19:46 16.03.2021
«Գյումրվա ազգագրության մոտիվներով Ալեքպոլյան շրջանի ավանդույթներն ու ծեսերը»․․․ Այս թեմայով այսօր Հայաստանի գեղարվեստի պետական ակադեմիայի Գյումրիի մասնաճյուղում դասախոսություն են անցկացրել երիտասարդ արվեստաբանները։
Լուսանկարների միջոցով ներկայացրել են 1800-ականների Ալեքպոլի, հետո արդեն Գյումրիի ավանդական ընտանիքների նիստուկացը, հարսանեկան արարողություններն ու այն ծեսերը, որոնք նահապետական սովորույթներով գյումրեցիների առօրյայի մասն են եղել։
«Երբ սկեսուրներն ու հարսները միասին են լողացել, նրանք գոտկամասում շոր են կրել, դա խոնարհության ու ամոթխածության նշան է եղել: Մեկ այլ ավանդույթ նախքան հարսանիքն էին անում՝ փեսացուի կին ազգականները հարսնացուին տանում էին բաղնիք, ու մի լավ զննում աղջկա մարմինը՝ համոզվելու համար, հո արատավո՞ր չէ, ոտքերն ուղի՞ղ են, թե՞ ոչ և այլն: Այդ բարդ գործը հանձնարարված էր անել քավորկնոջը»,- պատմել է արվեստաբան Գայանե Պապիկյանը:
Երիտասարդ արվեստաբաններն իրենց ուսանողական տարիների սովորած, հետո էլ ընտանիքներում տատերից ու պապերից լսած գյումրվա ավանդույթները դասախոսության նյութ են դարձրել։ Ներկայացրել են նաև լուսանկարվելու հատուկ արարողակարգը։
«Սա ամուսնական լուսանկար է՝ 1800-ականներին արված։ Իմ հոր տատն ու պապն են։ Լուսանկարվելն էլ հատուկ կարգ է ունեցել, նոր ամուսնացած ժամանակ այր ու կին կանգնած են լուսանկարվել, կամ ամուսինը նստած՝ կինը ձեռքն ամուսնու ուսին դրած, հետո, երբ կինը հղի է եղել, այդ ժամանակ նոր նա իրավունք է ձեռք բերել նստած լուսանկարվելու»,- պատմել է արվեստաբան Լիանա Ստեփանյանը։
Գյումրվա ծեսերի ու ավանադույթների մեծ մասը ժամանակի ընթացքում թեև կիրառելի չեն և մեր օրերում շատ ավանդույթներ են կորսվել, բայց դրանց մասին իմանալը պարտադիր է։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
15:30 02.08.2025
Վաչե Հովակիմյանը լրացրել է իր առաջին միջազգային վարպետի նորմանՖԻԴԵ-ի վարպետ Վաչե Հովակիմյանը Սերբիայում անցկացված RUDAR XL-IM ROUND ROBIN շախմատի մրցաշարում լրացրել է իր առաջին միջազգային վարպետի նորման։ Այս մասին հայտնում է Հայաստանի շախմատի ֆեդերացիան: Վաչեն 9 հնարավորից վաստակել է 7 միավոր, գրավել առաջին տեղն ու 41 կետով բարելավել իր միջազգային վարկանիշը: ...
15:16 02.08.2025
Արդյո՞ք տուրիզմը կարող է դառնալ Հայաստանի տնտեսության շոգեքարշերից մեկը. Հեռանկար բանավեճՄասնագետները համարում են, որ տուրիզմի ոլորտը կարող է դառնալ Հայաստանի տնտեսության շոգեքարշերից մեկը։ Ի՞նչ է արվում, որ դա իրականություն դառնա։ Արդյո՞ք մեր երկիրն ի վիճակի է տարեկան 3 միլիոն զբոսաշրջիկ գրավել։ Եղած ենթակառուցվածքը թույլ կտա՞ ապահովել մատուցվող ծառայությունների այն որակը, որի դեպքում զբոսաշրջիկները Հայաստանում տարեկան 3 մլրդ դոլար կթողնեն։ Այս թեմաների մասին իրենց կարծիքն են […] ...
14:51 02.08.2025
Հաստատվել է ԱԱ-2026 խմբային փուլի վիճակահանության օրն ու վայրըՖուտբոլի աշխարհի 2026 թ. առաջնության խմբային փուլի վիճակահանությունը կկայանա 2025 թ. դեկտեմբերի 5-ին։ Այս մասին գրում է ESPN-ը։ Վիճակահանությունը տեղի կուեննա ԱՄՆ-ի Լաս Վեգաս քաղաքում։ Ամենայն հավանականությամբ այն կանցկացվի 17 հազար հանդիսական տեղավորող հանրահայտ «Սֆեր» օվալաձև շենքի դահլիճում։ Վիճակահանության ընթացքում կձևավորվի խմբերի նախնական տեսքը, քանի որ այդ պահին դեռ հայտնի չեն լինի մրցաշարի բոլոր մասնակիցները։ […] ...
14:34 02.08.2025
ՆԳՆ աշխատակիցները կատարելագործում են պետական գնումներում մասնագիտական կարողություններն ու հմտություններըՀուլիսի 16-ին ՆԳ նախարարության գլխավոր քարտուղարի տեղակալ Խաչատուր Իգիթյանը հանդիպել է գնման գործընթացում ներգրավված ՆԳՆ պատասխանատու ստորաբաժանումների ներկայացուցիչների հետ։ Քննարկվել են ընթացիկ գործընթացների արդյունավետության բարձրացմանն ուղղված հարցեր, վերհանվել ոլորտին վերաբերելի խնդիրները, ներառյալ՝ պետական գնումների գործընթացում ՆԳՆ տարբեր ստորաբաժանումների ծառայողների կարողությունների զարգացման հնարավորությունները։ Մասնակիցները կիսվել են կարծիքներով ու մտահոգություններով, արել առաջարկություններ, որոնք կդիտարկվեն հետագա աշխատանքներն իրականացնելիս։ […] ...
14:17 02.08.2025
Առաջիկա օրերի եղանակային կանխատեսումըՀանրապետության տարածքում օգոստոսի 2-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Օգոստոսի 3-7-ին սպասվում է առանց տեղումների եղանակ։ Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։ Օգոստոսի 2-7-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես […] ...
