18:15 18.01.2021
«Ձմեռվա բուքին, սառնամանիքին, դպրոցի ճամփան դժվար է, երկար շատերի համար․․․» Թումանյանի հայտնի բանաստեղծությունը լավագույն նկարագիրն է հյուսիսային տարածաշրջանի ձորի գյուղերի: Աշոցքի տարածքի՝ Սալուտ, Բաշգյուղ, Փոքր Սարիար, Կաքավասար, Սարապատ և Ձորաշեն գյուղերն իրարից հեռու են ամենաքիչը 4 և ամենաշատը 15 կմ: 3 գյուղերի աշակերտներն ու ուսուցիչները հասնում են Փոքր Սարիարի միջնակարգ դպրոց: Օրինակ՝ Կաքավասարից ամեն օր ժամանակին դպրոց հասնելու համար ստիպված են հաղթահարել մոտ 3 կմ դժվարանցանելի ճանապարհը: Միջհամայնքային տրանսպորտ չկա։
Աշակերտների նման ուսուցիչների համար ևս դպրոցի ճամփան դժվար է ու երկար։ Հարևան գյուղեր են ու միմյանց միջև համայնքային տրանսպորտ չի գործում։ Մի մասին հաջողվել է իր բնակավայրին մոտ դպրոցում ուսուցիչ աշխատել, մյուսներին՝ առաջարկն ու տարբերակը հեռավոր գյուղեր են հասցրել։
Ուսուցիչների ու աշակերտների համար տրանսպորտային ծախսերի փոխհատուցման ծրագիրը վաղուց է գործում։ Փոխհատուցման բյուջեն ավելացել է, տրանսպորտային ծառայությունների փոխհատուցման կարգում կա ևս մեկ փոփոխություն։ Եթե նախկինում դպրոց հասնելու համար կիլոմետրաժ էր սահմանված, այժմ այդ սահմանափակումը հանված է: Շիրակի մարզի 108 գյուղերի 446 ուսուցիչ և 86 աշակերտ են օգտվում այս ծրագրից:
Գյուղից գյուղ անցնելու համար աշակերտներին ամսական մինչև 16 հազար դրամ է հասնում, այս տարի չափն ավելանում է, միայն թե չգիտեն, թե այդ գումարն ինչպես են բաժանելու-տնօրինելու։ Անցած տարի Կաքավասար, Բաշգյուղ և Փոքր Սարիար գյուղերի աշակերտների և ուսուցիչների համար հատուկ տրանսպորտ է աշխատել: Վարորդ Անդրանիկը մեկ տարի սպասարկել է երթուղին: Աշխատել է պայմանագրով, այս տարի չի աշխատելու, ասում է՝ եկամտաբեր չէ։
Տրանսպորտային ծախսերի փոխհատուցման նոր կարգով ոչ թե 200, այլ օրական 300-ից 400 դրամ է կազմելու յուրաքանչյուր ուսուցչին և աշակերտին տրվելիք գումարը: Բայց այս չափից էլ դժգոհելու պատճառներ ունեն ուսուցիչներն ու աշակերտները։ Եթե ուղևորատար տրանսպորտ չտրամադրվի, օրական ծախսերը չեն կարողանա փոխհատուցել։
Միջհամայնքային երթուղիների հարցը կարգավորել չի լինում։ Հայտարարվող մրցույթներին սպասարկող ընկերությունները հայտեր չեն ներկայացնում, հեռավոր գյուղեր գնալ ծախսերի ու ճանապարհների պատճառով հրաժարվում են։
Խնդիրը նորից բողոքելու առիթ է տվել ուսուցիչներին։ Դիմում-նամակներ են ուղարկել Շիրակի մարզպետարանի կրթության վարչություն, առաջարկություններ են ներկայացրել ԿԳՄՍ նախարարություն՝ վերանայել ծառայությունների մատուցման տրանսպորտային երթուղու պայմանագրերը։
23:23 30.04.2025
ՃՏՊ Երևան քաղաքի Ռուբինյանց փողոցում․ կան տուժածներ
23:12 30.04.2025
Ժամերի ընթացքում կարող է պատերազմ սկսվել Պակիստանի և Հնդկաստանի միջև․ ինչպիսի՞ն կլինի Հայաստանի դիրքորոշումըԵրկու միջուկային գերտերությունների միջև աճող ուժային առճակատումը սպառնում է ողջ մոլորակի կայունությանը: Պակիստանի տեղեկատվության նախարար Աթաուլլա Թարարը հայտարարել է, որ կան հետախուզական հավաստի տվյալներ, որոնք ապացուցում են, որ մոտակա 24 ժամվա ընթացքում Հնդկաստանի զինուժը անցնելու է լայնածավալ հարձակման ու պատերազմն անխուսափելի է: Նրա խոսքերով, Պակիստանը պատրաստ է արժանի հակահարված տալ: Թեմային՝ «Հորիզոնի» տաղավարում անդրադարձել է […] ...
22:42 30.04.2025
Կոտայքի մարզում «Mitsubishi Pickup»-ը բախվել է «Mercedes ML 350»-ին, ինչի հետևանքով վերջինը հայտնվել է զառիթափ լանջին և բախվել հաստաբուն ծառինԱպրիլի 30-ին, ավտովթար է տեղի ունեցել Կոտայքի մարզում։ Ժամը 11։25-ի սահմաններում Քանաքեռավան գյուղում, ժողովրդին հայտնի «Կորեայի ձոր»-ում Երևանի բնակիչ 40-ամյա Գոռ Վ․-ն իր վարած «Mitsubishi Pickup» մակնիշի ավտոմեքենայով բախվել է կայանված վիճակում գտնվող «Mercedes ML 350» մակնիշի ավտոմեքենային, ինչի հետևանքով վերջինը հայտնվել է զառիթափ լանջին և բախվել ծառին։ Ինչպես հայտնում է shamshyan.com-ը, վթարի հետևանքով, ըստ […] ...
22:31 30.04.2025
ՀՀ ԱԳ նախարարի տեղակալ Ռոբերտ Աբիսողոմոնյանի հանդիպումը ՄԱԿ մարդու իրավունքների բարձր հանձնակատարի հետԱպրիլի 30-ին Ժնևում՝ ՄԱԿ Համընդհանուր պարբերական դիտարկման (ՀՊԴ) 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել ՄԱԿ մարդու իրավունքների բարձր հանձնակատար Վոլկեր Տյուրկի հետ: Այս մասին հայտնել են ԱԳՆ-ից: Հանդիպմանն անդրադարձ է կատարվել Հայաստանի ու ՄԱԿ մարդու իրավունքների բարձր հանձնակատարի գրասենյակի միջև փոխգործակցության հարցերին: Երկուստեք ընդգծվել է […] ...
22:19 30.04.2025
Կարող է ձևավորվել Ադրբեջան-ԱՄՆ-Իսրայել տանդեմ. ի՞նչ հետևանքներ կարող է սա ունենալ. զրույց Վարդան Ոսկանյանի հետԱրդյո՞ք Իրանի նախագահի Ադրբեջան այցելությունից հետո կթուլանա երկու երկրների միջև լարվածությունը և որո՞նք էին Մասուդ Փեզեշքիանի գլխավոր ուղերձները Բաքվում. այս և այլ հարցերի «Հեռանկար»-ի տաղավարում անդրադարձել է իրանագետ Վարդան Ոսկանյանը: Նա խոսել է նաև հնարավոր զարգացումների մասին, որոնց արդյունքում կարող է ձևավորվել Ադրբեջան-ԱՄՆ-Իսրայել տանդեմ: Հարցազրույցն ամբողջությամբ՝ տեսանյութում: ...
22:09 30.04.2025
Զեդորֆն առաջարկում է փոխել «Ոսկե գնդակի» ձևաչափըՆիդերլանդների հավաքականի նախկին ֆուտբոլիստ Կլարենս Զեդորֆը կարծիք է հայտնել «Ոսկե գնդակի» նշանակության մասին: «Ինչո՞ւ է «Ոսկե գնդակն» այդքան կարևոր: Չեմ կարծում, որ այն ցուցիչ է ու արտացոլում է իրականությունը: Նախկինում, գուցե, այդպես եղել է, երբ քվեարկում էին մարզիչներն ու ֆուտբոլիստները: Չնայած՝ այդ դեպքում էլ յուրաքանչյուրն ընտրում էր իր թիմակցին, ոչ թե՝ լավագույնին: Կարծում եմ՝ մրցանակը […] ...
