18:15 18.05.2021
Այս տարի ևս բուհերի դիմորդների փաստաթղթերի հայտագրումն անցկացվեց առցանց տարբերակով։ Դիմումների ընդունման առաջին փուլի արդյունքներով՝ Գյումրիի երեք պետական բուհերում դիմորդների ընդհանուր թիվը կազմել է 576։ Սահմանված տեղերի քանակը համալրել դիմորդներով չի հաջողվել: Թվակազմի փոփոխություն, թեև աննշան, բուհերում կանխատեսում են հայտագրման երկրորդ փուլում։
1 բուհի՝ 1 մասնագիտություն․․․ Ընդունելության նոր կարգը համարում են ցանկալի տարբերակ։ Բարձրագույն հաստատությունների հանձնաժողովների կարծիքով՝ այս կարգով հնարավորություն է տրվում մասնագիտական հստակ կողմնորոշվածությամբ ուսանողներ ունենալ։ Գյումրիի պետական բուհերում ամենաքիչը 4, ամենաշատը 25 մասնագիտությունների գծով են ընդունելություններ լինելու, հայտագրումներն այն բաժիններում են, որոնք ավելի շատ պահանջված են աշխատաշուկայում:
«Այս տարի ավելի շատ դիմել են թարգմանչական գործ, հոգեբանություն, ու էլի մասնագիտություններ կան, որոնցում շատ են հայտագրվածները։ Չենք հայտագրել ֆիզիկան և մաթեմատիկան, էնպիսի իրավիճակ է, որ նախորդ տարիների դինամիկան էլ ցույց էր տալիս, որ այդ մասնագիտությունները էսօր պահանջարկ չունեն, մի քանի տարի հետո մենք մանկավարժի լուրջ խնդիր կունենանք»,- SHANTNEWS.am-ի հետ զրույցում ասել է ՇՊՀ ռեկտորի ԺՊ Երվանդ Սերոբյանը։
«Մեզ մոտ այս տարի ավելի շատ դիմել են ֆինանսներ բաժնում, անցած տարի կառավարում բաժինն էր գերակշռում, այս տարի էլ ավելացրել ենք մարքեթինգը։ Մասնագիտության ընտրության հարցում ավելի շատ ծնողների դիրքորոշումն է ազդում, ընտրում են այնպիսի մասնագիտություններ, որոնք բարձր վարձատրվող են»,- նշել է ՀՊՏՀ Գյումրիի մասնաճյուղի տնօրենի ԺՊ Կարեն Պետրոսյանը։
«Վերջին 3 տարիներին ավելի շատ դիմում են տեղեկատվական տեխնոլոգիաներ բաժնում, ոլորտի մասնագետները պահանջված են, մնացածներում քիչ է դիմելիությունը։ Այս տարի մեկ մասնագիտություն ենք ավելացրել՝ էլեկտրատեխնիկա, և դիմորդներ ունենք»,- ասել է ՀԱՊՀ Գյումրիի մասնաճյուղի ուսումնամեթոդական գծով փոխտնօրեն Հովհաննես Մանուկյանը։
Այս տարի նոր մասնագիտություններ ևս ավելացել են, թեև քիչ, բայց դիմողներ ունեցել են։ Բուհական ընդունելության կարգում մեկ փոփոխություն էլ վերաբերում է քննական կարգին: Նախորդ տարի, համավարակով պայմանավորված, դիմորդներին հնարավորություն տրվեց մեկ քննություն հանձնելով բուհ ընդունվել, այս տարի բոլոր բուհերի դիմորդների համար պարտադիր է երկու քննությունը:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
11:41 16.06.2025
Պլանային ջրանջատում Գյումրիում«Վեոլիա ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված հունիսի 17-ին՝ ժամը 10:30-ից մինչև հունիսի 18-ը ժամը 10:30-ը, կդադարեցվի Շիրակի մարզի Գյումրի քաղաքի ջրամատակարարումը: «Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,- ասված է հաղորդագրությունում: ...
11:20 16.06.2025
Իսլամական հեղափոխության պահապանների կորպուսը խոստացել է հարձակվել Իսրայելի վրա մինչև նրա լիակատար ոչնչացումըԻրանի գործողությունները Իսրայելի դեմ կշարունակվեն մինչև թշնամու լիակատար ոչնչացումը: Այս մասին ասվում է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) հայտարարության մեջ։ «Հանցավոր Իսրայելի ռեժիմի կողմնակիցները պետք է իմանան, որ Իրանի արդյունավետ, նպատակային և մահացու գործողությունները ռեժիմի նշանակալի և զգայուն թիրախների դեմ կշարունակվեն մինչև դրա լիակատար ոչնչացումը», – հայտարարության մեջ մեջբերում է […] ...
11:07 16.06.2025
Իրանն իրավունք ունի օգտագործել միջուկային էներգիան․ ՓեզեշքիանԻրանն իրավունք ունի օգտագործել ատոմային էներգիան և անցկացնել միջուկային հետազոտություններ, հայտարարել է երկրի նախագահ Մասուդ Փեզեշքիանը։ «Մենք իրավունք ունենք օգտագործել ատոմային էներգիան և անցկացնել հետազոտություններ (միջուկային ոլորտում – խմբ.) հասարակության բարօրության համար։ Ոչ ոք իրավունք չունի խլել մեզանից այս իրավունքը», – Փեզեշքիանի խոսքերն է մեջբերում IRIB պետական հեռուստառադիոընկերությունը։ Նա նաև նշել է, որ Իրանը «պատերազմի […] ...
10:55 16.06.2025
Այսպիսի բնական աղետ Ապարան քաղաքում նախկինում չի եղել․ համայնքապետարանԱյսպիսի բնական աղետ Ապարան քաղաքում նախկինում չի եղել։ Պտտահողմը մեծ ավերածություններ է առաջացրել քաղաքի տարբեր հատվածներում և Լուսագյուղ վարչական տարածքում` վնասելով տանիքներ, խանութներ, ավտոմեքենաներ և համայնքային նշանակության կառույցներ։ «Համայնքապետարանը և պատասխանատու բոլոր մարմինները լիարժեք զգոնությամբ և պատասխանատվությամբ են մոտենում այս ծանր իրավիճակին՝ գործի դնելով հնարավոր բոլոր ռեսուրսները՝ բնակիչների անվտանգությունն ու համայնքի բնականոն կյանքը վերականգնելու համար»,-նշված […] ...
10:40 16.06.2025
Ապարանում շարունակվում են աղետի հետևանքների վերացման աշխատանքներըԱմբողջ գիշեր և վաղ առավոտյան Ապարան համայնքի ղեկավար Կարեն Եղիազարյանը տեղակալների և պատասխանատու ստորաբաժանումների ղեկավարների հետ գտնվել է տեղում՝ մասնակցելով աղետի հետևանքների վերացման աշխատանքներին։ Հաշվի առնելով իրավիճակի լրջությունը՝ համայնքի ղեկավարը աշխատանքային խմբով համակարգել է վնասների նախնական գնահատման, տուժածներին աջակցության և շտապ լուծումներ պահանջող խնդիրների կարգավորման գործընթացը։ Աշխատանքները շարունակվում են նաև այս պահին՝ նպատակ ունենալով հնարավորինս […] ...
10:25 16.06.2025
Վաշինգտոնը կշարունակի պաշտպանական օգնություն ցուցաբերել Իսրայելին․ ԹրամփԻսրայելը և Իրանը, ամենայն հավանականությամբ, կհասնեն ռազմական գործողությունները դադարեցնելու համաձայնության, սակայն դա կարող է տեղի չունենալ անմիջապես: Այս կարծիքն է հայտնել ԱՄՆ նախագահ Դոնալդ Թրամփը հունիսի 15-ին: «Հուսով եմ՝ համաձայնագիր կլինի (Իսրայելի և Իրանի միջև)։ Կարծում եմ՝ դրա ժամանակն է», – ասել է նա՝ պատասխանելով լրագրողների հարցերին։ Նախագահը վստահեցրել է, որ Վաշինգտոնը կշարունակի պաշտպանական օգնություն […] ...
