20:00 09.06.2021
Մինաս Ավետիսյանի Ջաջուռի թանգարանի ցուցադրությունը համալրվել է ևս մեկ բնօրինակ կտավով: Ժամանակավոր ցուցադրության է ներկայացվել Մինասի վաղ շրջանի գործերից մեկը, որը մինչ այս մասնավոր հավաքածուներում է գտնվել: «Եդեմական պարտեզ» կոչվող կտավը Մինասը նկարել է 1963-ին: Այն առաջին անգամ է Ջաջուռում ցուցադրվում նկարչի մյուս բնօրինակ գործերի կողքին: Սա անձնական հավաքածուներում պահվող Մինասի բազմաթիվ գործերից միայն մեկն է: Այդպիսի կտավների ստույգ թիվը հայտնի չէ:
«Եդեմական պարտեզը» Մինասի մյուս բնօրինակներից տարբերվում է գունային լուծումներով: Այստեղ հանճարեղ գեղանկարչի վառ գույներն ու գյուղական տեսարանները բացակայում են: Նկարչի վաղ շրջանի աշխատանքներից է: Նկարել է 1963 թվականին, իր մեծ ստեղծագործական կյանքի մեկնարկի տարիներին: Ոգեշնչման աղբյուրը Սայաթ-Նովան է։
«Մինասը ոգեշնչված է եղել Սայաթ-Նովայով: Այս կտավը ձոն է մեծն Սայաթ-Նովային: Այն կոչվում է «Եդեմական պարտեզ»: Ինքնին Աստվածաշնչյան թեմայում Եվայի կերպարում տեսնում ենք Աննային՝ Սայաթ-Նովայի մեծ սիրուն»,- Shantnews-ին ասել է «Մինաս Ավետիսյան» հիմնադրամի հոգաբարձուների խորհրդի անդամ Լիլիթ Փաշինյանը:
Հայտնի է, որ Մինասը չի կարողացել իր աշխատանքները վաճառել: Դրանց մեծ մասը նվիրել է: Հետո նվիրած կտավները վաճառվել են, վերավաճառվել և հիմա հայտնի չէ, թե որտեղ, ում հավաքածուներում ու քանի բնօրինակ աշխատանքներ կան, որոնց հեղինակը Մինաս Ավետիսյանն է:
«Թիվ հայտնի չէ, և երևի թե չկարողանանք ինչ-որ թիվ ունենալ, որովհետև մասնավոր հավաքածուները սրանով են արտասովոր, որ դրանք միշտ վերափոխվում են, վերավաճառվում, շատ անգամ փոխանակվում էլ են, հասցեից հասցե են գնում: Հետո տարիներ անց ինչ-որ տեղից ի հայտ են գալիս նկարները: Նպատակ ունենք կատալոգ տպել և կոչ անել մարդկանց, որ ովքեր Մինասի նկարներ ունեն, ուղարկեն մեկ լուսանկար: Այդ լուսանկարները կտպվեն կատալոգում, և սա լավ հնարավորություն կտա նաև զտել այն աշխատանքները, որոնք կասկածելի են, թե արդյոք պատկանում են Մինասի վրձնին»,- Shantnews-ին ասել է Մինաս Ավետիսյանի թանգարանի տնօրեն Արման Ավետիսյանը:
«Եդեմական պարտեզը» Ջաջուռում կցուցադրվի մինչև ձմեռ: Երբ ջեռուցման սեզոնը սկսվում է, Ջաջուռում բոլոր բնօրինակները հանվում են ցուցադրությունից: Թանգարանը ջեռուցում չունի, նկարների պահպանման պայմաններ չկան: Իսկ մինչ այդ, ամբողջ ամռան ընթացքում այցելուները հնարավորություն ունեն Ջաջուռում տեսնելու «Եդեմական պարտեզը»: Զուգահեռ, թանգարանը նոր ցուցանմուշների տրամադրման խնդրանքով նաև Ազգային պատկերասրահին է դիմել: Ջաջուռում Մինասի թանգարանի այցելուները ավելացել են ներքին տուրիզմի հաշվին:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
14:17 01.05.2025
Ինչպիսի եղանակ է սպասվում առաջիկա օրերին
13:35 01.05.2025
Դպրոցականների խմբին վրաերթի ենթարկած տղամարդը խոստովանել է, որ ցանկացել է նրանց սպանելՃապոնիայի Օսակա քաղաքում դպրոցականների ուղղությամբ մեքենան վարած 28-ամյա տղամարդը խոստովանել է, որ ցանկացել է սպանել նրանց, հաղորդում է Kyodo լրատվական գործակալությունը։ «Ես ամեն ինչից հոգնել էի։ Ուզում էի մեքենայով վրաերթի ենթարկել դպրոցականներին և սպանել նրանց», – ոստիկանությանը տված նրա խոստովանությունը մեջբերում է «Կիոդո» լրատվական գործակալությունը։ Տղամարդը ձերբակալվել է սպանության փորձի կասկածանքով։ Ավելի վաղ NHK-ն հայտնել […] ...
13:20 01.05.2025
Մեզ համար կարևոր է ստեղծել այնպիսի միջավայր, որտեղ աշխատանքը ոչ միայն կենսաապահովման աղբյուր է, այլ նաև ինքնադրսևորման, մասնագիտական աճի հարթակ․ ԱՍՀ նախարարՀՀ աշխատանքի և սոցիալական հարցերի նախարար Նարեկ Մկրտչյանը շնորհավորական ուղերձ է հղել Աշխատանքի և աշխատավորների միջազգային օրվա կապակցությամբ․ «Սիրելի՛ քաղաքացիներ, Մայիսի 1-ը որպես Աշխատանքի և աշխատավորների միջազգային օր, կրկին հնարավորություն է ընդգծելու արժանապատիվ աշխատանքի կարևորությունը՝ հիմնված ազատության, արդարության և հավասարության վրա. սա այն հիմնական նպատակն է, որին ուղղված են պետության կողմից իրականացվող ոլորտային բարեփոխումները։ Մեզ […] ...
13:03 01.05.2025
Նոր Զելանդիայում արտակարգ դրություն է հայտարարվել ջրհեղեղի պատճառովՆոր Զելանդիայի Քրայսթչըրչ քաղաքում և Սելվին շրջանում արտակարգ դրություն է հայտարարվել՝ ուժեղ անձրևների հետևանքով առաջացած լայնածավալ ջրհեղեղներից հետո, հաղորդում է New Zealand Herald թերթը։ «Քրայսթչըրչում և Քենթերբերիի Սելվին շրջանում հայտարարվել է արտակարգ դրություն», – գրում է հրատարակությունը։ Հայտարարությունը արել է երկրի արտակարգ իրավիճակների նախարար Մարկ Միտչելը։ ...
12:50 01.05.2025
Վարազդատ Լալայանն այսօր տոնում է ծննդյան օրըՕլիմպիական խաղերի արծաթե մեդալակիր, աշխարհի և Եվրոպայի կրկնակի չեմպիոն Վարազդատ Լալայանը մայիսի 1-ին տոնում է ծննդյան օրը: «Հայաստանի ծանրամարտի ֆեդերացիայի ամբողջ անձնակազմն ի սրտե շնորհավորում է Վարազդատին` մաղթելով նորանոր նվաճումներ ու հպարտության բազմաթիվ պահեր»,-նշված է ֆեդերացիայի տարածած հաղորդագրության մեջ: ...
12:37 01.05.2025
Հրդեհ Աղավնավանք գյուղումՄայիսի 1-ին, ժամը 07։44-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի 5-րդ փողոցի տներից մեկի բակում այրվում է անասնագոմ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Աղավնավանք գյուղի 3-րդ փողոցի տներից մեկի բակում գտնվող անասնագոմի տանիքում: Հրդեհը մեկուսացվել է ժամը 08:30-ին, մարվել՝ 08:55-ին։ Այրվել է անասնագոմի […] ...
12:20 01.05.2025
Աշխատանքը չպետք է ընկալվի որպես պարտադրանք կամ բեռ, այլ որպես ինքնադրսևորման, կայուն ապագայի կառուցման հնարավորություն․ ՊապոյանՀՀ էկոնոմիկայի նախարար Գևորգ Պապոյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա կապակցությամբ։ «Հարգելի՛ հայրենակիցներ, Շնորհավորում եմ Աշխատանքի և աշխատավորների համերաշխության միջազգային օրվա կապակցությամբ։ Այս օրը մեզ հիշեցնում է, որ առանց նպատակային, համակարգված և գիտելիքի վրա հիմնված աշխատանքի հնարավոր չէ ապահովել տնտեսական իրական առաջընթաց։ Աշխատանքը չպետք է ընկալվի որպես պարտադրանք, տանջանք կամ […] ...
