18:15 07.06.2021
Հայտնի է, որ արտահերթ խորհրդարանական ընտրությունները տեղի են ունենալու միայն համամասնական ընտրակարգով, ինչը բուն քվեարկության գործընթացում որոշակի փոփոխությունների է հանգեցրել։ Առաջին անգամ այս ընտրություններում գրիչների կիրառումը բացառվելու է, ընտրողը քվեաթերթիկներում որևէ նշում չի կատարելու։ Նաև համավարակով պայմանավորված՝ ընտրական տեղամասերի կահավորումը ևս այլ տարբերակով է լինելու։
Թիվ 31 ընտրատարածքի 58 ընտրատեղամասերի հանձնաժողովականներին այսօր ներկայացվել են առաջին հերթին կազմակերպչական, այսպես ասած՝ արտահերթ փոփոխությունները, որոնք պայմանավորված են Covid-19-ով․ տեղամասերի կահավորում, դասավորվածություն, սոցիալական հեռավորության գծանշումներ ու ամենակարևորը՝ մատնահետքով նույնականացման սարքի հակահամաճարակային կանոնների պահպանում։
«Հանձնաժողովի ներկայացուցիչը, որն ընդունում է անձնագրային տվյալները, պահելով սոցիալական հեռավորությունը ընտրողների հետ, պիտի խնդրի դիմակն իջեցնել, որպեսզի նույնականացնի անձի դեմքը անձնագրի հետ։ Սա բնավ չի արվում ընտրողին վիրավորելու համար, նրանք էլ պիտի գիտակցեն, որ դրանում վատ բան չկա, մենք չենք վիրավորում ոչ մեկին, պիտի համոզվենք, որ անձնագրով տվյալ մարդն է քվեարկում»,- SHANTNEWS.am-ի հետ զրույցում ասել է Գյումրիի թիվ 31 /09 ընտրատեղամասի նախագահ Ռոստոմ Պետրոսյանը։
Այս ընտրություններում մեծամասնականից անցումը համամասնական ընտրակարգի փոփոխություններ է բերել նաև տեղամասային հանձնաժողովների աշխատանքում, իսկ փոփոխված քվեարկության կարգի իրազեկումը հատկապես անհրաժեշտ է ընտրողներին։
«Այս ընտրություններին քվեարկությանը բացառվելու է գրիչների օգտագործումը և՛ քվեախցիկում․ և՛ ամփոփման ժամանակ, անդամների մոտ գրիչ չի լինելու։ Բացառություն է կազմելու լսողական խնդիրներ ունեցողները, եթե կարիքը լինում է հանձնաժողովի անդամը թուղթ ու գրիչ տալիս, որ գրեն, թե ինչ հարց ունեն»,- նշել է ՏԸՀ դասընթացավար Անուշ Ասլանյանը։
Այսինքն, ո՛չ քվեախցիկում, ո՛չ ընտրողի ձեռքին գրիչ լինել չի կարող, սրան նաև հանձնաժողովականներն են պարտավորված ուշադիր լինել։ Ընտրողը քվեախցիկ է մտնելու 22 կուսակցության և 4 դաշինքների քվեաթերթիկներով, և ընդամենը մեկ քվեաթերթիկ է ծրարում դնելու, վավեր կհամարվի այն, որը դրոշմակնիքված է։
Արտահերթ ընտրություններին ընդառաջ և 10 օր շարունակ Շիրակի մարզի 220 տեղամասային ընտրական հանձնաժողովների բոլոր անդամները մասնակցելու են այսպիսի ուսուցողական դասընթացների, որոնց մի քանի օրից կմիանան միջազգային դիտորդները։ Իսկ մարզի տարածքային 4 հանձնաժողովները կգումարեն երկրորդ նիստն արդեն գործնականում փորձարկելու են տեխնիկական սարքերը, ծանոթանալու են ընթացակարգին վերաբերող այլ գործառույթների։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
19:39 30.04.2025
ԼՂ-ից տեղահանված անձանց սոցիալական աջակցության ծրագրում լրացումներ են արվելԼՂ-ից տեղահանված անձանց առաջնային կարիքների բավարարման, կեցության և այլ ծախսերի համար նախատեսված սոցիալական աջակցության ծրագրում լրացումներ են արվել։ Այս մասին հայտնում են ՀՀ աշխատանքի և սոցիալական հարցերի նախարարությունից: Հաշվի առնելով այն, որ ԼՂ-ից բռնի տեղահանված ընտանիքների համար հաստատված սոցիալական ուղղվածություն ունեցող ծրագրերի լավարկման վերաբերյալ առաջարկների քննարկման համար կպահանջվի որոշակի ժամկետ՝ ընթացիկ ծրագրերում իրականացվել են որոշակի […] ...
19:27 30.04.2025
«Care for children» կազմակերպության և ՀՀ-ում դիվանագիտական ներկայացուցիչների մասնակցությամբ տեղի է ունեցել կլոր սեղան քննարկումԽնամատարության ինստիտուտի զարգացման ու կայացման հեռանկարի վերաբերյալ համաժողովի շրջանակում՝ Աշխատանքի և սոցիալական հարցերի նախարարության նախաձեռնությամբ տեղի է ունեցել հարակից կլոր սեղան քննարկում՝ «Care for children» կազմակերպության և ՀՀ-ում գործունեություն իրականացնող դիվանագիտական ներկայացուցիչների մասնակցությամբ։ Հանդիպման շրջանակում դեսպաններին ներկայացվել է պետության խնամքին ապրող երեխաների համար որպես խնամքի այլընտրանքային ինստիտուտի՝ խնամատարության վերաբերյալ ՀՀ-ում այս պահին առկա պատկերը, ոլորտային […] ...
19:17 30.04.2025
Վահրամ Դումանյանը նշանակվել է վարչապետի խորհրդականՎարչապետ Նիկոլ Փաշինյանը որոշում է ստորագրել, ըստ որի՝ Վահրամ Դումանյանը նշանակվել է վարչապետի խորհրդական: «Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով՝ Վահրամ Դումանյանին նշանակել վարչապետի խորհրդական»,- ասվում է որոշման մեջ։ ...
19:07 30.04.2025
«Բարսելոնան» հավանաբար այս պահին աշխարհի լավագույն թիմն է․ ԻնձագիՄիլանի «Ինտերի» գլխավոր մարզիչ Սիմոնե Ինձագին Չեմպիոնների լիգայի կիսաեզրափակչի՝ «Բարսելոնայի» դեմ առաջին հանդիպումից առաջ կիսվել է իր սպասելիքներով։ ««Բարսելոնան» հավանաբար այս պահին աշխարհի լավագույն թիմն է։ Ֆլիկի գլխավորությամբ ակումբը հիանալի կազմակերպված հարձակողական ֆուտբոլ է ցուցադրում»,- նշել է Ինձագին մամուլի ասուլիսում։ «Բարսելոնա» – «Ինտեր» հանդիպումը կկայանա այսօր երեկոյան։ ...
18:58 30.04.2025
ԲՏԱ նախարարի տեղակալը Շվեդիայի Թագավորությունում հանդիպում է ունեցել ոլորտի մի շարք ներկայացուցիչների հետՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանն ապրիլի 22-24-ը աշխատանքային այցով գտնվել է Շվեդիայի Թագավորությունում (Ստոկհոլմ)՝ մասնակցելու Շվեդիայում ՀՀ դեսպանության և Շվեդիայի ԱԳՆ կողմից կազմակերպված «Գործարար համաժողով Հայաստանի վերաբերյալ» (Business Seminar on Armenia) թեմայով միջոցառմանը, որին մասնակցել են շվեդական գործարար և պետական ոլորտի ավելի քան 50 ներկայացուցիչ։ Միջոցառմանը նախարարի տեղակալը ներկայացրել է Հայաստանի բարձր […] ...
18:49 30.04.2025
Վարչապետի գլխավորությամբ քննարկվել է Փրկարար ծառայության զարգացման հայեցակարգըՎարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Փրկարար ծառայության զարգացման հայեցակարգը: Ներքին գործերի նախարար Արփինե Սարգսյանը նշել է, որ Փրկարար ծառայության զարգացման տեսլականը կարևոր է ՆԳՆ բարեփոխումների շղթայի ամբողջականացման շրջանակում և ներկայացրել հայեցակարգում բարձրացված խնդիրների լուծումները: Մասնավորապես, ներկայացվել են մանրամասներ ՆԳՆ կողմից ոլորտային քաղաքականության մշակման, ոլորտում վարվող քաղաքականության մոնիթորինգի, արտադրական […] ...
