավտոմեքենաներից մեկում հրդեհ է բռնկվել․ կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Մեղրի ավտոճանապարհի 168-րդ կմ-ին բախվել են «Kia» և […] ...
13:53 04.08.2025
Խաչանովը հաղթել է Ռուդին և դուրս եկել Տորոնտոյի մրցաշարի քառորդ եզրափակիչՌուսաստանը ներկայացնող հայազգի թենիսիստ, աշխարհի 16-րդ ռակետ Կարեն Խաչանովը Տորոնտոյի «Մասթերսում» դուրս է եկել քառորդ եզրափակիչ: 1/8 եզրափակչում նա 6-4, 7-5 հաշվով հաղթել է 13-րդ ռակետ Կասպեր Ռուդին: Հայ թենիսիստի հաջորդ մրցակիցը կլինի ԱՄՆ-ի ներկայացուցիչ, աշխարհի 34-րդ ռակետ Ալեքս Միխելսենը: ...
13:45 04.08.2025
Վերականգնման աշխատանքներ՝ Շատիվանք վանական համալիրում և Գնդեվազի Սբ Աստվածածին եկեղեցումՀՀ կրթության, գիտության, մշակույթի և սպորտի նախարարության և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնագետներն այցելել են Վայոց ձորի մարզի Շատիվանք վանական համալիր և Գնդեվազի Սբ Աստվածածին եկեղեցի, որտեղ ԿԳՄՍՆ ֆինանսավորմամբ իրականացվում են վերականգնման աշխատանքներ։ Շատիվանքում մասնագետները ծանոթացել են «Հնագիտության և ազգագրության ինստիտուտ» ՊՈԱԿ-ի կողմից ԿԳՄՍ նախարարության ֆինանսավորմամբ իրականացվող պեղումների արդյունքներին։ Մասնավորապես, պեղումների […] ...
13:32 04.08.2025
Հանրապետության որոշ հատվածներում սպասվում է նաև բարձր կարգի հրդեհավտանգ իրավիճակՀարավից արևադարձային տաք օդի ալիքի ներթափանցմամբ պայմանավորված՝ օգոստոսի 4-9-ին Արարատյան դաշտում, Վայոց ձորի նախալեռներում, Սյունիքի հովիտներում և Երևանում սպասվում է բարձր ջերմային ֆոն․ ցերեկը ժամը 16։00-17-00- ն ընկած ժամանակահատվածում՝ +39․․․+41 աստիճան տաքություն։ Նշված հատվածներում, ինչպես նաև Արագածոտնի և Կոտայքի նախալեռներում առաջիկա 5 օրերին սպասվում է նաև բարձր կարգի հրդեհավտանգ իրավիճակ։ ...
