19:10 09.03.2021
Տարեսկզբից ու կարճ ժամանակով՝ մեկուկես ամիս պոլիկլինիկաներն թեթև ռեժիմով են աշխատել։ Covid ախտորոշումները, այցելուների թիվը նվազել էին, բայց պատկերը վերջին երկու շաբաթում փոխվեց։ Բոլոր պոլիկլինիկաներում դիմելիությունն աճել է, հետևանքում՝ նաև Covid-19-ով հաստատված դեպքերը։
Միայն մեկ պոլիկլինիկայում, նախորդ տարվա մինչև դեկտեմբեր ամիսը, օրական մինչև 20 թեստավորում են կատարել, հաստատված դեպքերն էլ պակաս չեն եղել։ Գրեթե նույն պատկերն է կրկնվում նաև հիմա։ Թեստավորվածների և հաստատված դեպքերի տոկոսային հարաբերակցությունը բավական բարձր է։
«Երկու շաբաթում Covid-ով դրական դեպքերն ավելացել են, հիմա եթե 5 հոգի հետազոտվում է, 4-ի մոտ հաստատվում է Covid։ Մենք այժմ ունենք 15-ից 20 տոկոսի դրական դեպքերի աճ»,- SHANTNEWS.am-ի հետ զրույցում ասել է Գյումրիի Էնրիկո Մատտեի անվան պոլիկլինիկայի տնօրեն Արկադի Անդրիասյանը։
Գյումրիի Կարմիր խաչի անվան պոլիկլինիկայում Covid ու այլ հիվանդությունների գրանցամատյանների տվյալները խոսում են հիվանդացության ցուցանիշի բարձրացման մասին։ Հունվար և փետրվար ամիսներին ընդամենը 2 օր են ունեցել, որ դիմողներ քիչ են եղել , նրանց թվում կորոնավիրուս հիվանդության ախտանշաններով պացիենտներ չեն ունեցել։ Բայց միայն այսօր պոլիկլինիկայում գրանցել են վերջին 10-ն օրերի Covid-ով հաստատված ամենաշատ դեպքերը։
«Ուրբաթ օրը ունեցել ենք հաստատված 1 դեպք, իսկ այսօր 6 դեպք են գրանցել։ Միայն ինձ մոտ 1 շաբաթում 7 հիվանդ եմ ունեցել, մեկին հոսպիտալացրել ենք՝ Covid-ով պայմանավորված, մնացածները տնային բուժում են ստանում, այսինքն՝ թվերը սկսել են աճել նորից»,- նշել է Գյումրիի Կարմիր խաչի անվան պոլիկլինիկայի ընտանեկան բժշկուհի Անահիտ Սանդրոսյանը։
Դեպքերի կտրուկ աճը կշարունակվի, քանի դեռ հասարակության վարքն ու վերաբերմունքը հիվանդության հանդեպ չի փոխվել, այդ թվում և վերահսկողությունը։ Պոլիկլինիկաներում այցելուների հոսքը միայն Covid-ով պայմանավորված չէ։ Սեզոնային վիրուսներն են նաև ու խրոնիկ հիվանդությունները։
Պոլիկլինիկաներն անցած 2 ամիսներին Covid թեստավորումներ կատարում էին շաբաթը մեկ-երկու օր, հիմա անցել են ամենօրյա ռեժիմի։ Օրական նմուշառումների թիվը կանխատեսում են, որ ավելանալու է։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
18:17 16.06.2025
ՏԿԵ նախարար Դավիթ Խուդաթյանը հանդիպում է ունեցել Սաքսոնիա-Անհալթ երկրամասի փոխվարչապետի հետՀՀ ՏԿԵ նախարար Դավիթ Խուդաթյանը Գերմանիայի Դաշնային Հանրապետություն կատարած աշխատանքային այցի ընթացքում հանդիպում է ունեցել Սաքսոնիա-Անհալթ երկրամասի փոխվարչապետ, Գիտության, էներգետիկայի, կլիմայի պահպանության և շրջակա միջավայրի նախարար Արմին Վիլինգմանի հետ։ Հանդիպմանն անդրադարձ է կատարվել վերականգնվող էներգետիկայի ուղղության զարգացմանը, կուտակիչ կայանների, ջրածնային էներգիային վերաբերող հարցերին, քննարկվել են աշխատանքային այլ հարցեր ևս։ Հանդիպմանը մասնակցել է նաև Գերմանիայի Դաշնային […] ...
18:12 16.06.2025
Հայկ Հովակիմյանը հեռացել է «Դեբրեցենից»Հայկ Հովակիմյանը հեռացել է «Դեբրեցենից», հայտնում է ակումբի մամուլի ծառայությունը։ 31-ամյա Հովակիմյանը 2022 թ. հուլիսին աշխատանքի է անցել հունգարական ակումբում և եղել նախ մարզական, ապա` միջազգային գծով տնօրեն։ Կողմերի պայմանագիրը լրանալուց հետո որոշվել է չշարունակել համագործակցությունը։ Հովակիմյանը 2019-2022 թթ. եղել է «Նոայի» մարզական տնօրենը։ ...
18:07 16.06.2025
Հանձնաժողովը դրական եզրակացություն է տվել «Պետական տուրքի մասին» օրենքում առաջարկվող փոփոխություններինՆախագծի հիմնական նպատակներն են ապահովել ոլորտային արտադրատեսակների շուկայում հավասար մրցակցությունը, արտադրական ավելի երկար շղթաների կիրարկումը, առավել բարձր ավելացված արժեքով տեղական ապրանքների արտադրության զարգացման խթանումը: Այս մասին ասել է ՀՀ էկոնոմիկայի նախարար Գեւորգ Պապոյանն ԱԺ տնտեսական հարցերի մշտական հանձնաժողովի՝ հունիսի 16-ի արտահերթ նիստում առաջին ընթերցմամբ քննարկման ներկայացնելով ««Պետական տուրքի մասին» օրենքում լրացում եւ փոփոխություն կատարելու մասին» […] ...
17:54 16.06.2025
Համընդհանուր հայտարարագիր լրացրած 28 հազար 916 քաղաքացի ետ է ստացել 2 միլիարդ 569 միլիոն դրամ սոցիալական կրեդիտ. վարչապետՀունվարի 1-ից մինչև օրս Համընդհանուր հայտարարագիր լրացրած 28 հազար 916 քաղաքացի (նախորդ երկուշաբթի օրվա համեմատ + 1551 քաղաքացի) ետ է ստացել 2 միլիարդ 569 միլիոն դրամ սոցիալական կրեդիտ (նախորդ երկուշաբթի օրվա համեմատ +132 միլիոն դրամ): Մեկ մարդու կողմից ետ ստացած կրեդիտի միջին չափը 89 հազար դրամ է: Այս մասին ֆեյսբուքյան իր էջում տեղեկացրել է վարչապետ […] ...
17:48 16.06.2025
Վթար Արշակունյաց պողոտայում․ 58-ամյա վարորդը հիվանդանոցում մահացել էՀունիսի 13-ին՝ ժամը 19:00-ին, 58-ամյա Վյաչեսլավ Հ․-ն «Տոյոտա» մակնիշի ավտոմեքենայով Արշակունյաց պողոտայում բախվել է «ԺոնգՏոնգ» ավտոբուսին, այնուհետև «սրտի կանգ» ախտորոշմամբ տեղափոխվել է հիվանդանոց։ Ժամը 21:00-ին հիվանդանոցից հայտնել են, որ նա մահացել է։ Կատարվում է նախաքննություն։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով […] ...
