19:30 25.02.2021
Աճեմյանցիների և ոչ միայն գյումրեցի հանդիսատեսի համար Գյումրիի թատրոնի հարկադրված դադարը երկար տևեց: Համավարակը, իսկ հետո ամենածանրը՝ պատերազմը, լուրջ հոգեբանական գործոններ էին թատրոնի անձնակազմի համար։ Երբ ու ինչպես վերադառնալ ստեղծագործական ակտիվության, արդյոք հանդիսատեսը պատրաստ է դրան․․․ Պատերազմի օրերին Գյումրիի թատրոնի բեմում խաղացին ընդամենը մեկ ներկայացում՝ Վարդան Պետրոսյանի «Վերելք»-ը։
«Մարտի 1-ից թատրոնը ստեղծագործական աշխատանքներով ավելի բուռն կլինի։ Նոր ներկայացումներ ենք ունենալու մեծ բեմին, ինչպես նաև սեղանի շուրջ շարունակվում են նոր պիեսները։ Եվ ամենակարևորը, որ մեր նոր պիեսները երիտասարդ դրամատուրգների գործերն են։ Ընտրել ենք գյումրեցի Բաբկեն Զաքարյանի գործերից։ Նոր ներկայացում է, պրեմիերա՝ «Քեյս»-ը՝ սա էքսպերիմենտալ աշխատանք է, տարբերվող ֆարս է, ինչի մասին, որ խոսում են, կարծում եմ՝ շատ արդիական թեմա է»,- SHANTNEWS.am-ի հետ զրույցում ասել է Գյումրիի պետական դրամատիկական թատրոնի տնօրեն Լյուդվիգ Հարությունյանը։
Ստեղծագործական և սցենարային ինչ մոտեցումներ են ընտրել աճեմյանցիները, շատ չեն խոսում այդ մասին։ Մանրամասներն ու զգացողությունները թողնում են պրեմիերային։ Հանդիսատեսի կարծիքն ու հետևությունները դերասանների համար ամենակարևորն են։ Դրամատիկականում առաջնահերթություն է տրվում նաև երիտասարդ դրամատուրգների գործերին։
«Մենք մի քիչ օտարամոլ ենք, մեր կողքիններին չենք նկատում։ Մեր ուսանողը՝ երիտասարդ դրամատուրգ, հրաշալի գործեր է գրել։ Հիմա մենք պետք է նրան ընդառաջենք ու օգնենք նրան աճելու, եթե մենք չանենք՝ ով է անելու»,- ասել է ՀՀ արվեստի վաստակավոր գործիչ Սամվել Գրիգորյանը։
Մեծ բեմից այն կողմ բեմադրող-ռեժիսորն աշխատում է մեկ այլ պիեսի վրա՝ առայժմ փորձերն են սեղանի շուրջ: Այն 5 դերասանի մասնակցությամբ ներկայացում է։ Նոր պիեսը կոչվում է «Քայլեր», դարձյալ գյումրեցի նույն դրամատուրգի գործն է, որը աճեմյանցիները խաղալու են Մհեր Մկրտչյան փոքր բեմում։ Փոքր բեմում ևս 3 նոր ներկայացումներ են լինելու, դրանք հանդիսատեսն ավելի ուշ առիթ կունենա տեսնելու։ Այժմ պատրաստվում են մեծ պրեմիերայի՝ մեծ բեմում, որը կայանալու է մարտի 7-ին։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
15:30 02.08.2025
Վաչե Հովակիմյանը լրացրել է իր առաջին միջազգային վարպետի նորմանՖԻԴԵ-ի վարպետ Վաչե Հովակիմյանը Սերբիայում անցկացված RUDAR XL-IM ROUND ROBIN շախմատի մրցաշարում լրացրել է իր առաջին միջազգային վարպետի նորման։ Այս մասին հայտնում է Հայաստանի շախմատի ֆեդերացիան: Վաչեն 9 հնարավորից վաստակել է 7 միավոր, գրավել առաջին տեղն ու 41 կետով բարելավել իր միջազգային վարկանիշը: ...
15:16 02.08.2025
Արդյո՞ք տուրիզմը կարող է դառնալ Հայաստանի տնտեսության շոգեքարշերից մեկը. Հեռանկար բանավեճՄասնագետները համարում են, որ տուրիզմի ոլորտը կարող է դառնալ Հայաստանի տնտեսության շոգեքարշերից մեկը։ Ի՞նչ է արվում, որ դա իրականություն դառնա։ Արդյո՞ք մեր երկիրն ի վիճակի է տարեկան 3 միլիոն զբոսաշրջիկ գրավել։ Եղած ենթակառուցվածքը թույլ կտա՞ ապահովել մատուցվող ծառայությունների այն որակը, որի դեպքում զբոսաշրջիկները Հայաստանում տարեկան 3 մլրդ դոլար կթողնեն։ Այս թեմաների մասին իրենց կարծիքն են […] ...
14:51 02.08.2025
Հաստատվել է ԱԱ-2026 խմբային փուլի վիճակահանության օրն ու վայրըՖուտբոլի աշխարհի 2026 թ. առաջնության խմբային փուլի վիճակահանությունը կկայանա 2025 թ. դեկտեմբերի 5-ին։ Այս մասին գրում է ESPN-ը։ Վիճակահանությունը տեղի կուեննա ԱՄՆ-ի Լաս Վեգաս քաղաքում։ Ամենայն հավանականությամբ այն կանցկացվի 17 հազար հանդիսական տեղավորող հանրահայտ «Սֆեր» օվալաձև շենքի դահլիճում։ Վիճակահանության ընթացքում կձևավորվի խմբերի նախնական տեսքը, քանի որ այդ պահին դեռ հայտնի չեն լինի մրցաշարի բոլոր մասնակիցները։ […] ...
14:34 02.08.2025
ՆԳՆ աշխատակիցները կատարելագործում են պետական գնումներում մասնագիտական կարողություններն ու հմտություններըՀուլիսի 16-ին ՆԳ նախարարության գլխավոր քարտուղարի տեղակալ Խաչատուր Իգիթյանը հանդիպել է գնման գործընթացում ներգրավված ՆԳՆ պատասխանատու ստորաբաժանումների ներկայացուցիչների հետ։ Քննարկվել են ընթացիկ գործընթացների արդյունավետության բարձրացմանն ուղղված հարցեր, վերհանվել ոլորտին վերաբերելի խնդիրները, ներառյալ՝ պետական գնումների գործընթացում ՆԳՆ տարբեր ստորաբաժանումների ծառայողների կարողությունների զարգացման հնարավորությունները։ Մասնակիցները կիսվել են կարծիքներով ու մտահոգություններով, արել առաջարկություններ, որոնք կդիտարկվեն հետագա աշխատանքներն իրականացնելիս։ […] ...
14:17 02.08.2025
Առաջիկա օրերի եղանակային կանխատեսումըՀանրապետության տարածքում օգոստոսի 2-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Օգոստոսի 3-7-ին սպասվում է առանց տեղումների եղանակ։ Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։ Օգոստոսի 2-7-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես […] ...
