Գյումրիի ներքաղաքային տրանսպորտի երթուղային նոր ցանցի ձևավորումը դարձյալ ուշանում է․երթուղիները սպասարկում են հին մեքենաներով

Գյումրին 15-ից ավելի թաղամասերով սպասարկման 9 երթուղի ունի, 3-ից  «Քոնֆորտ Լայն» ընկերությունը 8 ամիս առաջ  հրաժարվել է, ստիպված մեկ այլ՝ «Նյու Սիթի Տրանսն» է սպասարկում և ժամանակավոր: Երթուղիների համար հերթական մրցույթ է հայտարարված ու էլի հայտեր ներկայացնողներ չկան։

1-ին  և 40 համարների ավտոբուսային պարկը չինական արտադրության ավտոբուսներով թարմացվեց 2013 թվականին։Կարճ ժամանակ շահագործելուց հետո պարզեցին, որ  դրանք մեր քաղաքի փողոցներին հարմար չեն, հիմա բոլորն անսարք վիճակում կայանված են:

Երթուղային ցանցում եղած խնդիրները քիչ են, օրենքն էլ իր հերթին արգելում է սպասարկող ընկերություններին 10-ը տարուց ավելի մեքենա շահագործել : Իսկ Գյումրիի ուղևորատար  տրանսպորտային միջոցների շահագործման ժամկետը ոչ թե 10-ը, այլ 15 տարին էլ է գերազանցում։

2018 -ին, երբ Գյումրիում  մեկնարկեցին փողոցաշինական լայնածավալ աշխատանքները քաղաքապետարանը հայտարարեց ասֆալատումից հետո նոր երթուղիների շահագործման նախապատրաստումների մասին։ Անցած տարի ուսումնասիրություններ են կատարել, մոնիթորինգ են անցկացրել, որը սակայն անավարտ է մնացել։ Հին երթուղային ցանցով, հին տրանսպորտային միջոցներով ներքաղաքային ուղևորափոխադրումները մնացել է մեկ սպասարկող ընկերության հույսին։

«Վերջնական ընթացք կունենանք մարտ կամ ապրիլ ամիսներին, երբ կազմակերպությունը լրիվ կավարտի մոնիթորինգը, հաշվարկները։ Վերջնարդյունքում ունենալու ենք 8 կամ 9 երթուղի Գյումրիի համար, դա կլինի մեր նոր երթուղային ցանցը։ Դրանից հետո միայն կհայտարարվի դարձյալ մրցույթ, որպեսզի ընտրվի սպասարկող ընկերությունը, ու թե քանի մեքենաներով է սպասարկելու»,- SHANTNEWS-ի հետ զրույցում ասել է Գյումրիի քաղաքապետարանի տրանսպորտի բաժնի պետ Արտյոմ Սարգսյանը։

Նոր երթուղիների համար նոր մեքենաներ են ձեռք բերելու և  հույսը սուբվենցիոն ծրագիրն է։ Անցած տարի  ամռանը 3 նոր միկրոավտոբուս են գնել, էլի են գնելու։ Այս ընթացքում նաև հասցրեցին  օդային տրանսպորտ ունենալու նախագիծ ներկայացնել  գյումրեցիներին, որի շուրջ հավանական ու անհավանական գաղափարներ են պտտվում։ «Սքայ Գյումրի»–ի ներկայացրած օդային տրանսպորտի նախագծին  բաժնի պետն  առաջին օրվանից «հեքիաթային» բնորոշումն է տվել:

Օդային տրանսպորտը 500 միլիոն դոլարի ներդրում է պահանջում, որպեսզի  քաղաքի մի ծայրը մյուսին կապող երթուղի ունենա։ Իսկ իրականացման ժամկետը երեք տարի է, ճիշտ այնքան, որքան ժամանակ  վերգետնյա տրանսպորտի համար նոր ցանցի նախագծման աշխատանքների համար է ծախսվել։

 «Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX , ARPINET, Opticom ցանցային օպերատորների կապուղիներո, ինչպես նաև  Shant Digital Tv հավելվածով՝ ամբողջ աշխարհում։