12:15 30.04.2021
ՄԻՊ Արման Թաթոյանն այսօր ԱԺ-ում ոլորտի 2020թ-ի գործունեության տարեկան զեկույցը ներկայացնելիս անդրադարձել է կորոնավիրուսի հետ կապված հիմնական խնդիրներին: Գլխավոր խնդիրներից առանձնացրել է աշխատանքային իրավունքների հարցերը:
«Խոսքը վերաբերում էր աշխատավարձերի վճարման խնդիրներին, քաղաքացիները հնարավորություն չունեին հաճախել աշխատանքի, գործատուն հնարավորություն չէր ունենում գործունեության ոլորտով պայմանավորված զբաղվածություն ապահովել, ստացվում էր, որ զբաղվածությունից էին զրկվում մարդիկ։ Ունեցել ենք դեպքեր, երբ ստիպում էին արձակուրդ գնալ՝ և՛ վճարվող, և՛ չվճարվող: Խնդիրներ առաջ եկան, երբ կառավարությունը սկսեց սահմանել սոցիալական աջակցության միջոցառումներ։ Պարզվեց, որ նույնիսկ մարդիկ չգիտեին, որ իրենք գրանցված աշխատող չէին այս կամ այն ոլորտում, ու մարդիկ զրկվում էին նաև աջակցությունից»,-ասել է Թաթոյանը:
Նշել է, որ եղել են աշխատանքից անհիմն ազատվողներ։ Մայիսից այս հարցը կարգավորվել է օրենսդրորեն, բայց քանի որ հետադարձ ուժի կիրառումը չի իրականացվել, շատերը հնարավորություն չեն ունեցել վերականգնել: Պաշտպանը խոսել է մեկ այլ խնդրի մասին ևս.
«Երբ սկզբնական ժամանակաշրջանում սոցիալական աջակցության միջոցառումների գումարները փոխանցվում էին մարդկանց, իսկ մարդիկ պարտքեր էին ունենում, ԴԱՀԿ-ն գանձում էր, մեր առաջարկով ամրագրվեց, որ ԴԱՀԿ արգելանքները չեն տարածվում դրանց վրա: Կարևոր աջակցությամբ նպաստեցինք այն հարցերին, որոնք վերաբերում էին միջոցառումների հասցեականությանը։ Միջոցառումներ կային, որ երեխաների համար աջակցություն էր նախատեսված, երեխան չուներ համապատասխան փաստաթղթեր, հրատապ էր, բայց մարդիկ լինելով շոկային վիճակում, բարդությունների էին հանդիպում»:
Պաշտպանը խոսել է նաև առողջապահական համակարգի, հոսպիտալացումների, բժշկական օգնության հասանելիության խնդիրների մասին: Նշել է, որ արտակարգ իրավիճակներով պայմանավորված՝ տարեկան զեկույցը կազմված է 2000 էջից:
23:59 10.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
23:58 10.05.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 10.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 10.05.2025
Ավարտվել է կարատեի Եվրոպայի մեծահասակների 60-րդ առաջնությունըԿ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...
23:42 10.05.2025
Մակրոնը չի բացառում Արևմտյան զորքերի տեղակայումն ՈւկրաինայումՖրանսիայի նախագահ Էմանուել Մակրոնը չի բացառում Ուկրաինայում մի քանի հազար արևմտյան զինվորականներ տեղակայելու հնարավորությունը։ «Գլխավոր տարրը զորքեր ունենալն է Ուկրաինայում: Կարող է լինել մի քանի հազար, բայց ոչ հարյուր հազարավոր։ Հարցը թվերը չեն։ Հարցն այն է, որ մենք այնտեղ կլինենք պահեստային ուժեր ապահովելու համար՝ օդում կամ առաջնագծից հեռու ռազմավարական դիրքերում», – ասել է Մակրոնը Le […] ...
23:26 10.05.2025
«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ումԻտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...
