18:30 23.03.2021
Թատերական ինստիտուտի Գյումրիի մասնաճյուղի ուսանողները դրամատիկական թատրոնի «Մհեր Մկրտչյան» փոքր բեմում ներկայացրել են իրենց համատեղ աշխատանքը։ «Ճիչ»՝ այսպես է կոչվում ներկայացումը, որի ռեժիսորը Երևանի թատրոնի և կինոյի պետական ինստիտուտի Գյումրիի մասնաճյուղի ռեժիսուրայի բաժնի 3-րդ կուրսի ուսանող Արմեն Արշալուսյանն է։ Համանուն պիեսի հեղինակը ևս ռեժիսորն է, որը գրել է մեկ տարի առաջ։
Իր պիեսը Արմենը բեմադրել է չորս համակուրսեցի դերասանուհիների մասնակցությամբ: Ուսանողներն իրենց ռեժիսորական ու դերասանական առաջին քայլերը նախ ինստիտուտի բեմում են արել, հետո արդեն դասախոսական կազմի լրամշակումներից հետո, հնարավորություն է տրվել նրանց ավելի պարտավորեցնող քայլերի անցնել։ Ինստիտուտի փորձարարական բեմից ներկայացումը տեղափոխվել է դրամատիկական թատրոնի փոքր բեմ։
Ներկայացումը 4 կերպարների անձնական կյանքի պատմությունն է, 3-ը նույն ճակատագրով են կապված: Այն դժվարին իրավիճակներում հայտնված կնոջ ու առհասարակ մարդկանց հոգեվիճակի մասին է, որում բախվում են ազատ կյանքն ու հասարակության կարծիքը։ Հենց այդ կարծիքի զոհ դարձած կանայք փորձում էին իրենց կարծիքը թելադրել երիտասարդ աղջկան, որը նոր էր կյանք մտնելու: Բայց վերջինիս հաջողվում է և կարողանում է ապացուցել, որ յուրաքանչյուրն ինքն է իր կյանքը տնօրինում՝ առանց հասարակության թելադրանքի:
«Մեր հասարակության մեջ շատ են կանայք, որ դժվար են կարողանում կողմնորոշվել, որն է իրենց դերը, ինչպես են իրենց գտնելու կյանքում ու հասնելու իրենց նպատակին: Հասարակության մեջ էլ մի զանգված կա, որ անընդհատ ճնշում են անհատներին՝ իրենց կարծիքներով»,- SHANTNEWS.am-ի հետ զրույցում ասել է ռեժիսոր Արմեն Արշալուսյանը:
Տղամարդ ռեժիսորի համար բարդ չի եղել, նկարագրել նույն ճակատագրերով, տարբեր հոգեվիճակներում հայտնված կանանց ներաշխարհը։ Արմենն ասում է՝ այդ ամենն ուսումնասիրելու համար երկար ժամանակ է ունեցել, հետո երիտասարդ ռեժիսորին օգնել են գրականագետների կարծիքները։ «Ճիչ»-ը ներկայացում է կյանքի իրողությունների մասին։ Ժամանակն ու արժեհամակարգը երբեմն չեն կարող փոխել միջավայրում ձևավորված կարծրատիպերը և հասարակական կարծիքի հետ բախումներից խուսափելն անհնար է:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
15:30 02.08.2025
Վաչե Հովակիմյանը լրացրել է իր առաջին միջազգային վարպետի նորմանՖԻԴԵ-ի վարպետ Վաչե Հովակիմյանը Սերբիայում անցկացված RUDAR XL-IM ROUND ROBIN շախմատի մրցաշարում լրացրել է իր առաջին միջազգային վարպետի նորման։ Այս մասին հայտնում է Հայաստանի շախմատի ֆեդերացիան: Վաչեն 9 հնարավորից վաստակել է 7 միավոր, գրավել առաջին տեղն ու 41 կետով բարելավել իր միջազգային վարկանիշը: ...
15:16 02.08.2025
Արդյո՞ք տուրիզմը կարող է դառնալ Հայաստանի տնտեսության շոգեքարշերից մեկը. Հեռանկար բանավեճՄասնագետները համարում են, որ տուրիզմի ոլորտը կարող է դառնալ Հայաստանի տնտեսության շոգեքարշերից մեկը։ Ի՞նչ է արվում, որ դա իրականություն դառնա։ Արդյո՞ք մեր երկիրն ի վիճակի է տարեկան 3 միլիոն զբոսաշրջիկ գրավել։ Եղած ենթակառուցվածքը թույլ կտա՞ ապահովել մատուցվող ծառայությունների այն որակը, որի դեպքում զբոսաշրջիկները Հայաստանում տարեկան 3 մլրդ դոլար կթողնեն։ Այս թեմաների մասին իրենց կարծիքն են […] ...
14:51 02.08.2025
Հաստատվել է ԱԱ-2026 խմբային փուլի վիճակահանության օրն ու վայրըՖուտբոլի աշխարհի 2026 թ. առաջնության խմբային փուլի վիճակահանությունը կկայանա 2025 թ. դեկտեմբերի 5-ին։ Այս մասին գրում է ESPN-ը։ Վիճակահանությունը տեղի կուեննա ԱՄՆ-ի Լաս Վեգաս քաղաքում։ Ամենայն հավանականությամբ այն կանցկացվի 17 հազար հանդիսական տեղավորող հանրահայտ «Սֆեր» օվալաձև շենքի դահլիճում։ Վիճակահանության ընթացքում կձևավորվի խմբերի նախնական տեսքը, քանի որ այդ պահին դեռ հայտնի չեն լինի մրցաշարի բոլոր մասնակիցները։ […] ...
14:34 02.08.2025
ՆԳՆ աշխատակիցները կատարելագործում են պետական գնումներում մասնագիտական կարողություններն ու հմտություններըՀուլիսի 16-ին ՆԳ նախարարության գլխավոր քարտուղարի տեղակալ Խաչատուր Իգիթյանը հանդիպել է գնման գործընթացում ներգրավված ՆԳՆ պատասխանատու ստորաբաժանումների ներկայացուցիչների հետ։ Քննարկվել են ընթացիկ գործընթացների արդյունավետության բարձրացմանն ուղղված հարցեր, վերհանվել ոլորտին վերաբերելի խնդիրները, ներառյալ՝ պետական գնումների գործընթացում ՆԳՆ տարբեր ստորաբաժանումների ծառայողների կարողությունների զարգացման հնարավորությունները։ Մասնակիցները կիսվել են կարծիքներով ու մտահոգություններով, արել առաջարկություններ, որոնք կդիտարկվեն հետագա աշխատանքներն իրականացնելիս։ […] ...
14:17 02.08.2025
Առաջիկա օրերի եղանակային կանխատեսումըՀանրապետության տարածքում օգոստոսի 2-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Օգոստոսի 3-7-ին սպասվում է առանց տեղումների եղանակ։ Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։ Օգոստոսի 2-7-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես […] ...
