19:58 27.04.2021
Մեկ շաբաթ առաջ Գյումրիի նախկին «Վան» առողջարանի տարածքի 119 տնակային ավանի բնակիչներն ահազանգել էին խմելու ջրի որակի մասին ու նշել, որ ծորակներից տարօրինակ համ ու հոտով ջուր է հոսում։ Եվ դրա հետևանք էին համարում երեխաների մոտ առաջ եկած առողջական գանգատները։ Տնակի բնակիչներից տիկին Գոհարը մեկ շաբաթ անց շարունակում է պնդել, որ ջուրն էլի նստվածքով է:
Հարևան տնակի բնակիչ տիկին Սիրանուշը մեկ շաբաթից ավելին է, որ ծորակից ջուր չի վերցնում։ Դեռ կասկածում է, որ ջուրը պիտանի է օգտագործման։ Նախկին հարևանի ապամոնտաժած տնակի ջրագիծը հիմա բնակիչների միակ հուսալի աղբյուրն է, որտեղից հոսող ջուրը, վստահ են, որ մաքուր է, քանի որ այլ ջրագծից է գալիս։ 88-ից հետո, երբ այս տարածքում տնակներ են տեղադրել, ամեն մեկն իր ջրագիծն է քաշել։
«Վեոլիա Ջրից» բնակիչներին հայտնել են, որ ջուրն անվտանգ է։ Ջրի բաղադրությունում կասկածելի մնացորդներ, ամեն դեպքում, եղել են: Հիվանդությունների վերահսկման և կանխարգելման մարզային կենտրոնի փոխտնօրենը բացատրում է, թե դա ինչի հետևանք է:
«Ջրմուղի կողմից փոխվել են ջրագծեր, ու այդ փոփոխության հետևանքով խողովակներում հողային մնացորդներ են եղել, որը ծորակի առաջին բացելուց հետո պիտի անցներ։ Ես համաձայն եմ, որ ջրում նման բաներ չպիտի լինեն, բայց մեր լաբորատոր ստուգումները ջրում շեղումներ չեն հայտնաբերել, կատարվել է թե՛ քիմիական, թե՛ մանրէաբանական ստուգում։ Միայն ջրում նախատեսված քլորը չափաբաժնից պակաս է եղել, այսինքն՝ քլորացումը չնչին է եղել»,- SHANTNEWS.am-ի հետ զրուցում ասել է ՀՎԿԱԿ «Շիրակ» մարզային կենտրոնի փոխտնօրեն Արմինեն Անդրյանը։
Կենտրոնի լաբորատոր ստուգման արդյունքներով, ջրում վնասակար մանրէներ չեն հայտնաբերվել, ջուրն օգտագործման համար պիտանի է: Քլորացման աշխատանքներ կատարում է ջրմուղը, իսկ չափաբաժնի համապատասխանությունը ՀՎԿԱԿ մարզային կենտրոնն է ստուգում։ Բոլոր գլխավոր ջրատարներում հսկողությունը ամենօրյա է։ Ջրմուղից էլ փոխանցեցին, որ 119 տնակային ավանի տնակներ մտնող ջրագծերը ևս փոխվելու են, աշխատանքները պլանավորում են սկսել մեկ ամսից:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
11:41 16.06.2025
Պլանային ջրանջատում Գյումրիում«Վեոլիա ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված հունիսի 17-ին՝ ժամը 10:30-ից մինչև հունիսի 18-ը ժամը 10:30-ը, կդադարեցվի Շիրակի մարզի Գյումրի քաղաքի ջրամատակարարումը: «Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,- ասված է հաղորդագրությունում: ...
11:20 16.06.2025
Իսլամական հեղափոխության պահապանների կորպուսը խոստացել է հարձակվել Իսրայելի վրա մինչև նրա լիակատար ոչնչացումըԻրանի գործողությունները Իսրայելի դեմ կշարունակվեն մինչև թշնամու լիակատար ոչնչացումը: Այս մասին ասվում է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) հայտարարության մեջ։ «Հանցավոր Իսրայելի ռեժիմի կողմնակիցները պետք է իմանան, որ Իրանի արդյունավետ, նպատակային և մահացու գործողությունները ռեժիմի նշանակալի և զգայուն թիրախների դեմ կշարունակվեն մինչև դրա լիակատար ոչնչացումը», – հայտարարության մեջ մեջբերում է […] ...
11:07 16.06.2025
Իրանն իրավունք ունի օգտագործել միջուկային էներգիան․ ՓեզեշքիանԻրանն իրավունք ունի օգտագործել ատոմային էներգիան և անցկացնել միջուկային հետազոտություններ, հայտարարել է երկրի նախագահ Մասուդ Փեզեշքիանը։ «Մենք իրավունք ունենք օգտագործել ատոմային էներգիան և անցկացնել հետազոտություններ (միջուկային ոլորտում – խմբ.) հասարակության բարօրության համար։ Ոչ ոք իրավունք չունի խլել մեզանից այս իրավունքը», – Փեզեշքիանի խոսքերն է մեջբերում IRIB պետական հեռուստառադիոընկերությունը։ Նա նաև նշել է, որ Իրանը «պատերազմի […] ...
10:55 16.06.2025
Այսպիսի բնական աղետ Ապարան քաղաքում նախկինում չի եղել․ համայնքապետարանԱյսպիսի բնական աղետ Ապարան քաղաքում նախկինում չի եղել։ Պտտահողմը մեծ ավերածություններ է առաջացրել քաղաքի տարբեր հատվածներում և Լուսագյուղ վարչական տարածքում` վնասելով տանիքներ, խանութներ, ավտոմեքենաներ և համայնքային նշանակության կառույցներ։ «Համայնքապետարանը և պատասխանատու բոլոր մարմինները լիարժեք զգոնությամբ և պատասխանատվությամբ են մոտենում այս ծանր իրավիճակին՝ գործի դնելով հնարավոր բոլոր ռեսուրսները՝ բնակիչների անվտանգությունն ու համայնքի բնականոն կյանքը վերականգնելու համար»,-նշված […] ...
10:40 16.06.2025
Ապարանում շարունակվում են աղետի հետևանքների վերացման աշխատանքներըԱմբողջ գիշեր և վաղ առավոտյան Ապարան համայնքի ղեկավար Կարեն Եղիազարյանը տեղակալների և պատասխանատու ստորաբաժանումների ղեկավարների հետ գտնվել է տեղում՝ մասնակցելով աղետի հետևանքների վերացման աշխատանքներին։ Հաշվի առնելով իրավիճակի լրջությունը՝ համայնքի ղեկավարը աշխատանքային խմբով համակարգել է վնասների նախնական գնահատման, տուժածներին աջակցության և շտապ լուծումներ պահանջող խնդիրների կարգավորման գործընթացը։ Աշխատանքները շարունակվում են նաև այս պահին՝ նպատակ ունենալով հնարավորինս […] ...
10:25 16.06.2025
Վաշինգտոնը կշարունակի պաշտպանական օգնություն ցուցաբերել Իսրայելին․ ԹրամփԻսրայելը և Իրանը, ամենայն հավանականությամբ, կհասնեն ռազմական գործողությունները դադարեցնելու համաձայնության, սակայն դա կարող է տեղի չունենալ անմիջապես: Այս կարծիքն է հայտնել ԱՄՆ նախագահ Դոնալդ Թրամփը հունիսի 15-ին: «Հուսով եմ՝ համաձայնագիր կլինի (Իսրայելի և Իրանի միջև)։ Կարծում եմ՝ դրա ժամանակն է», – ասել է նա՝ պատասխանելով լրագրողների հարցերին։ Նախագահը վստահեցրել է, որ Վաշինգտոնը կշարունակի պաշտպանական օգնություն […] ...
