20:35 30.04.2021
Պարուսույց, ՀԽՍՀ վաստակավոր արտիստ Աղասի Շաբոյանի 100-ամյակին նվիրված պարի փառատոն է անցկացվել Գյումրիի Մարզամշակութային համալիրում։ Մեծ վարպետին նվիրված միջոցառմանը, պարային խմբերի ելույթներից առաջ, բեմում եղել են վարպետի տարբեր տարիների սաները, որոնք հիմա իրենց պարային դպրոցներն ու խմբերն ունեն։
Գյումրվա երգ ու պարով միջոցառումը բացեցին վետերանների պարային միության անդամները։Նրանք պարգևատրվեցին նաև Աղասի Շաբոյանի անվան հուշամեդալններով։ Վարպետի սաները կիսվել են իրենց հիշողություններով, խոսել են պարարվեստում կայանալու գործում վարպետի ունեցած ավանդի մասին։
Այսօր ինչպես Գյումրիի, այնպես էլ Երևանի ու Ջավախքի պարային շատ խմբեր հիմնվել են Աղասի Շաբոյանի սաների նախաձեռնությամբ։ Գյումրեցի պարուսույցը 1941 թվականից եղել է Լենինականի ֆիլհարմոնիայի մենակատարը և բալետմայստերը, երկաթուղայինների Սևյանի անվան մշակույթի պալատի տնօրենը։
Նրան էլ ավելի մեծ հռչակ բերեց պարի իր խմբով նկարահանված «Շիրակի մեղեդիները» ֆիլմը։ Նա առաջին մշակույթի գործիչն է եղել, որ ֆիլմում ներկայացրել է Գյումրվա ավանդական հարսանիքը։
«Շաբոյանը ոչ միայն պարուսույց էր, այլև էպոպիա էր։ Չեմ կարծում, որ մեկը հավակնություն կունենա նրա կողքին կանգնելու, նա այն մարդն էր, ով ստեղծեց պարարվեստը։ Ես բախտ եմ ունեցել ճանաչել Աղասի Շաբոյանին, նա իմ հոր մտերիմ բարեկամն էր, ու ես պատիվ եմ ունեցել ծանոթանալու նրա պարարվեստին ու հիմա իմ սաների հետ աշխատանքներում պահում եմ շաբոյանական արվեստի շունչը»,-SHANTNEWS.am-ի հետ զրույցում ասել է ՀՀ մշակույթի վաստակավոր գործիչ Գագիկ Կարապետյանը։
« Շիրակի մեղեդիներ» ֆիլմն ինքն էր անում, նա առաջին մարդն էր, որ Գյումրվա հարսանիքն աշխարհին ցույց տվեց։ Մեր բոլոր հյուրախաղերն անցել են լեփ-լեցուն դահլիճներով, ու մեզ կանգնած են ծափահարել։ Հյուրախաղերից մեկում, երբ հաղորդավարը հայտնեց Աղասի Շաբոյանի անվան պարային խումբն է բեմում, բոլորը կանգնեցին ու զարմացած էինք, թե ինչ է կատարվում։ Շաբոյանը՝ մեծն վարպետը, վարպետի կոչումը ստացել է իր ժողովրդից, լեննականցուց, գյումրեցուց։ Նրա շնորհիվ է, որ այսօր իր սաները կայացած են և ունեն իրենց պարային խմբերը»,- շեշտում է Աղասի Շաբոյանի սան՝ Համլետ Հակոբյանը։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
11:41 16.06.2025
Պլանային ջրանջատում Գյումրիում«Վեոլիա ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված հունիսի 17-ին՝ ժամը 10:30-ից մինչև հունիսի 18-ը ժամը 10:30-ը, կդադարեցվի Շիրակի մարզի Գյումրի քաղաքի ջրամատակարարումը: «Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,- ասված է հաղորդագրությունում: ...
11:20 16.06.2025
Իսլամական հեղափոխության պահապանների կորպուսը խոստացել է հարձակվել Իսրայելի վրա մինչև նրա լիակատար ոչնչացումըԻրանի գործողությունները Իսրայելի դեմ կշարունակվեն մինչև թշնամու լիակատար ոչնչացումը: Այս մասին ասվում է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) հայտարարության մեջ։ «Հանցավոր Իսրայելի ռեժիմի կողմնակիցները պետք է իմանան, որ Իրանի արդյունավետ, նպատակային և մահացու գործողությունները ռեժիմի նշանակալի և զգայուն թիրախների դեմ կշարունակվեն մինչև դրա լիակատար ոչնչացումը», – հայտարարության մեջ մեջբերում է […] ...
11:07 16.06.2025
Իրանն իրավունք ունի օգտագործել միջուկային էներգիան․ ՓեզեշքիանԻրանն իրավունք ունի օգտագործել ատոմային էներգիան և անցկացնել միջուկային հետազոտություններ, հայտարարել է երկրի նախագահ Մասուդ Փեզեշքիանը։ «Մենք իրավունք ունենք օգտագործել ատոմային էներգիան և անցկացնել հետազոտություններ (միջուկային ոլորտում – խմբ.) հասարակության բարօրության համար։ Ոչ ոք իրավունք չունի խլել մեզանից այս իրավունքը», – Փեզեշքիանի խոսքերն է մեջբերում IRIB պետական հեռուստառադիոընկերությունը։ Նա նաև նշել է, որ Իրանը «պատերազմի […] ...
10:55 16.06.2025
Այսպիսի բնական աղետ Ապարան քաղաքում նախկինում չի եղել․ համայնքապետարանԱյսպիսի բնական աղետ Ապարան քաղաքում նախկինում չի եղել։ Պտտահողմը մեծ ավերածություններ է առաջացրել քաղաքի տարբեր հատվածներում և Լուսագյուղ վարչական տարածքում` վնասելով տանիքներ, խանութներ, ավտոմեքենաներ և համայնքային նշանակության կառույցներ։ «Համայնքապետարանը և պատասխանատու բոլոր մարմինները լիարժեք զգոնությամբ և պատասխանատվությամբ են մոտենում այս ծանր իրավիճակին՝ գործի դնելով հնարավոր բոլոր ռեսուրսները՝ բնակիչների անվտանգությունն ու համայնքի բնականոն կյանքը վերականգնելու համար»,-նշված […] ...
10:40 16.06.2025
Ապարանում շարունակվում են աղետի հետևանքների վերացման աշխատանքներըԱմբողջ գիշեր և վաղ առավոտյան Ապարան համայնքի ղեկավար Կարեն Եղիազարյանը տեղակալների և պատասխանատու ստորաբաժանումների ղեկավարների հետ գտնվել է տեղում՝ մասնակցելով աղետի հետևանքների վերացման աշխատանքներին։ Հաշվի առնելով իրավիճակի լրջությունը՝ համայնքի ղեկավարը աշխատանքային խմբով համակարգել է վնասների նախնական գնահատման, տուժածներին աջակցության և շտապ լուծումներ պահանջող խնդիրների կարգավորման գործընթացը։ Աշխատանքները շարունակվում են նաև այս պահին՝ նպատակ ունենալով հնարավորինս […] ...
10:25 16.06.2025
Վաշինգտոնը կշարունակի պաշտպանական օգնություն ցուցաբերել Իսրայելին․ ԹրամփԻսրայելը և Իրանը, ամենայն հավանականությամբ, կհասնեն ռազմական գործողությունները դադարեցնելու համաձայնության, սակայն դա կարող է տեղի չունենալ անմիջապես: Այս կարծիքն է հայտնել ԱՄՆ նախագահ Դոնալդ Թրամփը հունիսի 15-ին: «Հուսով եմ՝ համաձայնագիր կլինի (Իսրայելի և Իրանի միջև)։ Կարծում եմ՝ դրա ժամանակն է», – ասել է նա՝ պատասխանելով լրագրողների հարցերին։ Նախագահը վստահեցրել է, որ Վաշինգտոնը կշարունակի պաշտպանական օգնություն […] ...
